გიორგი ბაჩიაშვილი : ზაზა ოქუაშვილის განცხადებებს თვალყურს რომ ვადევნებ, ჩემთვის უფრო ნათელია, რა „კარგ პარტნიორობას“ ვარ გადარჩენილი

პროკურატურამ დღეს გაავრცელა სპორტის ყოფილი მინისტრის, ლევან ყიფიანის ჩვენება „ომეგა ჯგუფთან“ დაკავშირებით.

ყიფიანი ჩვენებაში ამბობს, რომ ბიძინა ივანიშვილთან შეხვედრისას საუბარი შეეხო ქართული თამბაქოს განვითარების პროექტს, რომელიც თანაინვესტირების ფონდს უნდა დაეფინანსებინა. პირველი არხი ამ საკითხთან დაკავშირებით თანაინვესტირების ფონდის გენერალურ დირექტორს, გიორგი ბაჩიაშვილს დაუკავშირდა და რამდენიმე კითხვით მიმართა.


– ბატონო გიორგი, დღეს პროკურატურამ გამოაქვეყნა ლევან ყიფიანის დაკითხვის ოქმი, გაეცანით თუ არა ამ დაკითხვის ოქმებს?


– არა, არ გავცნობივარ.


– როგორც ყიფიანი ამბობს, თანაინვესტირების ფონდი თამბაქოს ბიზნესის დაფინანსებას აპირებდა. რა პროექტზეა საუბარი? როდის გეგმავდა ფონდი ამ პროექტის დაფინანსებას?


– დაახლოებით ორი წლის წინ იყო ამაზე საუბარი. ბიძინა ივანიშვილმა დამირეკა და მთხოვა ლევან ყიფიანს შევხვედროდი და მას საინტერესო პროექტის განხორციელებაში დავხმარებოდი. მალევე შევხვდი ლევანს; პროექტი შეეხებოდა თამბაქოს მოყვანას ლაგოდეხსა და აჭარაში და ასევე სიგარის წარმოებას, ადგილობრივი და საექსპორტო ბაზრებისთვის. პროექტი თავშივე ჩემთვის იმდენად რისკიანი და გაუგებარი იყო, რომ გახსენებაც არ მინდა რა ომი გადავიტანე, რომ ის იმ თავდაპირველი ფორმით არ დაწყებულიყო. ძალიანაც კარგი, რომ ბოლო-ბოლო არც განხორციელდა, რადგან ჩემი აზრით, ის თავიდანვე განწირული იყო. ახლა კი, თვალყურს რომ ვადევნებ ზაზა ოქუაშვილის განცხადებებს, უფრო ნათელია, რა „კარგ პარტნიორობას“ ვარ გადარჩენილი.


– რატომ იყო განწირული პროექტი?


– პირველ რიგში, ჩემთვის მიუღებელი დაფინანსების სქემა იყო შემოთავაზებული, როდესაც რეალურად თანაინვესტირების ფონდს უნდა დაგვედო მთლიანი თანხა, რაც პროექტს კაპიტალის სახით სჭირდებოდა, ხოლო პროექტის რეალური მესაკუთრე ხდებოდა სამი პარტნიორი, რომელსაც უნდა ემართა ეს პროექტი.


 


– პარტნიორები ვინ იყვნენ? ლევან ყიფიანი? თუ კიდევ ვინმე.


– სულ თავიდან რომ გავიხსენო, პირველ ეტაპზე, ლევან ყიფიანს უნდა ჰქონოდა და ემართა ბიზნესის 100% და ის ირწმუნებოდა, რომ მალევე შეძლებდა ამ თანხის დაბრუნებას პროექტის მოგებიდან. ისეთი შთაბეჭდილება მრჩებოდა, რომ მას დეტალურად არც ჰქონდა ეს პროექტი გააზრებული, რადგან საკმაოდ ძვირი, 20 მილიონ დოლარზე მეტი ჯდებოდა. მრავალჯერადი შეხვედრის შემდეგ, ბიძინა ივანიშვილიც და ლევანიც დავარწმუნე, რომ სიგარეტის მწარმოებელი ქარხნების პარტნიორობის გარეშე ეს ბიზნესი საერთოდ უაზრობა იყო და მე პრინციპულად უარს ვამბობდი ამ პროექტზე პასუხისმგებლობის აღებაზე.


ამის შემდეგ გამოჩნდა ვანო ჩხარტიშვილი, რომელიც, როგორც მეუბნებოდა, ასევე წარმოადგენდა ზაზა ოქუაშვილს, რადგან ზაზა ლონდონში იმყოფებოდა. მათ მოსწონდათ ეს პროექტი და უნდოდათ მასში მონაწილეობა. ვანო საკმაოდ აჟიტირებულიც კი იყო. ჩემი შეთავაზება იყო, რომ ვანოსა და ზაზას უნდა ჰქონოდათ პროექტის 30-30 პროცენტი და ლევანს დარჩენოდა მინორიტარული 40%, რომელსაც ჩვენ დავაფინანსებდით.


პირველ ეტაპზე, სიტყვიერად ამაზე შევთანხმდით, თუმცა, როდესაც კაპიტალის ფორმირებაზე მიდგა საქმე, გაირკვა, რომ ისინი უკეთეს შემთხვევაში, ჯამში ორ-ორ მილიონ დოლარს თუ შემოიტანდნენ, თან ამავდროულად, მაინც 20-20 პროცენტს მიიღებდნენ, ნაცვლად ორჯერ ნაკლებისა. ამას იმით ხსნიდნენ, რომ ჩვენ გვაქვს გასაღების ბაზარიო და მეტი გვეკუთვნისო. ეს ჩემთვის ცოტა აბსურდულად ჟღერდა, რადგან პროდუქციის გასაღებაში ისინი ცალკე ისედაც ღებულობდნენ მოგებას.


სწორედ ეს ვუთხარი ბიძინა ივანიშვილს, რომ ეს თანაბარი პარტნიორობა არ იყო და ჩემთვის მიუღებელიც იყო. საბოლოო ჯამში, ბატონი ბიძინას დაჟინებით ამაზე დავთანხმდით იმის მოტივით, რომ თამბაქოს წარმოებაში ათასობით ადამიანი დასაქმდებოდა.


მე ზოგადად ვეწინააღმდეგები მსგავს ინვესტიციებს, რადგან ბიზნესი ბიზნესია და ფონდი არ არის საქველმოქმედო ორგანიზაცია. ამის გამო, სოფლის მეურნეობის ორივე არსებულ პროექტშიც ისედაც საკმაო პრობლემებს გადავაწყდით.


 


– რა პრობლემებზე და რა პროექტებზე საუბრობთ?


– ჯობია ამ თემას დავამთავრებ და შემდეგ მოგიყვებით.
ბოლოს მომიწია ბოლო შემოთავაზებულ ვარიანტზე დათანხმება, რადგან ინვესტორი ბიძინა ივანიშვილია და მან გადაწყვიტა, რომ ასე იყო საჭირო. ბოლოს, ამ ყველაფრის კულმინაცია ის იყო, რომ ვანოსა და ზაზას ორ-ორი მილიონი დოლარის კაპიტალის შევსებაზეც რომ მიდგა საქმე, არც ერთს ფულის დადება არ უნდოდა. ვანომ მითხრა, რომ სიგარეტის ქარხნის გარანტიებს მოვიტანთო, რაც საერთოდ სასაცილოს ხდიდა ამ ბიზნესს. მე ამაზე ცალსახა უარი ვთქვი, ბიძინა ივანიშვილსაც ვუთხარი, რომ მე ამაზე ვერ ავიღებ პასუხისგებლობას, რაზეც ივანიშვილმა მიპასუხა, რომ ისინი ამ თანხას შეავსებდნენ რეალური კაპიტალითო.


საბედნიეროდ, ვერც ეს კაპიტალი ვერ მოიტანეს და ეს თემაც გაჩერდა, გაჭიანურდა და ბოლოს საერთოდ მიატოვეს.


– სოფლის მეურნეობის სხვა პროექტებზე რას იტყვით, რა სირთულეები შეგემთხვათ?


– ეს სირთულეები იმასთან არის დაკავშირებული, რომ ბიზნესპროექტი არ უნდა იყოს ამავდროულად საქველმოქმედო. ჩვენი ფონდი და მისი მენეჯმენტი ფინანსური შედეგებით ფასდება და საკმაოდ რთულია, როდესაც კომერციულ ამოცანებს ზედ ვადებთ სოციალურ სხვადასხვა ტვირთს. ზოგადად, სოფლის მეურნეობის ბიზნესი საკმაოდ რთულია საქართველოში, რადგან ქვეყანაში საკმაოდ მწირია თანამედროვე ექსპერტიზა და ამავდროულად, ბაზარი გახსნილია ყველანაირი იმპორტისთვის, რომელსაც ხშირ შემთხვევაში, მეზობელი ქვეყნები პირდაპირ ან ირიბად ასუბსიდირებენ. მაგალითად, სათბურების პროექტი, რომელიც გარდაბანში განვახორციელეთ. თავიდანვე გასაგები იყო, რომ 30 მილიონ დოლარიან ინვესტიციას ვერ გაამართლებდა, რადგან თურქეთიდან შემოდის ძალიან ბევრი სუბსიდირებული და დაბალი ხარისხის ბოსტნეული. აქაც, ბიძინა ივანიშვილის დაჟინება იყო, რომ ადგილობრივი წარმოება გაგვევითარებინა. უკვე სამი წელიწადია რაც ვმუშაობთ და წელს პირველი წელი იქნება, როდესაც ნულოვან მოგებაზე გავალთ.


მეორე მაგალითია რძის წარმოების ის პროექტი, რომელიც 2014 წელს დავიწყეთ. ამ პროექტს საერთოდ ისეთი რისკები ჰქონდა, რომ შეიძლებოდა თეთრიც კი ვერ ამოგვეღო ამ ბიზნესიდან. 4 მილიონ დოლარზე მეტი დახარჯეთ მოსამზადებელ სამუშაოებში და ბოლოს იმით შევძელი გადამერწმუნებინა ბიძინა ივანიშვილი, რომ ადგილობრივ, ისედაც მცირე შემოსავლიან ფერმერებს კიდევ უფრო გაუჭირდებოდათ გადარჩენა გაზრდილ კონკურენციაში. ბოლოს, ისევ ივანიშვილის მოთხოვნით, ამ მიწებზე თხილის ბაღი გაშენება დავიწყეთ. ამჟამად, 200 ჰექტარი თხილი უკვე დაირგა და კიდევ დამატებით 6 მილიონ დოლარს ვდებთ, რომ კიდევ 500 ჰექტარზე მოვაშენოთ ეს კულტურა. ჩემი აზრით, ეს ინვესტიციაც საკმაოდ დიდი და სარისკოა სოფლის მეურნეობის ბიზნესისთვის, თუმცა, მას უნდოდა, რომ აბაშის რეგიონშიც დაპირებისამებრ დასაქმებულიყო ხალხი და ისეთი პროდუქცია შეგვექმნა, რომელიც წვრილ ფერმერებთან კონკურენციაში არ შევიდოდა.


აქვე დავამატებ, ზუსტად იმ მიზეზით, რომ კარგად გაგვეყო კომერციული პროექტები და ის პროექტები, რომლებიც ძირითადად, ქვეყნის გრძელვადიან განვითარებაზეა ორიენტირებული, ჩვენ შევქმენით საქართველოს ტურიზმის განვითარების ფონდი. სწორედ ამ ფონდის მეშვეობით ვახორციელებთ ისეთ პროექტებს, რომლებიც ქვეყნის ტურისტული ინფრასტრუქტურის გრძელვადიან განვითარებაზეა ორიენტირებული. წინააღმდეგ შემთხვევაში, საქართველოს თანაინვესტირების ფონდს გაუჭირდებოდა შეკვეთილის სასტუმროსა და „პანორამა თბილისის“ პროექტების განხორციელება, რადგან ამ პროექტებში ისეთი ექსკლუზივები დევს, რომლებიც ფინანსურად საკმაოდ ამძიმებენ ამ პროექტებს.


ამ ყველაფრის რეზიუმედ მინდა ვთქვა, რომ ნებისმიერ პროექტში უნდა არსებობდეს სტრატეგიული და ფინანსური პარტნიორი. ფონდის ამოცანაა, მინიმალურად იყოს ჩართული ბიზნესის მართვაში და თავისი ფინანსები მიმართოს იმგვარად, რომ ყოველ ინვესტიციას ჰყავდეს მაჟორიტარული პარტნიორი, რომელიც არის გამოცდილი ამა თუ იმ ბიზნესში.
 




წყარო: 1tv.ge

პარლამენტის თავმჯდომარე:საქართველოს არ ჰქონია არასდროს ასეთი გამოკვეთილი პოზიციები საერთაშორისო ასპარეზზე, როგორიც დღეს აქვს

პარლამენტის თავმჯდომარის მოადგილემ გიორგი ვოლსკიმ პარლამენტის პლენარულ სხდომაზე განცხადება გაკეთა, სადაც ამბობს რომ საქართველოს ასეთი გამოკვეთილი პოზიციები საერთაშორისო ასპარეზზე არ ქონია.

"ჩვენმა ოპონენტებმა შეურაცხყოფა მიაყენეს მთელ დიპლომატიურ სამსახურს"

საქართველოს საგარეო საქმეთა მინისტრის დავით ზალკალიანის განცხადებით, საქართველოს ხელისუფლების ოპონენტებმა დიპლომატიურ სამსახურს შეურაცხყოფა მიაყენა.

მამუკა მდინარაძე: სააკაშვილი ამბობს, რომ ქვეყანაში კორუფციაა, მსოფლიო ბანკი კორუფციის წინააღმდეგ ბრძოლის რეიტინგში კვლავ გვაწინაურებს

ფრაქცია „ქართული ოცნების“ თავმჯდომარემ მამუკა მდინარაძემ პლენარულ სხდომაზე, სადაც მინისტრის საათის ფორმატში საგარეო საქმეთა მინისტრს დავით ზალკალიანს მოუსმინეს, მიხეილ სააკაშვილის მიერ გაკეთებულ განცხადებებს მსოფლიო ბანკისა და აშშ-ს სენატის განცხადებები დაუპირისპირა.

აშშ-თურქეთი სირიაში ცეცხლის შეწყვეტაზე შეთანხმდნენ

თურქეთი და ამერიკა სირიაში ცეცხლის შეწყვეტაზე შეთანხმდნენ. ამის შესახებ აშშ-ის ვიცე პრეზიდენტმა, მაიკლ პენსმა პრესკომპერენციაზე განაცხადა. 

სირცხვილი არის ის ნულები, რაც მათი საქმიანობის პერიოდს ასახავს - ზალაკლაინი ოპონენტებს პასუხობს

საქართველოს საგარეო საქმეთა მინისტრმა დავით ზალკალიანმა ოპონენტების კრიტიკაზე საპასუხოდ სტატისტიკა მოიშველია და განაცხადა, რომ სირცხვილი მათი საქმიანობის ამსახევლი ნულებია. 

ჭიათურის მაღაროში მუშა გარდაიცვალა

ჭიათურაში, დარკვეთის მაღაროში მუშა გარდაიცვალა. ინფორმაცია "პირველს" პროფკავშირების თავმჯდომარემ პაატა სამხარაძემ დაუდასტურა .

"ვულოცავ ჩვენს საამაყო ძიუდოისტს, ეთერ ლიპარტელიანს მსოფლიო ჩემპიონის ტიტულს"

თბილისის მერი კახა კალაძე,  პირველ ქართველი ძიუდოისტ ქალს ეთერ ლიპარტელიანს, მსოფლიო ჩემპიონის ტიტულის მოპოვებას ულოცავს.

სომხეთის რესპუბლიკის ვიცე პრემიერ-მინისტრი „თბილისის აბრეშუმის გზის ფორუმში“ მიიღებს მონაწილეობას

22 ოქტომბერს სომხეთის რესპუბლიკის ვიცე პრემიერ-მინისტრი ტიგრან ავინიანი „თბილისის აბრეშუმის გზის ფორუმში“ მიიღებს მონაწილეობას.

 
მამუკა მდინარაძის პასუხი ირაკლი აბესაძეს: 2000 წლიდან დღემდე საქველმოქმედო დახმარების სახით კულტურის მოღვაწეებზე გაიცა 130 მლნ ლარზე მეტი

„2000 წლიდან დღემდე საქველმოქმედო დახმარების სახით კულტურის მოღვაწეებზე გაიცა 130 მლნ ლარზე მეტი“, -პარლამენტის პლენარულ სხდომაზე „ქართული ოცნების“ ლიდერმა მამუკა მდინარაძემ საპარლამენტო უმცირესობის წარმომადგენელს ირაკლი აბესაძეს უპასუხა.

თამარ ხულორდავამ საგარეო საქმეთა მინისტრის გამოსვლა შეაჯამა

ევროპასთან ინტეგრაციის კომიტეტის თავმჯდომარემ - თამარ ხულორდავამ საგარეო საქმეთა მინისტრის გამოსვლა თავის გამოსვლაში შეაჯამა.

ვაზისუბანში, ავტოსაგზაო შემთხვევას ქვეითი ემსხვერპლა

თბილისში ვაზისუბანში ავტოსაგზაო შემთვევას შუახნის ქალის სიცოცხლე ემსხვერპლა, როგორც შსს-მ "პირველს" განუცხადა, მსუბუქი ავრომანქანა ქვეით მოსიარულე შუახნის ქალს დაეჯახა შემდგომ კი მანქანებს.

"კიწმარიშვილმა, სააკაშვილისგან გადმოგვცა რომ თუ არ დავთმობთ ტელევიზიას ტრუსიკის ამარა დავრჩებოდით"

"ეროსი კიწმარიშვილმა, მიხეილ სააკაშვილისგან გადმოგვცა, რომ თუ არ დავთმობთ ტელევიზიაას ტრუსიკის ამარა დავრჩებოდით", - ამის შესახებ დავით დვალამა და ჯარჯი აქიმაძემ გადაცემაში "რეაქცია" ტელეკომპანია "რუსთავი 2"-ის საქმეზე საუბრისას განაცხადეს.

"საბჭოთა უშიშროების ყოფილი პოლკოვნიკი ხარ" - ბოკერია-ნოზაძის დაპირისპირება პარლამენტში - ვიდეო

პარლამენტის პლენარულ სხდომაზე, "ევროპული საქართველოს" დეპუტატი გიგა ბოკერია და "ქართული ოცნების" დეპუტატ სიმონ ნოზაძე ერთმანეთს სიტყვიერად დაუპირისპირდნენ.

ეთერ ლიპარტელიანი ძიუდოში მსოფლიო ჩემპიონია

ახალგაზრდული მსოფლიო ჩემპიონატის გამარჯვებული ეთერ ლიპარტელიანია.

ზუგდიდის მერმა გზებზე მიმდინარე სამუშაოები დაათვალიერა

ზუგდიდის მუნიციპალიტეტის მერმა გიორგი შენგელიამ თაბუკაშვილის, კონსტანტინე გამსახურდიასა და თამარ მეფის ქუჩებზე საავტომობილო გზებზე მიმდინარე სამუშაოები დაათვალიერა. 

ანრი ოხანაშვილი: პროკურატურის მრჩეველთა ჯგუფმა მიიჩნია, რომ არსებული მტკიცებულებები საკმარისია ხაზარაძის და ჯაფარიძის მიმართ ბრალდების წარსადგენად

„პროკურატურის მრჩეველთა ჯგუფმა მიიჩნია, რომ არსებული მტკიცებულებები საკმარისია ხაზარაძის და ჯაფარიძის მიმართ ბრალდების წარსადგენად“, - განაცხადა პარლამენტის იურიდიულ საკითხთა კომიტეტის თავმჯდომარემ ანრი ოხანაშვილმა.

თავდაცვის მინისტრი დიდი ბრიტანეთის ელჩს შეხვდა

საქართველოს თავდაცვის მინისტრმა ირაკლი ღარიბაშვილმა დიდი ბრიტანეთისა და ჩრდილოეთ ირლანდიის გაერთიანებული სამეფოს ელჩს, ჯასტინ მაკკენზი სმიტს უმასპინძლა.

კომუნიკაციების კომისიამ „კავკასუს ონლაინს“ კანონდარღვევით გასხვისებული წილების პირვანდელ მდგომარეობაში დაბრუნება მოსთხოვა

კომუნიკაციების კომისიამ 17 ოქტომბერს შპს „კავკასუს ონლაინი“ სამართალდამრღვევად ცნო და კანონდარღვევით გასხვისებული წილების პირვანდელ მდგომარეობაში დაბრუნება მოსთხოვა.

დავით ზალკალიანმა აღმოსვლეთ პარტნიორობის ფარგლებში საქართველოს სამომავლო ინიციატივებზე ისაუბრა

საქართველოს საქმეთა მინისტრის დავით ზალკანიანის თქიმით, საქართველოს საგარეო პოლიტიკის ერთ-ერთი მნიშვნელოვანი მიმართულება ევროკავშირის ერთიან ბაზაში ინტეგრაცია იქნება.

"თბილისის აბრეშუმის გზის ფორუმს" აზიის განვითარების ვიცე პრეზიდენტი შეუერთდა

"თბილისის აბრეშუმის გზის ფორუმის" გახსნით პანელში, აზიის განვითარების ბანკის (ADB) ვიცე-პრეზიდენტი შიქსინ ჩენი მიიღებს მონაწილეობას.

საგადასახადო ადმინისტრაციების შიდა ევროპული ორგანიზაციის წლიური კონფერენციის გამარჯვებულად შემოსავლების სამსახური დასახელდა

თბილიში საგადასახადო ადმინისტრაციების შიდა ევროპული ორგანიზაციის (IOTA) საგადასახადო კანონმორჩილების ტექნოლოგიური გადაწყვეტის საკითხისადმი მიძღვნილი წლიური კონფერენციისა და ტექნოლოგიური გამოფენა გაიმართა.