კატეგორიები

კომპანია “ჯორჯიან უოთერ ენდ ფაუერი“ თბილისის მოსახლეობას ყოველკვირეულ ანგარიშს აბარებს

“ჯორჯიან უოთერ ენდ ფაუერი“ აფართოებს თავის სერვისებს, თბილისის სრული მასშტაბით, ამჟამად წყალარინების მიმართულებით.

კომპანიას წყალარინების მაგისტრალური ქსელი თბილისის იმ ახალშემოერთებულ რაიონებში გაყავს, სადაც აქამდე  აბონენტები არ ყავდა.


სამგორის რაიონის იმ დასახლებებში, სადაც დღემდე არასოდეს ყოფილა წყალარინების სისტემა, კომპანია 12 კმ სიგრძის წყალარინების სისტემას ააშენებს, რომელიც 35 000 აბონენტს მოემსახურება.   


სამუშაოების დასრულების შემდეგ კი თბილისის მერია გზის ახალ საფარს დააგებს.


დღეს, მიმდინარე სამუშაოები თბილისის მერმა დავით ნარმანიამ და სამგორის რაიონის გამგებელმა გიორგი ბაგრატიონმა, “ჯორჯიან უოთერ ენდ ფაუერის“ გენერალურ დირექტორთან  -  გიორგი ცხადაძესთან და კომპანიის მენეჯმენტის სხვა წარმომადგენლებთან ერთად მოინახულეს.


კომპანია  აღნიშნულ პროექტში  11 მლნ ლარის ინვესტიციას ახორციელებს. 


პროექტი 4 ეტაპიანია -  2016 წლის ოქტომბერში დაიწყო და   2018 წლის ბოლოს დასრულდება.


მიმდინარე კვირის მანძილზე კომპანია „ჯორჯიან უოთერ ენდ ფაუერი“ თბილისის სხვადასხვა უბანში სარეაბილიტაციო სამუშაოებს აქტიურად აგრძელებს:


ნაძალადევის რაიონში, დიდი ჯიხაიშის ქუჩის სრული რეაბილიტაცია დასრულდა. წყალსადნის ქსელის 3.6 კმ სიგრძის და წყალარინების ქსელის 1.7 კმ სიგრძის მოძველებული მონაკვეთები ახლით შეიცვალა და 19 ევროსტანდარტის ჩამკეტ-მარეგულირებელი ურდული დამონტაჟდა. კომპანიამ აღნიშნული პროექტისთვის 1.2 მლნ ლარის ინვესტიცია განახორციელა.


ამავე რაიონში, ავშნის ქუჩაზე, სარეაბილტიაციო სამუშაოები ბოლო ეტაპზეა - წყალსადენის ქსელის 5 კმ. სიგრძის მოძველებული მონაკვეთი ახლით შეიცვალა.


ჩხიკვაძის ქუჩაზე, სარეაბილიტაციო სამუშაოები დაიწყო, წყალარინების ქსელის ამორტიზებული მონაკვეთი ახლით იცვლება.


გლდანის რაიონში, ფეიქრების ქუჩაზე, სარეაბილიტაციო სამუშაოები დასრულდა, წყალსადენის ქსელის 2კმ სიგრძის  მოძველებული მონაკვეთი ახლით შეიცვალა.


ამავე რაიონში, ბერთუბნის დასახლებაში,  სარეაბილიტაციო სამუშაოები აქტიურად მიმდინარეობს, წყალსადენის ქსელის 2.7კმ სიგრძის ამორტიზებული მონაკვეთი ახლით იცვლება და  7 ევროსტანდარტის ჩამკეტ-მარეგულირებელი ურდული მონტაჟდება.


სამგორის რაიონში, კახეთის გზატკეცილზე, სარეაბილიტაციო სამუშაოები დასრულდა. აეროპორტის ხიდიდან ორხევის ხიდამდე წყალსადენის ქსელის 2.5 კმ სიგრძის ამორტიზებული მონაკვეთი ახლით შეიცვალა.


ამავე რაიონში  ქიზიყის ქუჩაზე წყალსადენის ქსელის 1 კმ სიგრძის მონაკვეთი ახლით იცვლება. ასევე სამუშაოები აქტიურ ფაზაშია სააკაძის  ქუჩაზე  - 0.8კმ სიგრძის მოძველებული მონაკვეთი ახლით იცვლება.


მთაწმინდის რაიონში,  სოფელ ტაბახმელაში,  კოტე აფხაზის ქუჩისა და ჩიხების რეაბილიტაცია დაიწყო - 1.8 კმ-მდე წყალსადენის ამორტიზებული ქსელი ახლით შეიცვლება.


ამავე რაიონში, დაბა კიკეთში, 26 მაისის I ჩიხში, სამუშაოები აქტიურად მიმდინარეობს,  წყალსადენის ქსელის 0.5 სიგრის მოძველებული მონაკვეთი ახლით იცვლება.


საბურთალოს რაიონში, ფარსადანის ქუჩაზე, სარეაბილიტაციო სამუშაოები  ბოლო ეტაპზეა - წყალსადენის ქსელის 0.5 კმ მონაკვეთი ახლით შეიცვალა.


ისნის რაიონში, ზურაბიშვილის ქუჩაზე სარეაბილიტაციო სამუშაოები აქტიურ ფაზაშია. წყალსადენის ქსელის 560 მეტრი სიგრძის მონაკვეთი ახლით იცვლება და 8 ევროსტანდარტის ჩამკეტ-მარეგულირებელი ურდული მონტაჟდება.


ამავე რაიონში, ბოჭორმის ქუჩაზე, სარეაბილიტაციო სამუშაოები დასრულების ეტაპზეა - ახლით შეიცვალა წყალსადენის ქსელის 1.1 კმ სიგრძის ამორტიზებული მონაკვეთი.


2017 წლის მანძილზე კომპანია “ჯორჯიან უოთერ ენდ ფაუერი“ სარეაბილიტაციო სამუშაოებს თბილისის 200 ქუჩაზე  განახორციელებს. წყალმომარაგების 170 კმ-ზე მეტი ქსელი სრულად განახლდება.



საქართველოში ამინდი გაუარესდება

როგორც დასავლეთ, ასევე აღმოსავლეთ საქართველოს ზოგიერთ რეგიონში, 30 ივნისის ჩათვლით მოსალოდნელია ხანმოკლე წვიმა ელჭექით, ასევე მოსალოდნელია სეტყვა, ჰაერის მაქსიმალური ტემპერატურა 24 გრადუსამდე დაიწევს.

ავტოგასამართი სადგურის ოპერატორის დაყაჩაღებაში ბრალდებულები დააკავეს

შსს-ს თანამშრომლებმა ყაჩაღობის ბრალდებით, 1995 წელს დაბადებული რ. მ. და 1993 წელს დაბადებული ა. ს. ცხელ კვალზე დააკავეს.

გერმანიის ბუნდესტაგი საქართველოს რეფორმების გატარების კუთხით გამორჩეულ ლიდერად ასახელებს

გერმანიის ბუნდესტაგის რეზოლუციის თანამხად, აღმოსავლეთ პარტნიორობის პროგრამით გათვალისწინებული რეფორმების გატარების კუთხით, საქართველო არის გამორჩეული ლიდერი და იმსახურებს განსაკუთრებულ აღიარებას.

თბილისის მერი პეკინის ქუჩაზე მიმდინარე სარეაბილიტაციო სამუშაოებს ადგილზე გაეცნო

დავით ნარმანია პეკინის ქუჩის რეაბილიტაციის ფარგლებში, ეროვნული არქივიდან სასტუმრო Holiday inn-მდე მონაკვეთში მიმდინარე სამუშაოებს ვიცე-მერ ლაშა აბაშიძესთან და საბურთალოს რაიონის გამგებელ ბექა მიქაუტაძესთან ერთად გაეცნო.

იაპონია საქართველოსთან საინვესტიციო მოლაპარაკებების დაწყების გადაწყვეტილებით კმაყოფილია

საქართველოსა და იაპონიის საგარეო საქმეთა მინისტრები ორმხრივი საინვესტიციო ხელშეკრულების მოლაპარაკებების დაწყების შესახებ გადაწყვეტილებით კმაყოფილები არიან.

"ციანიდის საქმის" მთავარი მოწმე საქართველოში დაბრუნდა

"ციანიდის საქმის" მთავარი მოწმე ირაკლი მამალაძე თბილისში დაბრუნდა. მან ჩამოსვლისას თბილისის საერთაშორისო აეროპორტში ჟურნალისტებთან განცხადება გააკეთა.

ბათუმი-თბილისის მატარებლის ტარიფები არ ძვირდება

საქართველოს რკინიგზის ფილიალ მგზავრთა გადაყვანის დირექტორის მოადგილე სერვისების გადაყვანის დარგში ხარატიონ შარამბერიძემ აცხადებს, რომ ბათუმი-თბილისის მიმართულებით მოძრავი მატარებლის ტარიფები უცვლელი რჩება.

ფრაქცია "ქართული ოცნების" თავმჯდომარე ვენეციის კომისიის პრეზიდენტის განცხადებას ეხმაურება

ფრაქცია "ქართული ოცნების" თავმჯდომარე დარწმუნებულია, რომ ვენეციის კომისიის პრეზიდენტის იმედგაცრუება გაცილებით დიდი იქნებოდა, ქვეყნის პროპორციულ სისტემაზე გადასვლის შეთანხმება საბოლოოდ რომ ვერ მიღწეულიყო.

ჯანი ბუკიკიო მაჟორიტარული სისტემის 2024 წლამდე გადავადებით იმედგაცრუებულია

ვენეციის კომისიის პრეზიდენტი ჯანი ბუკიკიო აცხადებს, რომ საქართველოში მაჟორიტარული სისტემის 2024 წლამდე გადავადებით იმედგაცრუებულია. ამის შესახებ ბუკიკიომ ბათუმში საზმაუწყებელს განუცხადა.

ვენეციის კომისიის პრეზიდენტი საქართველოშია

ვენეციის კომისიის პრეზიდენტი ჯანი ბუკიკიო უკვე საქართველოშია. მისი თვითმფრინავი ბათუმის საერთაშორისო აეროპორტში ცოტა ხნის წინ დაეშვა.

"თუ ეს სიმართლეა, კმაყოფილი ვარ, რომ ჩემ რეგიონში მხოლოდ რამდენიმე ადამიანი არ მიცნობს"

ტელეკომპანია "რუსთავი 2-ზე" გადაცემა "არჩევანში" გასულ სიუჟეტს ლანჩხუთის და ჩოხატაურის მაჟორიტარი ნინო წილოსანი "ფეისბუქის" ოფიციალურ და პირად გვერდზე ეხმაურება.

ხაშურში 39 წლის კაცს ეძებენ

ხაშურის რაიონის სოფელ ცხრამუხაში 39 წლის ზვიად კოპაძეს ეძებენ. "პირველს" შინაგან საქმეთა სამინისტროდან აცნობეს, რომ ამ ეტაპზე დაკარგული კაცის სამძებრო სამუშაოები აქტიურად მიმდინარეობს.

საპატრიარქო ბრალდებული დეკანოზის ზიარებასთან დაკავშირებით განმარტებას აკეთებს

საპატრიარქოს განმარტებით, ბრალდებული დეკანოზის ზიარების საკითხთან დაკავშირებით გადაწყვეტილება უნდა მიეღო იმ ეპარქიის მმართველ მღვდელმთავარს, სადაც იგი მღვდელმსახურებას აღასრულებდა და ვისაც იგი კანონიკურად ექვემდებარებოდა.

საქართველოს საგარეო საქმეთა მინისტრი ავღანეთის ფინანსთა მინისტრს შეხვდა

საქართველოს საგარეო საქმეთა მინისტრი მიხეილ ჯანელიძე  ავღანეთის ისლამური რესპუბლიკის ფინანსთა მინისტრს ექლილ აჰმად ჰაქიმის შეხვდა, რომელიც ორდღიანი ვიზიტით  იმყოფება საქართველოში.

გალში ინციდენტების პრევენციისა და მათზე რეაგირების მექანიზმის შეხვედრა გაიმართა

გალში ინციდენტების პრევენციისა და მათზე რეაგირების მექანიზმის რიგით 47-ე შეხვედრა გაიმართა.

დეპუტატის თქმით, ქვეყანაში მიმდინარე სწორი პროცესები წარმატებული ბიზნესის გარანტია

ლანჩხუთისა და ჩოხატაურის მაჟორიტარი დეპუტატი ნინო წილოსანი საგაზაფხულო სესიის პლენარულ სხდომაზე დღეს სიტყვით გამოვიდა.

"კორტების საქმეზე" მსჯავრდებულისა და ბრალდებულის ახლობლები ერთმანეთს დაუპირისპირდნენ

საქალაქო სასამართლოში "კორტების საქმეზე" სპეცრაზმელების სასამართლო პროცესის გადადების შემდეგ, მსჯავრდებულ გიორგი ცააძისა და ბრალდებულ სპეცრაზმელების ახლობლები ერთმანეთს სიტყვიერად დაუპირისპირდნენ. 

პოლონეთში საქართველოს ელჩმა პოლონეთის საგარეო მინისტრის მოადგილეს რწმუნებათა სიგელი გადასცა

პოლონეთის რესპუბლიკაში საქართველოს ელჩმა ილია დარჩიაშვილმა რწმუნებათა სიგელების ასლი გადასცა პოლონეთის საგარეო საქმეთა მინისტრის პირველ მოადგილეს იან ჯეჯიჩაკს.

დეპუტატის თქმით, ოპოზიციური პარტიები ცდილობენ და ახერხებენ კიდეც პრეზიდენტის გამოყენებას

საპარლამენტო უმრავლესობის ლიდერმა, არჩილ თალაკვაძემ ჟურნალისტებთან საუბარში განაცხადა, რომ ოპოზიციური პარტიები ცდილობენ პრეზიდენტი გამოიყენონ.

ხელვაჩაურის მუნიციპალიტეტში მნიშვნელოვანი ინფრასტრუქტურული სამუშაოები გრძელდება

მტირალა-ყოროლისთავის წყალსადენზე სამუშაოების მეორე ეტაპი აქტიურად მიმდინარეობს. პროექტის განხორციელების შედეგად 2000-მდე ოჯახს თანამედროვე სტანდარტების შესაბამისი წყალი მიეწოდება.

ტექნოპარკში მოსწავლეთა პროგრამირების სასკოლო კლუბების შემაჯამებელი კონფერენცია გაიმართა

ტექნოპარკში მოსწავლეთა პროგრამირების სასკოლო კლუბების შემაჯამებელი კონფერენცია გაიმართა, სადაც მოსწავლეებმა  ჯგუფურად შექმნილი პროექტები - code.org პლათფორმაზე აწყობილი კომპიუტერული თამაშები წარმოადგინეს.