„გვაქვს კონკრეტული დოკუმენტები“ - რატომ უპირისპირდება და რაში ადანაშაულებს ბიზნესმენი ანზორ ქოქოლაძე მამუკა ხაზარაძეს

„თიბისი ბანკის“ ირგვლივ აგორებულ სკანდალს ბიზნესმენი ანზორ ქოქოლაძე ეხმაურება.

„ელიტ ელექტრონიქსის“ დამფუძნებელი მამუკა ხაზარაძესა და ბადრი ჯაფარიძეს ახალ ბრალდებებს უყენებს და ირწმუნება, რომ ფლობს დოკუმენტებს, რომლებიც ოფშორში დიდი ოდენობით თანხის გათეთრებას ადასტურებს. 


- რაც შეეხება კონკრეტულად 17 მილიონს, ჩვენ შეგვიძლია ვისაუბროთ იმ თემებზე, რაც ღია წყაროებით არსებობს და რა ინფორმაციასაც ვფლობთ, თუმცა, ერთმნიშვნელოვნად შემიძლია ვამტკიცო- რა დოკუმენტური მტკიცებულებებიც გვაქვს, ეს ეხება 10 მილიონი დოლარის გადაქაჩვას ოფშორში და გათეთრებას, რომელიც უკავშირდება „ელიტ ელექტრონიქსს“ და „თიბისი ბანკს“, სადაც მამუკა ხაზარაძე და ბადრი ჯაფარიძე პირადად ფიგურირებდნენ. უფრო კონკრეტულად თუ ვიტყვით, ეს დაიწყო 2009 წელს. კომპანია, რომელსაც 14 წლის განმავლობაში ვაშენებდი, ერთ ღამეში ფარულად გადაიფორმეს ნაციონალური რეჟიმის მხარდაჭერით, შემდეგ, როგორც დოკუმენტებით გაირკვა, 2012 წელს „თიბისი ბანკმა“ ოფშორულ კომპანია „დაუ ინვესტმენტთან“ გააფორმა ხელშეკრულება 10 მილიონი დოლარის ვალდებულების 1,5 მილიონად დათმობის შესახებ და ეს 10 მილიონი დოლარი „ელიტ ელექტრონიქსიდან“  გადაქაჩეს ოფშორულ კომპანიაზე „დაუ ინვესტმენტში“. ამაში ჩართულები იყვნენ როგორც ბადრი ჯაფარიძე და მამუკა ხაზარაძე, ისე მათი ბიზნესპარტნიორები მიხეილ ბენიმინი, საულ ზილბერშტეინი, დორი გროსმანი და ოდიტ შაჰნაი. როგორც ჩანს, ჩამოყალიბებული ჰქონდათ ოფშორულ კომპანიებში ფულის გადაქაჩვისა და შემდეგ გათეთრების გარკვეული სქემები. ამის უარყოფა შეუძლებელი იქნება, რადგანაც გვაქვს კონკრეტული დოკუმენტები, რომ ბადრი ჯაფარიძემ და მამუკა ხაზარაძემ 2012 წელს „თიბისი ბანკის“ კუთვნილი 10 მილიონი დოლარი „ელიტ ელექტრონიქსიდან“ ოფშორში გადაქაჩეს და გაათეთრეს.


 - ანუ „ელიტ ელექტრონიქსს“ ჰქონდა ბანკის ვალი და ბანკმა ამ ვალის მოთხოვნა დაუთმო ოფშორში არსებულ კომპანიას, რომლის უკანაც იდგნენ ხაზარაძე და ჯაფარიძე?


- დიახ. 10 მილიონი დოლარი მილიონ-ნახევრად გადაყიდა, ანუ გადააფორმა ოფშორულ კომპანიაზე, „თიბისი ბანკმა“ მიიღო ოფშორული კომპანიისგან მილიონ-ნახევარი დოლარი. ბანკმა  დაკარგა დაახლოებით 8,5 მილიონი დოლარი, ანუ სხვა აქციონერებს „მოუტეხეს“, ხოლო, თავის მხრივ, ბიუჯეტმა ამ სქემით 1,7 მილიონი დოლარი იზარალა მოგების გადასახადის ნაწილში, რადგანაც ბანკმა ეს თანხა ჩამოწერა, „ელიტ ელექტრონიქსიდან“ კი რეალურად გადაირიცხა ოფშორში. გარდა მოგების გადასახადის 20 პროცენტისა, დამატებით მოუწევდა 5 პროცენტი დივიდენდის გადასახადი, პირად ანგარიშზე რომ მოეხვედრებინა თანხა. ანუ, ჯამში, ამ ტრანზაქციით ბიუჯეტმა დაკარგა 4 150 000 დოლარი. პროკურატურის ბოლო მასალებიდანაც დაახლოებით ანალოგიურ  სქემას ვეცნობით. ერთ რამეს ვიტყვი - ვერც მამუკა ხაზარაძე და ვერც ბადრი ჯაფარიძე ვერ განახორციელებდნენ ვერცერთ კომბინაციას, რომ არა ნაციონალური ხელისუფლების  მხარდაჭერა. ამ სქემებში მკაფიოდ ისახება, როგორც ხელისუფლების, ისე იმდროინდელი ეროვნული ბანკის მონაწილეობა, სხვანაირად ეს შეუძლებელი იქნებოდა. რაც შეეხება კონკრეტულ ქეისს - 17 მილიონი დოლარის გადატანას, ვფიქრობ, ამ შემთხვევაში ავთანდილ წერეთელი უფრო მსხვერპლის როლშია. როგორც კლიენტს, სთხოვა, გადარიცხვა მოეხდინათ და ეტყობა, უარი ვერ უთხრა და უხერხულობაში და შარში გახვიეს. მაგრამ ეს თანხა, როცა ნახა, რომ არ იყო მთლად სწორი, ალბათ, მოითხოვა... მე ასე მგონია, რასაც ვხედავ ინფორმაციას, მოითხოვა, 2012 წელს თანხა განულებულიყო, ან გადაეტანათ და ამის გამო გადაიტანეს ოფშორულ კომპანიაში. ოფშორული კომპანიის სტილი, როგორც გითხარით, ეს ერთეული შემთხვევა არ არის, სავარაუდოდ სხვა შემთხვევებიც იქნება, „ელიტ ელექტრონიქსის“ შემთხვევაში კონკრეტული დოკუმენტაცია გვაქვს, რომ გადაქაჩეს და გაათეთრეს 10 მილიონი დოლარი. მე მოვისმინე მამუკა ხაზარაძის განცხადება, ეს თანხა ისევ „თიბისი ბანკს“ მოვახმარეთო. თუ ბანკს მოხმარდა, რატომ გადაქაჩეს ოფშორში, ეს ხომ ისედაც ბანკის თანხა იყო. თან, როგორც ირკვევა, ამ ოფშორსაც თვითონ ფლობდნენ. სინამდვილეში სხვა რამესთან გვაქვს საქმე. შეუძლებელია „თიბისიბანკს“ მოაკლო თანხა, აიღო კომპანიიდან, ოფშორში გადაქაჩო და გაათეთრო და შემდგომში, ფაქტზე წასწრებულმა იძახო, ვაძლიერებდი ბანკსო. ეს არანაირ ლოგიკაში არ ჯდება. სავარაუდოდ, ამ სქემით სხვა პარტნიორებს „მოუტეხეს“ ეს თანხა. როგორც ვიცით, 21% მათ ეკუთვნით, ხოლო დანარჩენი 79% - სხვა პარტნიორებს.


- პარტნიორები გასაგებია, მაგრამ დაზარალდა თუ არა ამ სქემით ბანკის მეანაბრეთა ინტერესები?


– ზოგადად, ნებისმიერი ბანკის ფული შედგება აქციონერებისა და მეანაბრეთა თანხებისგან და როდესაც დაუსაბუთებელი, მფლანგველური კრედიტები გაიცემა, ორივე აქტორი დგება დარტყმის ქვეშ. „თიბისის“ შემთხვევაში, აშკარად ჩანს, რომ სხვა აქციონერებისგან ფარულად მოხდა ეს გარიგება, შესაბამისად, დაზარალდებოდნენ აქციონერები, ამავდროულად, დაზარალდა ბიუჯეტიც, რადგან ეს ამოუღებელი 17 მილიონი გადაქაჩეს ოფშორში, ხოლო ბანკმა ჩამოწერა ეს თანხა. შესაბამისად, მოგების გადასახადის  სახით, ანუ ამ თანხის 20%-ით,  3,4 მილიონი დოლარით დაზარალდა ბიუჯეტი. იმაზე მანიპულირება, რომ „თიბისი ბანკი“ ქვეყნის ეკონომიკის მნიშვნელოვან ნაწილს აკონტროლებს, და თუ რომელიმე აქციონერის მიერ ჩადენილ დანაშაულზე მისი პასუხისმგებლობის საკითხი დადგება, ეკონომიკას საფრთხეში ვაგდებთ - არასწორია, ამით ბანკს საფრთხე არ შეექმნება, თანაც, თუ დააკვირდებით, ბანკის დანარჩენი 79%-ის მფლობელ არცერთ აქციონერს არ გამოუხატავს პრეტენზია, რადგანაც ამ სქემებით, პირველ რიგში, თვითონაც დაზარალდნენ. ქვეყანაში არ უნდა იყვნენ ხელშეუხებელი ადამიანები. ნაციონალური რეჟიმთან  ერთად ხაზარაძეს უამრავი დანაშაული აქვს ჩადენილი და ასეულობით ადამიანს უკანონოდ წაართვა ქონება, რა პასუხს ვაძლევთ მათ? 


- მფლანგველური კრედიტები ახსენეთ. რას გულისხმობთ?


- „თიბისი ბანკი“ ხშირად გასცემდა დაუსაბუთებელ კრედიტებს, მათ შორის ციხეებში. დღეს რომ ნებისმიერი თქვენგანი მივიდეს და „თიბისი ბანკს“ მოსთხოვს კრედიტი, აუცილებლად მოსთხოვენ საბუთებს, შემოსავლებს, უზრუნველყოფას და ა.შ. ძალიან ბევრი შემთხვევა იყო ციხეში კრედიტის გაცემის, პატიმარს აძლევდნენ კრედიტს, შემდეგ ეს ფული მიჰქონდა ნაციონალურ რეჟიმს, წრედი იკვრებოდა. ფაქტობრივად, ამაში ჩართული იყო როგორც „თიბისი ბანკი“, ისე ნაციონალური რეჟიმი, მათ შორის კეზერაშვილი, ადეიშვილი და ა.შ.


- თუმცა ეს მაინც ვარაუდებია... გაქვთ რამე მტკიცებულებები?


- რა თქმა უნდა, ამის უტყუარი მტკიცებულებები გვაქვს. ამას არც უარყოფდნენ იმ დროს. მე კონკრეტულად მთავაზობდნენ ვახტანგ ბუცხრიკიძე და ბადრი ჯაფარიძე, რომ, თუკი 9 მილიონ დოლარად დავუთმობდი 51-პროცენტიან წილს „ელიტ ელექტრონიქსში“, ხელისუფლებასთან ყველა პრობლემას მოაგვარებდნენ, მათ შორის, ადეიშვილთან. ადეიშვილი შენ არ გენდობაო. შემდგომში, მართლაც ისე გამოიკვეთა, სინქრონში ხდებოდა ყველა პროცესი, ანუ ხელისუფლებისა და „თიბისი ბანკის“ მოქმედებები ჩვენთან მიმართებაში იყო სინქრონში. ბევრი სხვა შემთხვევაცაა, თუნდაც, „კონსტანტა ბანკის“ შემთხვევა. ჯერ დააპატიმრეს დამფუძნებელი, მერე ღამის 2 საათზე გამოიყვანეს საპატიმროდან, მარჯანიშვილის ქუჩაზე „თიბისი ბანკის“ ცენტრალურ ოფისში მიიყვანეს, ღამის 2 საათზე მოაწერინეს ხელი და 12 მილიონი კრედიტი გამოუყვეს, ხელისუფლებამ წაიღო ფული, ხოლო „კონსტანტა ბანკი“ „თიბისი ბანკმა“ წაიღო. ასე იყო თამაზ ელიზბარაშვილის შემთხვევაში, პატიმარ კაცს 6 მილიონი გამოუყვეს კრედიტი, რომელიც პირდაპირ ნაციონალურმა რეჟიმმა წაიღო. ანალოგიური შემთხვევა ბევრია. ეს ისეთი შემთხვევებია, რომელთა უარყოფა ძალიან ძნელია, არსებობს მტკიცებულებები და იმის მტკიცება, იყო თუ არა „თიბისი ბანკი“ ნაციონალურ რეჟიმთან, ერთმნიშვნელოვანია. დღეს ჩემთვის გაუგებარია, როდესაც სააკაშვილი აკრიტიკებს ხაზარაძეს. ისინი ერთი გუნდი იყვნენ და სინქრონში მოქმედებდნენ.


გია ვოლსკი: არ დავუშვებთ, პარტიამ 40%-ზე ნაკლები მიიღოს და ქვეყნის მართვის პრეტენზია ჰქონდეს

"არც დავუშებთ იმას, რომ პოლიტიკურმა პარტიამ 40%-ზე ნაკლები მიიღოს და ქვეყნის მართვის პრეტენზია ჰქონდეს", - ამის შესახებ პარლამენტის თავმჯდომარის მოადგილემ გია ვოლსკიმ "ევროპული საქართველოს" წევრის სერგი კაპანაძის განცხადების საპასუხოდ აღნიშნა.

 

ნიკოლოზ მჭედლიშვილი: თუ გავითვალისწინებთ, რომ იანვარი არააქტიურ თვედ ითვლება, 5.1% ზრდა ძალიან კარგია

იანვარში ეკონომიკური ზრდა 5.1 პროცენტი იყო, მაშინ როცა ეს მაჩვენებელი 2019 წლის იანვარში 3.5 პროცენტს არ აღემატებოდა. არც მინახავს უწინ ასეთი ციფრი იანვარში,- ამის შესახებ ექსპერტი ნიკოლოზ მჭედლიშვილი სოციალურ ქსელში წერს.

სერგი კაპანაძე: პოლიტიკურ ძალას, მინიმუმ, 40%-იანი მხარდაჭერა უნდა ჰქონდეს მთავრობის ერთპიროვნულად შესაქმნელად

„ევროპული საქართველოს“ წევრის სერგი კაპანაძის განცხადებით, ნებისმიერ პოლიტიკურ ძალას მინიმუმ 40%-იანი მხარდაჭერა უნდა ჰქონდეს იმისთვის, რომ მთავრობა ერთპიროვნულად შექმნას.

მაღალმთიანი დასახლების სტატუსი კიდევ 6 სოფელს მიენიჭა

საქართველოს მთავრობის გადაწყვეტილებით, მაღალმთიან დასახლების სტატუსი კიდევ 4 მუნიციპალიტეტის  6 სოფელს მიენიჭა. 

გურჯაანის მუნიციპალიტეტში ცხოველთა თავშესაფრის მშენებლობა მიმდინარეობს

რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი გურჯაანში ცხოველთა თავშესაფრის მშენებლობას ახორციელებს.

აბასთუმნის საკარანტინო ზონაში ხუთი პირი შეიყვანეს

აბასთუმნის ფილტვის ცენტრში დღეს, 28 თებერვალს, კიდევ ხუთი პაციენტი შეიყვანეს. ხუთივე მათგანი ირანიდან საქართველოში დილით ჩამოფრინდა.

10 ოქტომბერს Black Sea Arena-ს სეზონს ბენდი One Republic დახურავს

One Republic ამერიკული პოპ-როკ ბენდია, რომელიც 2002 წელს შეიქმნა, თუმცა პირველ მნიშვნელოვან წარმატებას 5 წლის შემდეგ, კომპოზიციით Apologize მიაღწია. 

შინაგან საქმეთა სამინისტრო განცხადებას ავრცელებს

ზვავსაშიშროების გამო მცხეთა-სტეფანწმინდა-ლარსის მონაკვეთზე მოძრაობა 12:00 საათიდან 19:00 საათამდე აკრძალულია. ინფორმაციას შსს ავრცელებს. 

ჭოპორტში ახალგაზრდა კაცმა დედა და და მოკლა

ჭოპორტში ახალგაზრდა კაცმა დედა და და მოკლა. 

ჯივიპიმ ზესტაფონის ქუჩაზე სარეაბილიტაციო სამუშაოები დაასრულა

კომპანია ჯორჯიან უოთერ ენდ ფაუერმა ნაძალადევის რაიონში, ზესტაფონის ქუჩაზე, წყალარინების სისტემის რეაბილიტაცია დაასრულა.

ყვარლის სატყეო სააგენტოს უფროსი და სპეციალისტი დააკავეს 

სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა ჩატარებული ოპერატიულ-სამძებრო და საგამოძიებო მოქმედებების შედეგად, ქრთამის აღების ფაქტზე, სოფლის მეურნეობისა და გარემოს დაცვის სამინისტროს სსიპ ეროვნული სატყეო სააგენტოს ყვარლის სატყეო უბნის უფროსი გ.ა. და ამავე სატყეო უბნის სპეციალისტი გ.ფ. დააკავეს. 

29 თებერვალს საქართველო იშვიათი დაავადებების მსოფლიო დღეს აღნიშნავს

გენეტიკური და იშვიათი დაავადებების საქართველოს ფონდი (GeRaD) 2020 წლის პრიორიტეტად სპინალურ კუნთოვან ატროფიას (სკა) ასახელებს.

საჯარო სკოლის დირექტორობის მსურველებისთვის კონკურსის პირველი ეტაპი იწყება

განათლების რეფორმის ფარგლებში, საჯარო სკოლის დირექტორობის მსურველთათვის საქართველოს განათლების, მეცნიერების, კულტურსა და სპორტის სამინისტრო კონკურსის პირველ ეტაპს იწყებს.

გამყრელიძე კორონავირუსზე: ქვეყანაში მზადყოფნის რეჟიმი უფრო გაძლიერებულია

დაავადებათა კონტროლის ეროვნული ცენტრის ხელმძღვანელი ამირან გამყრელიძე კორონავირუსთან დაკავშირებით მოსახლოებას მიმართავს და სიმშვიდისკენ მოუწოდებს. 

მარინა ეზუგბაია: კორონავირუსით ინფიცირებული ადამიანის მდგომარეობა დამაკმაყოფილებელია, ტემპერატურა არ აქვს

ინფექციური საავადმყოფოს სამედიცინო დირექტორის მარინა ეზუგბაიას ინფორმაციით, კორონავირუსით ინფიცირებული ადამიანის მდგომარეობა სტაბილურად დამაკმაყოფილებელია, მას ტემპერატურა არ აქვს. 

ლევან დავითაშვილმა სტრასბურგში ევროპის საბჭოს მინისტრთა კომიტეტის მაღალი დონის კონფერენცია გახსნა

გარემოს დაცვისა და ადამიანის უფლებების შესახებ მაღალი დონის კონფერენცია გარემოს დაცვისა და სოფლის მეურნეობის მინისტრმა ლევან დავითაშვილმა ევროპის საბჭოს გენერალურ მდივანთან მარია პეიჩინოვიჩთან და ევროსაბჭოს საპარლამენტო ასამბლეის პრეზიდენტთან რიკ დაემსთან ერთად გახსნა.

ზუგდიდში ავარიას სამი ადამიანი ემსხვერპლა

ზუგდიდში ავტოსაგზაო შემთხვევის შედეგად სამი ადამიანი დაიღუპა. შემთხვევა სოფელ დარჩელში მოხდა.

 

პოლიციამ ქუთაისში "კანონიერი ქურდისთვის" მიმართვის ბრალდებით ერთი პირი დააკავა

შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის თანამშრომლებმა, განსაკუთრებულ დავალებათა დეპარტამენტთან ერთად ჩატარებული ოპერატიულ-სამძებრო და საგამოძიებო ღონისძიებების შედეგად, 1948 წელს დაბადებული, წარსულში ნასამართლევი პ.გ., „კანონიერი ქურდისთვის“ მიმართვის ბრალდებით, მოსამართლის განჩინების საფუძველზე დააკავეს.

თიბისი ბანკმა ბიზნესსექტორს წლიური ანგარიში წარუდგინა

თიბისი ბანკმა წლიური შეხვედრა ჩაატარა, სადაც კომპანიის 2019 წლის მიღწევები და შედეგები, ასევე, განვითარების სტრატეგია და სამომავლო გეგმები წარადგინა.

ომბუდსმენი: მმართველი ძალა და ოპოზიცია საარჩევნო სისტემაზე თუ ვერ შეთანხმდებიან, ეს ყველასთვის ცუდი იქნება

სახალხო დამცველი ნინო ლომჯარია იმედს გამოთქვამს, რომ "ქართული ოცნება" და გაერთიანებული ოპოზიცია საარჩევნო სისტემასთან დაკავშირებით მოლაპარაკებას გააგრძელებს და შეთანხმებას მიაღწევს.

საქართველოში დათბება

გარემოს ეროვნული სააგენტოს ინფორმაციით, 28-29 თებერვალს საქართველოს დასავლეთ რეგიონებში გაწვიმდება, მაღალმთაში ზოგან მოთოვს. ჰაერის ტემპერატურა დაბლობსა და ბარში +14, +19 გრადუსის ფარგლებში დაფიქსირდება.