უზბეკეთის ელჩი: საქართველო, მსოფლიო ბაზრებზე წვდომის გაფართოებისათვის მნიშვნელოვანი პარტნიორია

საქართველოში უზბეკეთის რესპუბლიკის ელჩი შერზოდ ფაიზიევი საქართველო უზბეკეთის დიპლომატიური ურთიერთობები 25 წელს "პირველთან" ექსკლუზიურ ინტერვიუში აფასებს.

 

 

ფაიზიევი "პირველს" ქვეყნებს შორის სავაჭრო-ეკონომიკური და საინვესტიციო თანამშრომლობის გაფართოების გეგმებზე ესაუბრა და აღნიშნა, რომ საქართველოსთან სატრანსპორტო-საკომუნიკაციო სფეროში თანამშრომლობა პრიორიტეტული მიმართულებაა.


ელჩამა ცენტრალური აზიიდან კასპიის ზღვასა და შემდეგ კავკასიაზე გამავალი სატრანსპორტო მარშრუტებსის აქტუალურობას გაუსვა ხაზი და საქართველოს მსოფლიო ბაზრებზე წვდომის გაფართოებისათვის მნიშვნელოვანი პარტნიუორი უწოდა.


უზბეკი დიპლომატი დარწმუნებულია, რომ ბაქო-თბილისი-ყარსის სარკინიგზო მარშრუტის ამოქმედება უზბეკური საქონლის სამხრეთ და ცენტრალური ევროპის ბაზრებზე გასატანად პერსპექტიული საშუალებაა.


- უზბეკეთი დ საქართველო აღნიშნავენ მნიშვნელოვან თარიღს - დიპლომატიური ურთიერთობების დამყარებიდან 25 წლისთავს. ამასთან დაკავშირებით როგორ შეაფასებდით ორიოდ სიტყვით ჩვენს ქვეყნებს შორის არსებულ ურთიერთობათა განვითარებას ამ პერიოდის განმავლობაში?


- უზბეკეთის რესპუბლიკასა და საქართველოს შორის დიპლომატიური ურთიერთობები 25 წელს ითვლის. თუმცა ეს მრგვალი თარიღი არ ასახავს ტრადიციულად თბილ და ჭეშმარიტად მეგობრულ ურთიერთობებს, რომლებიც ჩვენს ხალხებს შორის ჩამოყალიბდა. ჩვენს ურთიერთობებს საფუძვლად უდევს არა მხოლოდ ადამიანური კავშირები და ურთიერთობის მრავალწლიანი პრაქტიკა, არამედ ერთმანეთის უდიდესი ისტორიისა და უნიკალური კულტურის ღრმა პატივისცემა.


ბუნებრივია, საერთო ისტორიიდან, დიდიხნის კულტურული, ეკონომიკური თუ ჰუმანიტარული კავშირებიდან გამომდინარე უზბეკეთისთვის საქართველოსთან ურთიერთობების განვითარება ყოველთვის იყო საგარეო პოლიტიკის ერთ-ერთი პრიორიტეტული მიმართულება. ჩვენ საქართველოს განვიხილავთ, როგორც საკვანძო სახელმწიფოს სამხრეთ კავკასიის რეგიონში. ჩვენი ქვეყანა ისწრაფვის დაამყაროს საქართველოსთან თანასწორუფლებიანი და ურთიერთსასარგებლო, გრძელვადიანი და მჭიდრო ურთიერთობა. ყველა ეს თეზისი მკაფიოდაა ასახული უზბეკეთის საგარეო პოლიტიკურ კონცეფციაში, რომელსაც პრეზიდენტი შავკატ მირზიოევი უძღვება.


უდიდესი კმაყოფილებით მინდა გავუსვა ხაზი იმ ფაქტს, რომ ამგვარი მიდგომების რეალიზაციის ფარგლებში, ბოლო წლებში, შეინიშნება ჩვენს ქვეყნებს შორის კონტაქტების მნიშვნელოვანი გააქტიურება მაღალ და უმაღლეს დონეებზე, სახელმწიფო სტრუქტურებს, მეწარმე სუბიექტებსა და საქმიან წრეებს შორის. მაგალითად მოვიყვან უზბეკეთის პრეზიდენტის, შავკატ მირზიოევის და საქართველოს პრემიერ-მინისტრის, გიორგი კვირიკაშვილის შეხვედრას ქ. ნიუ-იორკში გაეროს გენერალური ასამბლეის 72-ე სესიის მსვლელობისას 2017 წლის სექტემბერში, საქართველოს პარლამენტის თავმჯდომარის ვიზიტს უზბეკეთში 2018 წლის იანვარში, ეკონომიკური თანამშრომლობის საკითხებში სამთავრობათაშორისი კომისიის მერვე სხდომას ჩატარებას თბილისში 2018 წლის მაისში და სხვა მრავალს.


ამ შეხვედრებისა და მოლაპარაკებების შედეგად დამტკიცებულია უზბეკეთსა და საქართველოს შორის პოლიტიკურ, სავაჭრო-ეკონომიკურ, საინვესტიციო, სატრანსპორტო და კულტურულ-ჰუმანიტარულ სფეროებში თანამშრომლობის "საგზაო რუკა". ამ დოკუმენტის პრაქტიკული რეალიზაცია დადებით შედეგს იძლევა ორმხრივი ურთიერთობების გააქტიურების თვალსაზრისით.


სიამოვნებით მინდა აღვნიშნო, რომ ჩვენი ქვეყნების პარლამენტებში შექმნილია და აქტიურად ფუნქციონირებს უზბეკეთისა და საქართველოს მეგობრობის ჯგუფები, რომლებსაც ასევე მნიშვნელოვანი წვლილი შეაქვთ ჩვენს ქვეყნებს შორის თანამშრომლობის შემდგომ განვითარებაში.


- ქვეყნებს შორის ორმხრივი ურთიერთობების ერთ-ერთი უმთავრესი მახასიათებელია სავაჭრო-ეკონომიკური თანამშრომლობის დონე. როგორია დღეისათვის უზბეკეთსა და საქართველოს შორის ვაჭრობის სტატისტიკა წინა წლების მაჩვენებლებთან შედარებით და რა პერსპექტივები იკვეთება?


 - თანამედროვე რეალობის გათვალისწინებით და ჩვენი ქვეყნების ინტერესებიდან გამომდინარე ორმხრივი ურთიერთქმედების მნიშვნელოვან მიმართულებად  განვიხილავთ სავაჭრო-ეკონომიკური და საინვესტიციო თანამშრომლობის გაფართოებას.


უზბეკეთი საქართველოს პერსპექტიულ სავაჭრო-ეკონომიკურ პარტნიორად განიხილავს. ეფექტიანად მუშაობს სამთავრობათაშორისო ეკონომიკური კომისია, რომლის საქმიანობის შედეგებიც წლიდან წლამდე დადებით დინამიკას გვიჩვენებს. ამ კონტექსტში სასიხარულოა იმის აღნიშვნა, რომ ბოლო წლებში საგრძნობლად გაიზარდა ტვირთბრუნვის მაჩვენებლები. ასე მაგალითად, სტატისტიკური მონაცემების თანახმად, 2019 წლის პირველი ნახევრის შედეგებით ორმხრივი ვაჭრობა 37,2 პროცენტით გაიზარდა და 55 მილიონ აშშ დოლარს გადააჭარბა.


ამავე დროს ამჟამინდელი მაჩვენებლები არ ასახავს ჩვენი ქვეყნების რეალურ პოტენციალს. ჩვენ ყველა აუცილებელი პირობა გვაქვს საიმისოდ, რომ კარდინალურად გავზარდოთ  ორმხრივი ვაჭრობის მოცულობა იმ ფაქტის გათვალისწინებით, რომ უზბეკეთში დამოუკიდებლობის წლებში ჩამოყალიბდა მრეწველობის სრულიად ახალი  დარგები, რომელთა სპეციალიზაცია გახლავთ სხვადასხვა სახის მაღალი ხარისხის და მოთხოვნადი პროდუქციის გამოშვება.


ამ მიზნით უზბეკეთის მხარე მზადაა მრავალი სახის პროდუქციის ხარჯზე გააფართოვოს იმ საქონლის ნომენკლატურა, რომელიც ქართულ ბაზარს მიეწოდება. მათ შორის შეიძლება აღინიშნოს მრეწველობის ისეთი დარგების პროდუქცია, როგორიცაა ელექტროტექნიკური, ქიმიური, მანქანათმშენებელი, ტექსტილის, ფარმაცევტული, სამშენებლო და სხვა მრეწველობა.


საერთო აზრს გამოვხატავ, თუ ვიტყვი, რომ ორმხრივი ვაჭრობის განვითარების პროცესს ასევე ხელს შეუწყობს სამეურნეო სუბიექტებს შორის ურთიერთქმედების გააქტიურება, ორივე ქვეყნის ტერიტორიაზე საერთო საწარმოთა შექმნა, სავაჭრო წარმომადგენლობებისა და სავაჭრო სახლების გახსნა, სავაჭრო-სამრეწველო გამოფენებისა და ბაზრობების მოწყობა.


ჩვენ ასევე დაინტერესებული ვართ საინვესტიციო თანამშრომლობით. უზბეკეთი მზადაა ისეთი კონკურენტუნარიანი და მოთხოვნადი პროდუქციის წარმოებასთან დაკავშირებული საინვესტიციო პროექტების ერთობლივი რეალიზაციისათვის, როგორიცაა ტექსტილის მზა ნაკეთობები, ფარმაცევტული პრეპარატები, თანამედროვე სამშენებლო მასალები, გადამუშავებული ხილ-ბოსტნეულის პროდუქცია, ქიმიური წარმოების საქონელი და სხვა მრავალი, რაც მესამე ქვეყნებში შემდგომი ექსპორტისთვისაა განკუთვნილი.


- როგორ შეაფასებდით ჩვენს ქვეყნებს შორის ტურისტული ურთიერთქმედების  დონეს?


- თქვენ ძალზე მნიშვნელოვან საკითხს შეეხეთ. როგორც ჩვენთვის ყველასთვის ცნობილია, ტურიზმის სფერო ორმაგ მისიას ასრულებს: ერთი მხრივ ის ხალხების დაახლოების მნიშვნელოვანი ფაქტორია; მეორე მხრივ კი სახელმწიფო ბიუჯეტის შევსების მძლავრი წყარო იმ ქვეყნებისათვის, რომელთაც მიმზიდველი ტურისტული მიმართულებები აქვთ.


ყველა ზემოჩამოთვლილი ასპექტიდან გამომდინარე ჩვენ განსაკუთრებული ყურადღება მივმართეთ ტურისტულ სფეროში ორმხრივი ურთიერთობების საკითხებზე. კერძოდ, უზბეკეთისა და საქართველოს უმდიდრესი კულტურული და ისტორიული მემკვიდრეობა, თქვენი ქვეყნის გამაჯანსაღებელი კურორტების შესაძლებლობებისა და უზბეკეთის ისტორიული ღირსშესანიშნაობების ჩათვლით, ხელსაყრელ საფუძველს ქმნის ტურიზმის სფეროში მხარეთა თანამშრომლობის გააქტიურებისათვის.


მოგეხსენებათ, უზბეკეთს  კოლოსალური შესაძლებლობები აქვს ტურიზმის სფეროში. რესპუბლიკაში 7 ათასზე მეტი კულტურული მემკვიდრეობის ობიექტია, რაც მთლიანად ცენტრალურ აზიაში არსებული ისტორიული ძეგლების 90 პროცენტს აღემატება. მათგან 500-ზე მეტი ტურისტულ მარშრუტებშია მოქცეული. ყველაზე თვალსაჩინო მარგალიტებია ბუხარის, სამარყანდის, ხივასა და შახრისაბზის ძეგლები.


ბოლო ორი წლის განმავლობაში უზბეკეთში დიდი რეფორმები ტარდება, რომლებიც საზოგადოებრივი ცხოვრების პრაქტიკულად ყველა სფეროს მოიცავს. ტურიზმის სფერო და ყველაფერი, რაც ამ დარგს უკავშირდება, სახელმწიფოს მხრიდან მიჩნეულია პრიორიტეტულ მიმართულებად და ეკონომიკის სტრატეგიული სექტორის სტატუსი აქვს მინიჭებული.


მრავალი ღონისძიების განხორციელება ახლდა ტურისტებისათვის უზბეკეთის მიმზიდველობის მკვეთრ ამაღლებას. თუ 2017 წელს უზბეკეთს 2,6 მილიონი ტურისტი ეწვია, 2018 წელს ეს ციფრი 5,3 მილიონამდე გაიზარდა (99-პროცენტიანი მატება). 2025 წლისათვის ვგეგმავთ უცხოელი ტურისტების რაოდენობა 9 მილიონამდე გავზარდოთ.


ანალოგიური ვითარება ჩამოყალიბდა  ტურიზმის სფეროში საქართველოშიც. ამასთან, თქვენი ქვეყნის გამოცდილება და განხორციელებული ღონისძიებები ეკონომიკის ამ სფეროს განვითარებისათვის  კარგი მაგალითია უზბეკეთისათვის.


ამ მხრივ მნიშნელოვან როლს ასრულებს მხარეთა კოოპერირება, იდეებისა და გამოცდილების გაზიარება, ერთობლივი პროდუქტების შექმნა. სიამოვნებით უნდა აღვნიშნოთ, რომ ჩვენ უკვე ვახორციელებთ აქტიურ ნაბიჯებს ტურიზმის სფეროში დასახული მიზნის რეალიზაციისათვის. მაგალითად, მიმდინარე წლის 16 ივლისიდან გაიხსნა ტაშკენტსა და თბილისს შორის პირდაპირი ავია-მიმოსვლა. ეროვნული ავიაკომპანია „უზბეკისტონ ჰავო იულარის“ თანამედროვე და საიმედო თვითმფრინავები კვირაში ორჯერ ახორციელებენ ფრენებს ჩვენი ქვეყნების დედაქალაქებს შორის და ორივე მიმართულებით ბილეთების შოვნა უკვე ჭირს.


არანაკლებ სასიამოვნოა უზბეკეთის დელეგაციის საქართველოში ვიზიტის აღნიშვნაც, რომელიც მიმდინარე წლის აგვისტოს დასაწყისში შედგა. ამ ვიზიტის ფარგლებში საქართველოს მოსახლეობას უნიკალური შესაძლებლობა მიეცა, უშუალოდ გასცნობოდა უზბეკეთის მდიდარ ტურისტულ პოტენციალს, უძველეს, კოლორიტულ კულტურას და უზბეკი ხალხის დახვეწილ სამზარეულოს.


დარწმუნებული ვარ, რომ უაღრესად თბილი და წარუშლელი შთაბეჭდილებებით დაბრუნდა სამშობლოში საქართველოს ტურიზმის ეროვნული ადმინისტრაციის დელეგაცია, რომელიც 13-15 აგვისტოს საპასუხო ვიზიტით ეწვია ქ. ტაშკენტს. დელეგაციის ვიზიტისას მოეწყო საქართველოს ტურისტული პოტენციალის პრეზენტაცია და დამყარდა კონტაქტები უზბეკეთის ტურისტულ კომპანიებთან.


მინდა ვისარგებლო შემთხვევით და გაცნობოთ, რომ 2019 წლის ნოემბერში ტაშკენტში გაიმართება საერთაშორისო ტურისტული ბაზრობა. ჩვენ ვიწვევთ ქართულ ტურისტულ კომპანიებს აქტიური მონაწილეობა მიიღონ ამ ღონისძიებაში. დარწმუნებული ვარ, რომ პირდაპირი ავიარეისების გახსნა საშუალებას მოგვცემს კიდევ უფრო თამამი გეგმები დავსახოთ თანამშრომლობის, მათ შორის ტურიზმის დარგში ურთიერთქმედების გასაფართოებლად.


- თქვენი აზრით ეკონომიკის კიდევ რომელ დარგებში შეიძლება გაფართოვდეს ჩვენს ქვეყნებს შორის თანამშრომლობა?


- თქვენ ძალზე სწორი კითხვა დასვით. ერთ-ერთი პრიორიტეტული მიმართულებაა ასევე სატრანსპორტო-საკომუნიკაციო სფეროში თანამშრომლობა.


თავისი გეოგრაფიული განლაგების წყალობით საქართველო აღმოსავლეთ-დასავლეთის დამაკავშირებელი უმნიშვნელოვანესი სატრანსპორტო და სავაჭრო გზების გასაყარზე მდებარეობს ზღვაზე გასასვლელითა და შესაბამისად ევროპისა და აზიის საგარეო ვაჭრობის ბაზრებზე წვდომით. ამჟამად განსაკუთრებულ აქტუალურობას იძენს ცენტრალური აზიიდან კასპიის ზღვასა და შემდეგ კავკასიაზე გამავალი სატრანსპორტო მარშრუტები.


საქართველო, სატრანსპორტო-სატრანზიტო პოტენციალის გათვალისწინებით, განიხილება უზბეკეთის მნიშვნელოვან პარტნიორად მსოფლიო ბაზრებზე წვდომის გაფართოებისათვის. ამის დასტურია ის ფაქტი, რომ უკანასკნელ წლებში მნიშვნელოვნად გაიზარდა უზბეკეთიდან ევროპის ქვეყნებსა და სხვა სახელმწიფოებში საქონლის ტრანზიტი საქართველოს ტერიტორიის გავლით.


მხარეებს აქვთ სარკინიგზო ტრანსპორტის დარგში თანამშრომლობის შემდგომი განვითარებისა და გაფართოების შესაძლებლობა. ამ კონტექსტში დარწმუნებული ვართ, რომ ბაქო-თბილისი-ყარსის სარკინიგზო მარშრუტის ამოქმედება კარგ პერსპექტივებს გვიხსნის სატრანსპორტო სფეროში თანამშრომლობის გასაღრმავებლად და დამატებით შესაძლებლობებს გვაძლევს უზბეკური საქონლის სამხრეთ და ცენტრალური ევროპის ბაზრებზე გასატანად.


ამ თვალსაზრისით, უზბეკეთის მხარე გულდასმით შეისწავლის როგორც აღნიშნული დერეფნების საშუალებით საკუთარი ტვირთნაკადების გაზრდის შესაძლებლობებს, ასევე საკუთარი სახსრების დაბანდების საკითხს ფოთის პორტსა და დაგეგმილი ანაკლიის ღრმაწყლოვანი პორტის ტერიტორიის მოწყობაში.


ვიმედოვნებთ, რომ საქართველო ასევე დაინტერესებულია უზბეკეთის პოტენციალის გამოყენებით, რომელიც აზიის შუაგულში მდებარეობს და უდიდესი ეკონომიკური და სტრატეგიული შესაძლებლობები აქვს. ამასთან დაკავშირებით მინდა აღვნიშნო, რომ თავისუფალი ეკონომიკური ზონა "ნავოი" ასევე კარგ ბაზისს წარმოადგენს ორი ქვეყნის თანამშრომლობის გასაღრმავებლად სატრანსპორტო-საკომუნიკაციო სფეროში.


უმნიშვნელოვანეს საავტომობილო, სარკინიგზო და საავიაციო გზაჯვარედინებზე  განლაგებული ქალაქ ნავოის აეროპორტი ერთმანეთთან აკავშირებს სამხრეთ-აღმოსავლეთ აზის და ცენტრალური და სამხრეთ აზიის ქვეყნებს, ახლო აღმოსავლეთსა და ევროპის კონტინენტის სახელმწიფოებს. ახალი საწარმოო ობიექტების ერთობლივი მშენებლობა ამ ადგილას, საკონტინენტთაშორისო ავიაგადაზიდვების განხორციელებაზე მუშაობა პერსპექტივაში განსაკუთრებით ხელსაყრელი იქნება უზბეკეთისა და საქართველოსათვის.


- როგორ გესახებათ უზბეკეთსა და საქართველოს შორის თანამშრომლობა სამომავლოდ?


- ჩვენ მოწოდებული ვართ კვლავაც განვავითაროთ  ურთირთხელსაყრელი და პარტნიორული კავშირები საქართველოსთან. ამ მიზნის რეალიზაციისათვის მხარეები გააგრძელებენ იმ საკითხებზე აქტიურ მუშაობას, რომლებიც სხვადასხვა დონეზე კონტაქტების ორგანიზაციას, ასევე იმ პოლიტიკური, ეკონომიკური და კულტურულ-ჰუმანიტარული ხასიათის ღონისძიებების ჩატარებას ეხება, როლებმაც სახელმწიფოთა შორის ურთიერთობები თვისობრივად ახალ სიმაღლეზე უნდა აიყვანოს.


ჩვენ უნდა გვესმოდეს, რომ ყველა მოქმედება და ყველა ნაბიჯი, რომელსაც მხარეები განახორციელებენ, პირველ რიგში ემსახურება მოქალაქეების კეთილდღეობის ამაღლებასა და ჩვენი სახელმწიფოების განვითარების უზრუნველყოფას. დარწმუნებული ვარ, რომ მომავალ საიუბილეო წელს უზბეკეთსა და საქართველოს შორის კოოპერაციის და ურთიერთხელსაყრელი თანამშრომლობის კიდევ უფრო მაღალი განვითარების მოწმენი გავხდებით.


ნება მომეცით ვისარგებლო შემთხვევით და ამ ინტერვიუს მეშვეობით მივულოცო საქართველოს მთავრობას და ქართველ ხალხს ეს ღირსშესანიშნავი მოვლენა სახელმწიფოთაშორისო ურთიერთობებში და ვუსურვო მშვიდობა და მომავალი განვითარება.


 


ჰილარი კლინტონმა დონალდ ტრამპს პუტინის მარიონეტი უწოდა

ამერიკის შეერთებული შტატების ყოფილმა სახელმწიფო მდივანმა თეთრი სახლის ლიდერს დონალდ ტრამპს პუტინის მარიონეტი უწოდა.

 

ეკონომიკის მინისტრის მოადგილე: სექტორულ და სხვა ტიპის რეიტინგებში საქართველოს ჯეროვანი წარმოჩენა მნიშვნელოვანი ინსტრუმენტია

"ის ფაქტი, რომ ცნობილი გამოცემის, FDI Intelligence-ს მიერ თბილისი დასახელდა, როგორც საინვესტიციო ხარჯეფექტურობის კომპონენტში ყველაზე მიმზიდველი ევროპული ქალაქი, უდაოდ მისასალმებელია და კიდევ ერთხელ ადასტურებს საქართველოს, მისი ეკონომიკის საინვესტიციო მიმზიდველობას", - ამის შესახებ ეკონომიკის მინისტრის მოადგილემ ირაკლი ნადარეიშვილმა განაცხადა.

დავით ზალკალიანი ევროკავშირის უმაღლეს წარმომადგენელს საქართველოს მხარდაჭერისთვის მადლობას უხდის

საქართველოს საგარეო საქმეთა მინისტრი დავით ზალკალიანი ევროკავშირის უმაღლეს წარმომადგენელს ჯოზეფ ბორელს საქართველოს მხარდაჭერისთვის მადლობას უხდის.

ჩინეთიდან საქართველოს 34 მოქალაქე დღეს თბილისში დაბრუნდება და ორკვირიან კარანტინს საჩხერის სასტუმრო - კომპლექსში გაივლის

საქართველოს 34 მოქალაქე, რომელიც ჩინეთიდან საქართველოში დღეს ბრუნდება, ორკვირიან კარანტინს საჩხერის სასტუმრო - კომპლექსში გაივლის.

 

 

ბათუმში ახალგაზრდული ფორუმი "ადგილობრივი თვითმმართველობა სტუდენტებისთვის" გაიხსნა

თბილისის საკრებულოს სპორტის და ახალგაზრდულ საქმეთა კომისიის ინიციატივით, ბათუმში დღეს ახალგაზრდული ფორუმი - "ადგილობრივი თვითმმართველობა სტუდენტებისთვის“ გაიხსნა.

ავსტრალიურ მედია საშუალებებში საქართველოზე განხორციელებულ კიბერთავდასხმასთან დაკავშირებით ინფორმაცია ვრცელდება

ავსტრალიურ მედია საშუალებებში ასევე ვრცელდება ინფორმაცია საქართველოზე განხორციელებულ კიბერ-თავდასხმებთან დაკავშირებით. გამოქვეყნებულ ინფორმაციებში მოყვანილია საქართველოს საგარეო საქმეთა სამინისტროს განცხადება.

კახა კალაძე: ჩვენთვის ერთ-ერთი მთავარი პრიორიტეტი განათლება და განათლების რეფორმაა

"თქვენ ხართ ადამიანები, ვისაც გაქვთ განსხვავებული მოსაზრებები, ინოვაციური მიდგომები და ძალიან მნიშვნელოვანია თქვენი ჩართულობა ქვეყნის განვითარების პროცესში",- ასე მიმართა თბილისის მერმა კახა კალაძემ ბათუმის ახალგაზრდული ფორუმის მონაწილეებს.

გურამ ნიკოლაშვილი: ოპოზიციას პასუხისმგებლობის ასარიდებლად სჭირდება, ჩადენილ დანაშაულებს უწოდოს შეცდომები, კანონიერად გასამართლებულ პირებს კი - პოლიტიკური პატიმრები

„ოპოზიციას პასუხისმგებლობის ასარიდებლად სჭირდება, ჩადენილ დანაშაულებს უწოდოს შეცდომები, კანონიერად გასამართლებულ პირებს კი - პოლიტიკური პატიმრები“, - ამის შესახებ საჯარო პოლიტიკის სპეციალისტმა გურამ ნიკოლაშვილმა ტვ „იმედის“ "დღის ქრონიკაში" განაცხადა.

საქართველოს საპარლამენტო დელეგაციამ ეუთოს საპარლამენტო ასამბლეის ზამთრის სესიაში მონაწილეობა მიიღო 

20-21 თებერვალს, ავსტრიის დედაქალაქში ეუთოს საპარლამენტო ასამბლეის მე-19 ზამთრის სესია გაიმართა.

ფსიქო-სოციალური რეაბილიტაციის ცენტრი „კამარა“ და „ევროპაბეთი“ პარტნიორები გახდნენ

დღეს ფსიქო-სოციალური რეაბილიტაციის ცენტრ „კამარასა“ და კომპანია „ევროპაბეთს“ შორის ურთიერთთანამშრომლობის მემორანდუმი გაფორმდა.

ფონდი "ქართუ": განულებული ვალების პროგრამის შესახებ არასწორი ინფორმაცია ვრცელდება

საქველმოქმედო ფონდი "ქართუ" განულებული ვალების პროგრამის შესახებ სოციალურ ქსელებში გავრცელებულ ინფორმაციასთან დაკავშირებით განცხადებას ავრცელებს.

 

ალექსანდრა ჰოლ ჰოლი: ასეთი ჭკვიანი და ნიჭიერი ადამიანის შერჩევა საქართველოს მთავრობის გონივრული ნაბიჯია!

დიდი ბრიტანეთის ყოფილი ელჩი საქართველოში ალექსანდრა ჰოლ ჰოლი სოფიო ქაცარავს გაერთიანებულ სამეფოში საქართველოს ელჩად დანიშვნას სოციალურ ქსელში ულოცავს.

საქართველოში კანადის ახალდანიშნულმა ელჩმა საგარეო საქმეთა მინისტრის პირველ მოადგილეს რწმუნებათა სიგელების ასლები გადასცა

საქართველოში კანადის ახალდანიშნულმა ელჩმა (რეზიდენციით ქ. ანკარა), ჯამალ ქოქარმა რწმუნებათა სიგელების ასლები გადასცა საქართველოს საგარეო საქმეთა მინისტრის პირველ მოადგილეს, ვახტანგ მახარობლიშვილს.

ირაკლი ღარიბაშვილი კანადელ დიპლომატებს შეხვდა

საქართველოს თავდაცვის მინისტრმა ირაკლი ღარიბაშვილმა კანადის ახალდანიშნულ ელჩს ჯამალ ქოქარს და კანადის საგარეო საქმეთა სამინისტროს ევრაზიულ და ევროპულ საკითხთა დირექტორატის გენერალურ დირექტორს, დევიდ სპრულს უმასპინძლა.

„ჯორჯიან მანგანეზის“ საოპერაციო დირექტორი შუქრუთის მოვლენებზე: წინააღმდეგები ვართ ნებისმიერი კონფრონტაციის, ველოდებით, რომ ყველაფერი დაუბრუნდეს გონივრულობას

ჩვენ წინააღმდეგები ვართ ნებისმიერი კონფრონტაციისა და დაპირისპირების, ამიტომ ველოდებით, რომ ყველაფერი დაუბრუნდეს გონივრულობას, - ამის შესახებ კომპანია „ჯორჯიან მანგანეზის“ საოპერაციო დირექტორმა მერაბ ლომინაძემ მედიაჰოლდინგ „კვირას“ პრესკლუბში გამართულ საგანგებო პრესკონფერენციაზე განაცხადა.

პირველკლასელთა რეგისტრაციის ვადები განისაზღვრა

პირველკლასელთა რეგისტრაციის ვადები განსაზღვრა. I ეტაპზე – 2020 წლის 2 მარტიდან 16 მარტის ჩათვლით რეგისტრაციის გავლა შეეძლება სპეციალური საგანმანათლებლო საჭიროების მქონე პირებს. 

რატი იონათამიშვილი: თუ ოპოზიცია არ შეცვლის პოზიციას, დარჩება თამაშგარე მდგომარეობაში

„თუ ოპოზიცია არ შეცვლის პოზიციას, დარჩება თამაშგარე მდგომარეობაში“, - ამის შესახებ ფრაქცია „ქართული ოცნების“ თავმჯდომარემ, რატი იონათამიშვილმა ტელეკომპანია „პირველის“ ეთერში განაცხადა.

თბილისში არჩილ ბეთანელის სახელობის ქუჩა გაიხსნა

თბილისის საკრებულოს სახელდებისა და სიმბოლიკის კომისიის ინიციატივით, ჩუღურეთის რაიონში, ასპინძის ქუჩის შესახვევს პროფესორის, ტექნიკის მეცნიერებათა დოქტორის, აკადემიკოსის არჩილ ბეთანელის სახელი მიენიჭა.

რატი იონათამიშვილი: უგულავას პოლიტპატიმარს უწოდებს მხოლოდ „ნაციონალური მოძრაობა“ და მასთან ასოცირებული ორგანიზაციები

„უგულავას პოლიტპატიმარს უწოდებს მხოლოდ „ნაციონალური მოძრაობა“ და მასთან ასოცირებული ორგანიზაციები“, - ამის შესახებ ფრაქცია „ქართული ოცნების“ თავმჯდომარემ, რატი იონათამიშვილმა ტელეკომპანია „პირველის“ ეთერში განაცხადა.

ატმოსფერული ჰაერის დაბინძურების კონტროლის გამკაცრებასთან დაკავშირებით სამუშაო შეხვედრა გაიმართა

გარემოს დაცვისა და სოფლის მეურნეობის სამინისტროში ატმოსფერული ჰაერის დაბინძურების კონტროლის გამკაცრებასთან დაკავშირებით სამუშაო შეხვედრა გაიმართა.

რუსეთის ფედერაციის მიერ საქართველოს წინააღმდეგ განხორციელებულ კიბერთავდასხმას თურქული პრესა გამოეხმაურა

თურქულმა პრესამ 2020 წლის 20 თებერვალს  საქართველოში განხორციელებული ფართომასშტაბიანი კიბერშეტევის ფაქტი ფართოდ გააშუქა.