„ლევან იზორიასა და ფრანგი კოლეგის მიერ ხელმოწერილი ხელშეკრულებით ფრანგულ მხარესთან თანამშრომლობა უფრო ღრმავდება“

თავდაცვისა და უშიშროების კომიტეტის თავმჯდომარის მოადგილის ირაკლი ბერაიას თქმით,საქართველოს თავდაცვის მინისტრისა და მისი ფრანგი კოლეგის მიერ ხელმოწერილი ხელშეკრულებით საფრანგეთთან თანამშრომლობა კიდევ უფრო ღრმავდება.

მისივე თქმით, საქართველო აგრძელებს შეიარაღებული ძალების აღმშენებლობისა და განვითარების პროცესს, როგორც საბრძოლო მზადყოფნის ხარისხის ამაღლებით, ასევე ნატო-ს სტანდარტებთან თავსებადობის ზრდით


"მინისტრ იზორიასა და მისი ფრანგი კოლეგის მიერ ხელმოწერილი ხელშეკრულებით კიდევ უფრო ღრმავდება თანამშრომლობა ფრანგულ მხარესთან საჰაერო თავდაცვის კუთხით, რაც არის თავდაცვის სფეროში ერთიანი სტრატეგიის, ერთიანი მიდგომის ერთ-ერთი უმნიშვნელოვანესი შემადგენელი. საქართველო აგრძელებს შეიარაღებული ძალების აღმშენებლობისა და განვითარების პროცესს, როგორც საბრძოლო მზადყოფნის ხარისხის ამაღლებით, ასევე ნატო-ს სტანდარტებთან თავსებადობის ზრდით. შეიარაღებული ძალების ოპერატიული და ინსტიტუციური შესაძლებლობის განვითარება ხორციელდება თავდაცვის სტრატეგიული მიმოხილვის და თავდაცვის სფეროში პოლიტიკის განმსაზღვრელი სხვა დოკუმენტების შესაბამისად, ჩვენი ქვეყნის წინაშე არსებული საფრთხეებისა და გამოწვევების საპასუხოდ. ჩვენ ვართ ნატო-ს ასპირანტი ქვეყანა და შესაბამისად ჩვენი თავდაცვის ორგანიზება, ჩვენი ყველა ნაბიჯი თანხვედრაშია ჩრდილო ატლანტიკური ალიანსის შეკავებისა და თავდაცვის განახლებულ პრიორიტეტებთან. სწორედ ერთ-ერთი ასეთი პრიორიტეტია თავდაცვითი შესაძლებლობების შექმნით საბრძოლო მზადყოფნის ამაღლება და ჩვენს თავდაცვის უწყებას ამ მიმართულებით აქვს ძალიან მნიშვნელოვანი, ხელშესახები პროგრესი. ქვეყნის თავდაცვის ამოცანების შესასრულებლად, ჯავშანსაწინააღმდეგო, საარტილერიო, საინჟინრო, სადაზვერვო და სხვა მიმართულებებთან ერთად, სასიცოცხლოდ მნიშვნელოვანია საჰაერო თავდაცვის სისტემების განვითარება, რომლის საჭიროებაც სხვა ფაქტორებთან ერთად განაპირობა 2008 წლის აგვისტოს ომმაც. საჰაერო თავდაცვის სფეროში პრიორიტეტულ კომპონენტებს განეკუთვნება მართვისა და კონტროლის ეფექტიანობის ამაღლება, ნატოსთან თავსებადი კომპლექსების ექსპლუატაცია, საჰაერო თავდაცვის ახალი შესაძლებლობების შექმნა და მისთვის საჭირო პერსონალისა და ინფრასტრუქტურის მომზადება. ერთი სიტყვით, აქცენტი კეთება ერთიანი ანტი-საჰაერო სისტემების განვითარებაზე მოდერნიზაციით და თანამედროვე მაღალტექნოლოგიური აღჭურვილობის შეძენით. ამ ამოცანების შესასრულებლად განსაკუთრებული მნიშვნელობა ენიჭება საქართველოს თანამშრომლობას საფრანგეთთან. გაფორმებული კონტრაქტის ფარგლებში 2018 წლის ოქტომბერში, საქართველომ მიიღო რადიოლოკაციური სადგურები და ახლო მოქმედების საზენიტო-სარაკეტო სისტემები, რამაც ჩვენი საჰაერო სივრცე უფრო ეფექტიანად კონტროლირებადი და ქართული ცა უფრო დაცული გახადა. 2018 წლის 8 დეკემბერს საქართველოსა და საფრანგეთის თავდაცვის მინისტრების მიერ ხელმოწერილი ხელშეკრულებით კი, საჰაერო თავდაცვის სფეროში თანამშრომლობა გადავიდა სრულიად ახალ ეტაპზე. საქართველო შეიძენს მართვისა და კონტროლის სისტემებს, რაც სხვა ძირითადი ამოცანების შესრულებასთან ერთად, მომავალში შესაძლებელს გახდის ჩვენი მართვისა და კონტროლის სისტემის ნატოს ერთიანი მართვისა და კონტროლის სისტემაში ინტეგრირებას. აქვე მსურს ყურადღება გავამახვილო მეორე მნიშვნელოვან საკითხზე. ბოლო დროს მაღალი საზოგადოებრივი ინტერესი გამოიწვია საგნის თავდაცვა და უსაფრთხოება სკოლაში სწავლების საკითხმა. ამ საგნის სკოლებში დანერგვის მიზანია თავდაცვის ძალებსა და სისტემებზე, სამოქალაქო უსაფრთხოებაზე ახალგაზრდებში ცნობიერების ამაღლება და პატრიოტული სულისკვეთების გაზრდა. სწავლება მოხდება პილოტირების რეჟიმში. ამ კუთხით სასწავლო მასალის დახვეწაზე ერთობლივად მუშაობს თავდაცვისა და განათლების სამინისტროები, ისევე როგორც ვეტერანების საქმეთა სახელმწიფო სამსახური. სასწავლო პროცესში გამოსაყენებელი მასალა მუშავდება ელექტრონული ფორმით და ის შენიშვნებისა და რეკომენდაციისთვის წარედგინება ჩვენს კომიტეტს. სწორედ ამის შემდეგ სასწავლო მასალა ასევე, ხელმისაწვდომი იქნება ფართო საზოგადოებისთვის. შერჩეულ სკოლებში საგანს წაიკითხავენ სამხედრო გამოცდილების მქონე პირები, ვისაც გავლილი ექნებათ მასწავლებელთა მომზადების შესაბამისი კურსი. აქვე მნიშვნელოვანია აღინიშნოს, რომ ყველა დაინტერესებულ პირს თუ ორგანიზაციას, როგორც პილოტირების დაწყებამდე, ასევე პროცესშიც ექნებათ რეკომენდაციების წარდგენის შესაძლებლობა. აღნიშნულ საკითხთან დაკავშირებით ვრცელი განმარტება არა ერთხელ გააკეთა თავდაცვის სამინისტრომ. შესაბამისად, გაუგებრობა, რაც გამოიწვია ამ საკითხთან დაკავშირებით წინააღმდეგობრივი ინფორმაციის გავრცელებამ არის სრულიად უსაფუძვლო",-განაცხადა ირაკლი ბერაიამ. 


ეიფელის კოშკი თანამშრომლების გაფიცვის გამო დაიხურა

პარიზის ერთ-ერთი მთავარი ღირსშესანიშნაობა- ეიფელის კოშკი თანამშრომლების გაფიცვის გამო დაიხურა. ამის შესახებ გაზეთი "ლე ფიგარო" იყტობინება. 

პროკურორი: გასაკვირია, რომ ოპერატიულ-სამძებრო ღონისძიებების დროს პირობითი სახელების გამოყენება გენერალური პროკურორის ყოფილი მოადგილისთვის დღეს გახდა ცნობილი

„გასაკვირია, რომ ოპერატიულ-სამძებრო ღონისძიებების დროს პირობითი სახელების გამოყენება გენერალური პროკურორის ყოფილი მოადგილისთვის დღეს გახდა ცნობილი“, - ამის შესახებ „რუსთავი 2“-ის ყოფილი გენერალური დირექტორის ნიკა გვარამიას საქმის პროკურორმა ზვიად გუბელაძემ განაცხადა.

პროკურორი: 2 დღის განმავლობაში ფარული საგამოძიებო მოქმედებების ჩატარების მიზანი იყო დაგვედგინა, ვინ სარგებლობდა დაახლოებით 300 ათასი ლარის ღირებულების ავტომობილით

„2 დღის განმავლობაში ფარული საგამოძიებო მოქმედებების ჩატარების მიზანი იყო დაგვედგინა, ვინ სარგებლობდა დაახლოებით 300 ათასი ლარის ღირებულების ავტომობილით“, - ამის შესახებ „რუსთავი 2-ის“ ყოფილი გენერალური დირექტორის საქმის პროკურორმა ზვიად გუბელაძემ განაცხადა.

ლევან ხაბეიშვილი საკრებულოში დაპირისპირებაზე: ერთი ერთზე ვერ მერევიან, მასეთი მაგარი ბიჭები ვერ არიან

„ნაციონალური მოძრაობის“ წევრი ლევან ხაბეიშვილი თბილისის საკრებულოს უმრავლესობის დეპუტატებს, რომლებიც მას ფიზიკურად დაუპირისპირდნენ, ლაჩრებს უწოდებს.

გიორგი ტყემალაძე: ორივე მხარეს მოვუწოდებ თავი შეიკავონ შეურაცხყოფისა და დაპირისპირებისგან

საკრებულოს თავმჯდომარე გიორგი ტყემალაძე საკრებულოში მომხდარი ინციდენტის შემდეგ მხარეებს მოუწოდებს თავი შეიკავონ ვითარების გამწვავებისგან.

ომბუდსმენი: თეა წულუკიანმა პატიმრებს ძალიან სახიფათო "მესიჯები" გაუგზავნა

"თეა წულუკიანმა პატიმრებს ძალიან სახიფათო გზავნილები გაუგზავნა, რომ მათი ურთიერთობა და შეხვედრები სახალხო დამცველთან არ არის დაცული კონფიდენციალურობის გარანტით და ნებისმიერ დროს შეიძლება გასაჯაროვდეს",-ამის შესახებ ომბუდსმენმა ნინო ლომჯარიამ საგანგებო ბრიფინგზე განაცხადა.

ირაკლი ნადარეიშვილი: 2014 წლიდან ევროკავშირში ექსპორტიორი ქართული კომპანიების რაოდენობა 44%-ით არის გაზრდილი

"ევროკავშირთან თავისუფალი სავაჭრო ხელშეკრულების იმპლემენტაციის ერთ-ერთი მნიშვნელოვანი ფაქტორია ისეთი პლატფორმების არსებობა, როგორიც არის  ევროკავშირი-საქართველოს ბიზნესსაბჭო,  რომელიც, წლების განმავლობაში, ძალიან წარმატებულად  მუშაობს ქართული და ევროპული ბიზნესის დაახლოებასა და ინტეგრაციაზე" - ამის შესახებ ჟურნალისტებთან ეკონომიკისა და მდგრადი განვითარების მინისტრის მოადგილემ ირაკლი ნადარეიშვილმა განაცხადა.

გიგა ბოკერია საკრებულოში დაპირისპირებაზე: როცა აგონიასა და ისტერიკაში ხარ, ძალადობას მიმართავ

"ეს არის ასლან აბაშიძის კურსის გაგრძელება, როცა ხარ აგონიაში, ფეხიდან დასაყრდენი გეცლება და ისტერიკაში მყოფი მიმართავ ძალადობას",- ასე შეაფასა "ევროპული საქართველოს" ერთ-ერთმა ლიდერმა გიგა ბოკერიამ საკრებულოში მომხდარი დაპირისპირება. 

ბექა დავითულიანი: ძალადობა არ უნდა წავახალისოთ, მაგრამ არც დედის გინებაა წასახალისებელი

"ადამიანები ვართ, ზოგი სიტყვიერად აყენებს ერთმანეთს შეურაცხყოფას, ზოგი ფიზიკურად", - ამის შესახებ თბილისის საკრებულოს „ქართული ოცნების“ დეპუტატმა ბექა დავითულიანმა დედაქალაქის საკანონმდებლო ორგანოში მომხდარ დაპირისპირებასთან დაკავშირებით განაცხადა.

საქართველოს საელჩომ კორეის რესპუბლიკაში მცხოვრებ საქართველოს მოქალაქეებს უმასპინძლა

საქართველოს საელჩომ კორეის რესპუბლიკაში მცხოვრებ საქართველოს მოქალაქეებს უმასპინძლა. შეკრების მთავარ მიზანს წარმოადგენდა საქართველოში მიმდინარე რეფორმებისა და დიასპორასთან დაკავშირებით ქვეყნის ხელისუფლების ხედვების თაობაზე ინფორმაციის გაცნობა.

"შენ ხარ "ფარჩაკი" - თბილისის საკრებულოში დეპუტატები ერთმანეთს ფიზიკურად დაუპირისპირდნენ

თბილისის საკრებულოში, სარევიზიო კომისიის სხდომაზე უმრავლესობის დეპუტატები და "ნაციონალური მოძრაობის" წევრი ლევან ხაბეიშვილი ერთმანეთს ფიზიკურად დაუპირისპირდნენ. 

ნათია თურნავა: საქართველო ერთ-ერთი ყველაზე მიმზიდველი ადგილია რეგიონში ინვესტიციების განხორციელების კუთხით

"საქართველო ერთ-ერთი ყველაზე მიმზიდველი ადგილია რეგიონში ინვესტიციების განხორციელების  კუთხით და ამაზე საუკეთესო პასუხია თვითონ ის ამერიკული კომპანიები, რომლებიც ჩვენთან მოღვაწეობენ".

აშშ-ში სამშობიაროდ ჩასვლის მსურველ ქალებზე ვიზების გაცემის რეგულაცია ამოქმედდა

დღეიდან ამერიკის შეერთებულ შტატებში სამშობიაროდ ჩასვლის მსურველ ქალებზე ვიზების გაცემის ახალი რეგულაცია ამოქმედდა.

ვინ იბრძვის გენერალური პროკურორობისთვის - კანდიდატების სია

საპროკურორო საბჭოში გენერალური პროკურორის თანამდებობაზე 17 კანდიდატი იყო წარდგენილი. თუმცა, აქედან ერთმა კანდიდატმა გრიგოლ გაგნიძემ კანდიდატურა მოხსნა. 

ლევან იზორიას დედა სოციალურ ქსელში მიმართვას ავრცელებს

თავდაცვის ყოფილი მინისტრის ლევან იზორიას დედა გულიკო კვირკველია სოციალურ ქსელში „მთავარი“ არხის მიერ გავრცელებულ ვიდეოსთან დაკავშირებით მიმართვას ავრცელებს.

ჩუმათელეთი-ხუნევის მონაკვეთზე მისაბმელიანი ავტოტრანსპორტის მოძრაობა აკრძალულია

ინტენსიური თოვისა და ლიპყინულის გამო, ჩუმათელეთი-ხუნევის მონაკვეთზე მისაბმელიანი ავტოტრანსპორტის მოძრაობა აკრძალულია. ინფორმაციას საავტომობილო გზების დეპარტამენტი ავრცელებს. 

ცაგერში, ცხენისწყლის არხში დაღუპული კიდევ ერთი ადამიანის ცხედარი იპოვეს

ცაგერის რაიონში, მდინარე ლაჯანურში სამძებრო სამუშაოების შედეგად მაშველებმა მეორე დაღუპულის ცხედარი იპოვეს.

ტრანსგენდერი ქალის გაუპატიურებისა და დაყაჩაღებისთვის პირს ხუთწლიანი პატიმრობა მიესაჯა

არასამთავრობო ორგანიზაცია "თანასწორობის მოძრაობის" ინფორმაციით, ტრანსგენდერი ქალის გაუპატიურებასა და დაყაჩაღებაში ბრალდებულს 5 წლით თავისუფლების აღკვეთა მიესაჯა.

ორპირი-საწირეს მონაკვეთზე მისაბმელიანი ავტოტრანსპორტის მოძრაობა აღდგა

საავტომობილო გზების დეპარტამენტის ინფორმაციით, ჩატარებული გაწმენდითი სამუშაოების შედეგად,  ქუთაისი-ტყიბული-ამბროლაურის საავტომობილო გზის 1-38კმ (ორპირი-საწირე) მონაკვეთზე, მისაბმელიანი ავტოტრანსპორტის მოძრაობა აღდგა.

სასამართლომ ეკონომიკის მინისტრის ყოფილი მოადგილე კ.დ. დამნაშავედ ცნო

ზუგდიდის რაიონულმა სასამართლომ ნაწილობრივ გაიზიარა პროკურატურის მიერ წარდგენილი მტკიცებულებები და ქ.ზუგდიდში არსებული, კულტურის უძრავი ძეგლის სტატუსის მქონე, დადიანების ბაღისა და სასახლეთა კომპლექსის შემადგენლობაში შემავალი მიწის ნაკვეთის უკანონოდ პრივატიზების ფაქტზე საქართველოს ეკონომიკის მინისტრის ყოფილი მოადგილე კ.დ. დამნაშავედ ცნო.

პროკურორი: თუ გუგა ბარბაქაძე ბრალს არ აღიარებს, მასთან საპროცესო შეთანხმებას ბრალდების მხარე არ დასთანხმდება

პროკურორმა თორნიკე ნადირაძემ ხორავას ქუჩაზე მომხდარ მკვლელობაში მსჯავრდებული გუგა ბარბაქაძისთვის საპროცესო შეთანხმების გაფორმებასთან დაკავშირებით განმარტება გააკეთა.