კატეგორიები

სამტრედიაში კონსტიტუციური კანონპროექტის საყოველთაო-სახალხო განხილვა გაიმართა

საქართველოს კონსტიტუციაში შესატანი ცვლილებები სამტრედიის მოსახლეობას ფრაქცია „ქართული ოცნების“ თავმჯდომარემ, მამუკა მდინარაძემ გააცნო.

მან ცვლილებების მომზადების აუცილებლობაზე ისაუბრა და სახელმწიფო საკონსტიტუციო კომისიის მიერ მომზადებული პროექტის არსებით სიახლეებზე გაამახვილა ყურადღება.


“ყველა ვთანხმდებით, რომ მოქმედი კონსტიტუცია არ არის ქმედითი, ამიტომ შეიქმნა სახელმწიფო საკონსტიტუციო კომისია, რომელმაც ოთხთვიანი ინტენსიური მუშაობის შედეგად მოამზადა პროექტი“, - განაცხადა მამუკა მდინარაძემ. მისი განცხადებით, მთავარი ამოცანა იყო ადამიანის უფლებების დაცვის სტანდარტის გაუმჯობესება. მან ისაუბრა ადამიანის უფლებების ახალ ნორმებზე, რომელიც კონსტიტუციის მეორე თავში ჩაიწერა. კერძოდ, კონსტიტუციას ემატება ახალი ძირითადი უფლებები, რომელიც მანამდე არ იყო გარანტირებული ან არაპირდაპირ იყო გარანტირებული საქართველოს კონსტიტუციით: ფიზიკური ხელშეუხებლობის ძირითადი უფლება, ქალისა და მამაკაციოს თანასწორობის ძირითადი უფლება, შეზღუდული შესაძლებლობების მქონე პირთა ძირითადი უფლება, ინტერნეტის უფლება, საზოგადოებრივი მაუწყებლის დამოუკიდებლობა.


“კონსტიტუციაში ყველა მიმართულებით ხორციელდება პროგრესული და ფუნდამენტური ცვლილებები, რომლებიც ადამიანის უფლებების კონსტიტუციურ დონეზე გამყარებას ითვალისწინებს. ასევე ცვლილებები მმართველი სისტემის ძირითად ინსტიტუტებსაც შეეხება. საუბარია საკანონმდებლო, აღმასრულებელი და სასამართლო ხელისუფლების მიმართ გატარებულ ცვლილებებზე“, - აღნიშნა ფრაქცია “ქართული ოცნების“ თავმჯდომარემ.


მამუკა მდინარაძემ პარლამენტის როლის გაძლიერებაზე ისაუბრა. მისი თქმით, იზრდება მთავრობის ანგარიშვალდებულებისა და პასუხისმგებლობის ხარისხი პარლამენტის მიმართ.ერთ-ერთ უმნიშვნელოვანეს ცვლილებად მან ოპოზიციის როლის გაძლიერება დაასახელა.


“უმცირესობას ექნება საგამოძიებო კომისიების შექმნის შესაძლებლობა. დღეს მხოლოდუმრავლესობას შეუძლია თავისი გადაწყვეტილებით შექმნას საგამოძიებო კომისია. უმრავლესობის ეს უფლება იქცევა უმცირესობისუფლებად, რაც გააძლიერებს ოპოზიციის როლსპარლამენტის შიგნით“, -განაცხადა მამუკა მდინარაძემ.


ფრაქცია “ქართული ოცნების“ თავმჯდომარემ ისაუბრა საარჩევნო სისტემის მხრივ განხსახორციელებელ ცვლილებაზე, შერეული სისტემიდან პროპორციულ სისტემაზე გადასვლის უპირატესობაზე, ბონუსის სისტემის დადებით მხარეებზე.


“არჩევნებში გამარჯვებულ პარტიას დანამატის სახით ეძლევა ე.წ. ბონუსი, რათა დააკომპლექტოს მთავრობა, რაც ქვეყნის სტაბილურ განვითარებას უზრუნველყოფს“, - აღნიშნა მამუკა მდინარაძემ.


საკონსტიტუციო პროექტთან დაკავშირებით ოპოზიციის მხრიდან ირმა ინაშვილმა, სერგო რატიანმა და აკაკი ბობოხიძემ ისაუბრეს.


პარლამენტის თავმჯდომარის მოადგილის, ირმა ინაშვილის განცხადებით, კონსტიტუციაში არაერთი ცვლილება ხორციელდება, რომელიც მისთვის მისაღებია, თუმცა დეპუტატისთვის მიუღებელია ბონუს სისტემა. „ჩვენთვის მიუღებელია, რომ გამარჯვებული პარტია სრულად ითვისებს გაუნაწილებელ მანდატებს“, - განაცხადა ირმა ინაშვილმა. იგი მიწის გასხვისების საკითხსაც შეეხო და მისი განკარგვის წესის განსაზღვრა კონსტიტუციურ დონეზე მოითხოვა. ბონუს სისტემის საკითხი საპარლამენტო ოპოზიციის წარმომადგენელმა, სერგო რატიანმაც გააკრიტიკა. ოპოზიციას მიაჩნია, რომ წარმოდგენილი საკონსტიტუციო ცვლილებების რიგ საკითხებთან დაკავშირებით პლებისციტი უნდა ჩატარდეს. აკაკი ბობოხიძემ ახალი რედაქციით შემოთავაზებული პრეზიდნტის არაპირდაპირი არჩევის წესი გააპროტესტა. დეპუტატის მიერ ხელისუფლების კრიტიკას მოსახლეობის მხრიდან უკმაყოფილება მოჰყვა.


უმრავლესობის წარმომადგენლის, გიორგი ვოლსკის განცხადებით, კანონმდებლების მიზანია შეიქმნას ისეთი სისტემა, როდესაც ამომრჩევლებს საშუალება ექნებათ მანდატი მისცენ იმ პოლიტიკურ პარტიას, რომელიც გამარჯვების შემთხვევაში დააკომპლექტებს მთავრობას. მან, ასევე, ისაუბრა პოლიტიკური ბლოკების გაუქმების თაობაზე, რომელიც პოლიტიკურ პარტიებს გაძლიერების და განვითარების შესაძლებლობას მისცემს.


კონსტიტუციის გადასინჯვის ახალი რედაქციით შემოთავაზებულ წესზე, პრეზიდენტის კომპეტენციასა და უფლებამოსილებაზე ისაუბრა უმრავლესობის წარმომადგენელმა, ანრი ოხანაშვილმა.


“კონსტიტუციის შინაარსი თქვენთან შეხვედრით ყალიბდება, რადგან სახელმწიფო საკონსტიტუციო კომისიამ მხოლოდ პროექტი მოამზადა, ხოლო საბოლოო ვერსია მოსახლეობასთან შეხვედრით და მოქალაქეების მოსაზრებების გათვალისწინებით ჩამოყალიბდება“, - განაცხადა ანრი ოხანაშვილმა.


განხილვა კითხვა-პასუხის რეჟიმში გაგრძელდა. დეპუტატებმა უპასუხეს მოსახლეობის კითხევს ისეთ თემებზე, როგორიცაა შერეული სისტემის პროპორციულით ჩანაცვლება, მიწის გასხვისევის წესი, პრეზიდენტის არჩევის წესი, საბანკო კრედიტები.


კონსტიტუციური კანონის პროექტის შემდეგი საყოველთაო-სახალხო განხილვა 22 მაისს, ხულოში და სიღნაღში გაიმართება.



დიდი ბრიტანეთის გაერთიანებულ სამეფოში საქართველოს ელჩმა კარდიფში შეხვედრები გამართა

დიდი ბრიტანეთის გაერთიანებულ სამეფოში საქართველოს ელჩმა, თამარ ბერუჩაშვილმა ქ. კარდიფში ვიზიტის ფარგლებში შეხვედრა გამართა უელსის მინისტრთან, კარვინ ჯონსთან, უელსის ხელისუფლებისა და ეროვნული ასამბლეის წარმომადგენლებთან.

ჩეხეთის რესპუბლიკის თავდაცვის მინისტრმა გმირთა მემორიალი გვირგვინით შეამკო

საქართველოში პირველი ოფიციალური ვიზიტით ჩეხეთის რესპუბლიკის თავდაცვის მინისტრი მარტინ სტროპნიცკი იმყოფება.

29-30 ივნისს თბილისში სამხრეთკავკასიური საერთაშორისო მედიაფორუმი გაიმართება

29-30 ივნისს თბილისში, გაზეთ “საქართველო და მსოფლიოს“ მოწვევით, უკვე ტრადიციად ქცეული სამხრეთკავკასიური საერთაშორისო მედიაფორუმი ჩატარდება.

პარლამენტში კამპანია “#განიკურნეს“ ფარგლებში C-ჰეპატიტის სკრინინგი ჩატარდა

“#განიკურნე“ - კამპანიის ფარგლებში, საქართველოს პარლამენტში, დაავადებათა კონტროლისა დასაზოგადოებრივი ჯანმრთელობის ეროვნული ცენტრის სპეციალისტებმა C ჰეპატიტის სკრინინგი ჩაატარეს.

საქართველოში ბენზინი და დიზელი გაიაფდება

ნავთობპროდუქტების მწარმოებელთა და იმპორტიორთა კავშირის პრეზიდენტის ვანო მთვრალაშვილის თქმით, მსოფლიო ბირჟებზე ნავთობის გაიაფება პირდაპირ აისახება საქართველოში საწვავის ფასებზე, რაზეც მეტყველებს საწვავის 6 თეთრით გაიაფება.

დეპუტატი საარჩევნო სისტემის ოპოზიციისეულ აღქმას არ ეთანხმება

ფრაქცია "ქართული ოცნების" თავმჯდომარეს მამუკა მდინარაძეს ოპოზიციური სპექტრის წარმომადგენლების ხედვა მომავალ საარჩევნო სისტემასთან დაკავშირებით გარკვეული სახის კითხვის ნიშნებს უჩენს.

საქართველოს თავდაცვის მინისტრი ოფიციალური ვიზიტით ჩეხეთის რესპუბლიკაში იმყოფება

საქართველოს პირველი ოფიციალური ვიზიტით ჩეხეთის რესპუბლიკის თავდაცვის მინისტრი მარტინ სტროპნიცკი ესტუმრა. ჩეხ კოლეგას საქართველოს თავდაცვის მინისტრი ლევან იზორია მასპინძლობს.

კომიტეტის თავმჯდომარის აზრით, კონსტიტუცია ევროპული სამართლის სტანდარტებს უნდა აკმაყოფილებდეს

იურიდიულ საკითხთა კომიტეტის თავმჯდომარე ეკა ბესელია მიიჩნევს, რომ კონსტიტუციაზე ლეგიტიმაცია მთავარია ხალხთან იყოს მიღწეული და ქვეყნის მთავარი კანონი ევროპული სამართლის პრინციპებს აკმაყოფილებდეს.

საქართველოს საზღვართან დღეს დაკავებული აზერბაიჯანელი ჟურნალისტი გაათავისუფლეს

აზერბაიჯანი–საქართველოს საზღვარზე დღეს დაკავებული ჟურნალისტი, რომელიც კრიტიკულადაა განწყობილი აზერბაიჯანის ხელისუფლებისადმი, დღესვე გაათავისუფლეს ყაზახის რაიონის პოლიციის განყოფილებიდან.

ევროპული სტანდარტების თემაზე ნაფიც მსაჯულთა სასამართლოს პროკურორებმა ტრენინგი გაიარეს

ევროპული სტანდარტების თემაზე ნაფიც მსაჯულთა სასამართლოს პროკურორებმა ტრენინგი გაიარეს, რომლის ფარგლებშიც ქართველი პროკურორები საერთაშორისო სტანდარტებსა და ადამიანის უფლებათა ევროპული სასამართლოს პრაქტიკას გაეცნენ.

მინისტრის თქმით, უშიშროების საბჭო ქმედითი არ არის

დევნილთა მინისტრის სოზარ სუბარის განცხადებით, უშიშროების საბჭო იყო უფრო ქმედითი და ლეგიტიმური, როდესაც პრეზიდენტი იყო აღმასრულებელი ხელისუფლების მეთაური.

მინისტრის თქმით, საკონსტიტუციო ცვლილებებში გარკვეულ საკითხებზე კონსესუსი შეუძლებელია

დევნილთა მინისტრი სოზარ სუბარი მიიჩნევს, რომ საკონსტიტუციო ცვლილებებში არის გარკვეული საკითხები, რომელზეც კონსესუსი შეუძლებელია. ამის შესახებ მინისტრმა მთავრობის სხდომის დასრულების შემდეგ განაცხადა.

ქუთაისელები კორპუსების მიმდებარედ არსებული სკვერის გასხვისებას აპროტესტებენ

ბუხაიძის ქუჩაზე მცხოვრები ქუთაისელები საკრებულოს იმ გადაწყვეტილებას აპროტესტებენ, რომლის თანახმადაც კორპუსების მიმდებარედ არსებული სკვერი კაფე-ბარ "ფლამინგოს" მფლობელებზე გასხვისდა.

ბრალდებული დეკანოზი და მისი ადვოკატი პატრიარქთან შეხვედრისა და სხვა საკითხებს განიხილავენ

ე.წ. მატროსოვის ციხეში დეკანოზი და მისი ადვოკატი ბოლოდორინდელ მოვლენებს, კერძოდ, უწმინდესთან შეხვედრის ფრაგმენტებსა და ხვალინდელ სასამართლო პროცესისთვის მზადების საკითხებს განიხილავენ.

ბაქოში ტელეკომპანიაზე შეიარაღებული თავდასხმა მოხდა

ბაქოში კაბელური ტელეკომპანიის "Aile TV" ოფისს შეიარაღებული პირები დაესხნენ თავს.

ქუთაისთან, ავტომაგისტრალზე, სატვირთო მანქანა გადაბრუნდა

ქუთაისთან, ავტომაგისტრალზე, წყალწითელას ხიდზე სატვირთო მანქანა გადაბრუნდა. დაშავებულია სატვირთო მანქანის მძღოლი. ამის შესახებ "პირველს" შსს-ში აცნობეს.

მოსკოვში ალკოჰოლური მოწამვლით 3 ადამიანი დაიღუპა

სულ ცოტა 3 ადამიანი დაიღუპა მოსკოვში დაუდგენელი სპირტის შემცველი სითხის მიღების შედეგად. კიდევ 6 ადამიანი საავადმყოფოში გადის მკურნალობას.

აგვისტოდან სურსათში ტრანსცხიმის ნორმა განისაზღვრება

სურსათის უვნებლობის დეპარტამენტის წარმომადგენლებმა ბიზნესოპერატორებს გააცნეს "სურსათში ტრანსცხიმის ნორმის განსაზღვრის შესახებ" საქართველოს მთავრობის #262 დადგენილება, რომელიც 2017 წლის პირველ აგვისტოს შედის ძალაში.

საგამოძიებო სამსახურმა თაღლითობის ფაქტზე ერთი პირი დააკავა

ფინანსთა სამინისტროს საგამოძიებო სამსახურმა, გატარებული საგამოძიებო მოქმედებების შედეგად, კერძო პირის კუთვნილი არასასოფლო-სამეურნეო დანიშნულების მიწის ნაკვეთის თაღლითურად დაუფლების მცდელობის ფაქტზე, ერთი პირი დააკავა.

გომარეთი-ჭოჭიანის საავტომობილო გზის რეაბილიტაცია იგეგმება

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი, ადგილობრივი მნიშვნელობის გომარეთი-ჭოჭიანის საავტომობილო გზის სარეაბილიტაციო სამუშაოებს გეგმავს.

პრემიერმა მე–6000000 ტურისტის რეკლამის ავტორებს კანის ფესტივალზე წარმატება მიულოცა

საქართველოს პრემიერ მინისტრმა გიორგი კვირიკაშილმა მეექვსემემილიონე ტურისტის საქართვეოში ჩამოსვლის ამსახველი ვიდეორგოლის წარატება ავტორებს მიულოცა.