თავდაცვის მინისტრმა მშვიდობისმყოფელებს თავდაცვის ძალების დღე ტელეხიდით მიულოცა

საქართველოს თავდაცვის მინისტრმა ლევან იზორიამ ავღანეთსა და აფრიკის კონტინენტზე დისლოცირებულ ქართველ მშვიდობისმყოფელებს საქართველოს თავდაცვის ძალების დღე მიულოცა.

„ჩემო ძმებო, მინდა, განსაკუთრებული სიყვარულით და პატივისცემით მოგილოცოთ დღევანდელი დღე! ბევრჯერ მსმენია, თუ რა დიდი შეფასება აქვს ქართულ ჯარს „მტკიცე მხარდაჭერისა“ და ევროკავშირის ეგიდით აფრიკის კონტინენტზე მიმდინარე სხვა მისიების ფარგლებში. ჩვენ ვამაყობთ, რომ როგორც პარტნიორები ვართ სამაგალითონი - ეს აღიარებულია როგორც ქვეყნის შიგნით, ისე ქვეყნის გარეთ კრიტიკული ოპერაციების შესრულების დროს. მაქვს პატივი, თქვენთან ერთად ვემსახურო ჩემს ქვეყანას. მაქვს პატივი, გამოვხატო თითოეული ქართველის დამოკიდებულება თქვენს მიმართ, ის სიყვარული და პატივისცემა, რომელიც განსაკუთრებულია იმიტომ, რომ თქვენ აიღეთ თქვენი ქვეყნის დაცვის ვალდებულება. ვალდებულების აღება კი, მხოლოდ ერთეულებს შეუძლიათ“, - ამ სიტყვებით მიულოცა იზორიამ ქართველ მშვიდობისმყოფელებს საქართველოს თავდაცვის ძალების დღე მართვის ცენტრიდან.


ტელეხიდით ჩართვისას ლევან იზორიამ თავდაცვის უწყებაში მიმდინარე სამაგალითო რეფორმებზე კიდევ ერთხელ გაამახვილა ყურადღება და საერთაშორისო მისიებში მყოფ ქართველ სამხედროებს ახალი სოციალური მიმართულებების - საბინაო პოლიტიკისა და განახლებული სახელფასო უზრუნველყოფის შესახებ მიაწოდა ინფორმაცია.


თავდაცვის სამინისტროს მართვის ცენტრიდან ქართველ მშვიდობისმყოფელებს პროფესიული დღე საქართველოს თავდაცვის ძალების მეთაურმა, გენერალ-მაიორმა ვლადიმერ ჩაჩიბაიამაც მიულოცა და თავდაცვის მინისტრს სამხედრო მოსამსახურეების სოციალური პირობების გაუმჯობესების მხარდაჭერისთვის მადლობა გადაუხადა.


ამჟამად, საქართველოს თავდაცვის ძალების ქვედნაყოფები ნატოსა და ევროკავშირის ეგიდით მიმდინარე მისიებში ავღანეთსა და აფრიკის კონტინენტის ორ ქვეყანაში მონაწილეობენ. ავღანეთში ნატოს ეგიდით მიმდინარე „მტკიცე მხარდაჭერის“ მისიაში ქართული კონტინგენტი სამ ლოკაციაზეა დისლოცირებული. I ქვეითი ბრიგადის გაძლიერებული ასეული „მტკიცე მხარდაჭერის“ მისიას გერმანული სარდლობის დაქვემდებარებაში, მაზარ-ი-შარიფში, ბაზა „მარმალზე“ ასრულებს. IV მექანიზებული ბრიგადის 43-ე ბატალიონი საერთშორისო ოპერაციაში, აშშ-ის სარდლობის დაქვემდებარებაში, ბაგრამის საავიაციო ბაზაზე მონაწილეობას. ქაბულში კი, III ქვეითი ნაკრები ასეულია დისლოცირებული და მის მთავარ ამოცანას „მტკიცე მხარდაჭერის“ მისიის შტაბისა და ძალთა უსაფრთხოების დაცვა წარმოადგენს.


ევროკავშირის ეგიდით მიმდინარე მისიებში ქართველი მშვიდობისმყოფელები ცენტრალური აფრიკის რესპუბლიკასა და მალიში არიან დისლოცირებული. ეროვნული გვარდიის ნაკრები ოცეული ცარ-ში სამხედრო-საწვრთნელ მისიაში - EUTM RCA, ფრანგული სარდლობის დაქვემდებარებაში, ასრულებს. ევროკავშირის საწვრთნელ მისიაში მალიში (EUTM Mali) საქართველო შეიარაღებული ძალები ერთი ოფიცრითაა წარმოდგენილი და სამეკავშირეო ოფიცრის პოზიციას იკავებს, რომლის ძირითადი მიმართულებებია ადგილზე მოქმედ მისიებთან, საერთაშორისო და არასამთავრობო ორგანიზაციებთან თანამშრომლობა, ინფორმაციის გაცვლა და კოორდინაციაა.


ზუგდიდის მერმა გზებზე მიმდინარე სამუშაოები დაათვალიერა

ზუგდიდის მუნიციპალიტეტის მერმა გიორგი შენგელიამ თაბუკაშვილის, კონსტანტინე გამსახურდიასა და თამარ მეფის ქუჩებზე საავტომობილო გზებზე მიმდინარე სამუშაოები დაათვალიერა. 

ანრი ოხანაშვილი: პროკურატურის მრჩეველთა ჯგუფმა მიიჩნია, რომ არსებული მტკიცებულებები საკმარისია ხაზარაძის და ჯაფარიძის მიმართ ბრალდების წარსადგენად

„პროკურატურის მრჩეველთა ჯგუფმა მიიჩნია, რომ არსებული მტკიცებულებები საკმარისია ხაზარაძის და ჯაფარიძის მიმართ ბრალდების წარსადგენად“, - განაცხადა პარლამენტის იურიდიულ საკითხთა კომიტეტის თავმჯდომარემ ანრი ოხანაშვილმა.

თავდაცვის მინისტრი დიდი ბრიტანეთის ელჩს შეხვდა

საქართველოს თავდაცვის მინისტრმა ირაკლი ღარიბაშვილმა დიდი ბრიტანეთისა და ჩრდილოეთ ირლანდიის გაერთიანებული სამეფოს ელჩს, ჯასტინ მაკკენზი სმიტს უმასპინძლა.

კომუნიკაციების კომისიამ „კავკასუს ონლაინს“ კანონდარღვევით გასხვისებული წილების პირვანდელ მდგომარეობაში დაბრუნება მოსთხოვა

კომუნიკაციების კომისიამ 17 ოქტომბერს შპს „კავკასუს ონლაინი“ სამართალდამრღვევად ცნო და კანონდარღვევით გასხვისებული წილების პირვანდელ მდგომარეობაში დაბრუნება მოსთხოვა.

დავით ზალკალიანმა აღმოსვლეთ პარტნიორობის ფარგლებში საქართველოს სამომავლო ინიციატივებზე ისაუბრა

საქართველოს საქმეთა მინისტრის დავით ზალკანიანის თქიმით, საქართველოს საგარეო პოლიტიკის ერთ-ერთი მნიშვნელოვანი მიმართულება ევროკავშირის ერთიან ბაზაში ინტეგრაცია იქნება.

"თბილისის აბრეშუმის გზის ფორუმს" აზიის განვითარების ვიცე პრეზიდენტი შეუერთდა

"თბილისის აბრეშუმის გზის ფორუმის" გახსნით პანელში, აზიის განვითარების ბანკის (ADB) ვიცე-პრეზიდენტი შიქსინ ჩენი მიიღებს მონაწილეობას.

საგადასახადო ადმინისტრაციების შიდა ევროპული ორგანიზაციის წლიური კონფერენციის გამარჯვებულად შემოსავლების სამსახური დასახელდა

თბილიში საგადასახადო ადმინისტრაციების შიდა ევროპული ორგანიზაციის (IOTA) საგადასახადო კანონმორჩილების ტექნოლოგიური გადაწყვეტის საკითხისადმი მიძღვნილი წლიური კონფერენციისა და ტექნოლოგიური გამოფენა გაიმართა.

თსუ-ში 5 დღის განმავლობაში გერმანელი სპეციალისტები ატარებენ ვორქშოფს ელექტროობაზე

ქართველ მასწავლებლებს და მოსწავლეებს სახალისო ექსპერიმენტებზე დაფუძნებული სწავლების მეთოდებს აცნობენ იულიხის კვლევითი ცენტრის სასკოლო ლაბორატორიის JULAB-ის წამყვანი მასწავლებლები.

დავით ზალკალიანი: ჩვენ მნიშვნელოვანი შედეგები გვაქვს დასავლეთ ევროპის ქვეყნებთან პარტნიორობის სტრატეგიულ დონეზე აყვანის კუთხით

პარლამენტში სამთავრობო საათზე სიტყვით გამოსვლისას საქართველოს საგარეო საქმეთა მინისტრმა ხაზი გაუსვა ორმხრივი თანამშრომლობის მაღალ დინამიკას ყველა მიმართულებით.

გორში შუახნის კაცი გარდაცვლილი იპოვეს

გორში შუახნის კაცი საკუთარ სახლში ჩამომხვრჩვალი იპოვეს.

გიორგი გოგაძე: ბრალდების მრჩეველთა საერთაშორისო ჯგუფის წევრების კომპეტენციის კითხვის ნიშნის ქვეშ დაყენება უადგილოა

გენერალური პროკურორის მოადგილე გიორგი გოგაძე მიიჩნევს, რომ ბრალდების მრჩეველთა საერთაშორისო ჯგუფის წევრების პოლ კოფისა და მოშე ლადორის კომპეტენციის კითხვის ნიშნის ქვეშ დაყენება უადგილოა.

ალექსანდრე რევია: საუბარია არა ბიუჯეტის აუთვისებლობაზე, არამედ სახსრების ეფექტიან ხარჯვაზე

სააგენტოსთვის საჭირო კომპიუტერული ტექნიკის შესყიდვა და პროგრამული უზრუნველყოფა საერთაშორისო დონორი ორგანიზაციებისგან მოზიდული სახსრებით განხორციელდა, რითაც დაიზოგა ბიუჯეტიდან სააგენტოსთვის გამოყოფილი თანხა,- ამის შესახებ საჯარო და კერძო თანამშრომლობის სააგენტოს ხელმძღვანელმა ალექსანდრე რევიამ.

შსს-ს საპატრულო პოლიციის დეპარტამენტი განცხადებას ავრცელებს

ჭავჭავაძის გამზირზე მიმდინარე სარეაბილიტაციო სამუშაოების გამო შეცვლილ მოძრაობის მარშრუტებთან დაკავშირებით საპატრულო პოლიციის დეპარტამენტი განცხადებას ავრცელებს.

თბილისში ელექტრომომარაგება დროებით შეიზღუდება

გეგმურ-პროფილაქტიკური სამუშაოების ჩატარების გამო 18 ოქტომბერს ელექტრომომარაგება დროებით შეიზღუდება.

გიორგი მარგველაშვილი: გიორგი გახარიას პრემიერად დანიშვნა სილის გაწვნაა

საქართველოს მეოთხე პრეზიდენტი გიორგი მარგველაშვილი, ქვეყნის მთავრობის მეთაურის კანდიდატურაზე  გიორგი გახარიას დანიშვნას, ხელისუფლების მხრიდან საზოგადოებისთვის სილის გაწვნას უწოდებს.

შატილში დამწვარ სკოლას მიმდინარე წლის ზაფხულში სრული რეაბილიტაცია ჩაუტარდა

რამდენიმე საათის წინ, შატილის სკოლა-პანსიონში ხანძარი გაჩნდა. დაწესებულება ძირითადად ხის მასალისგან იყო დამზადებული, რის გამოც ცეცხლის ჩაქრობა ვერ მოხერხდა და შენობა სრულად დაიწვა.

დავით ზალკალიანი: პრიორიტეტულია აშშ-სთან სავაჭრო, ეკონომიკური და საინვესტიციო ურთიერთობების გაღრმავება

საგარეო საქმეთა მინისტრის დავით ზალკალიანის განცხადებით, საქართველოსა და აშშ-ის ურთიერთობები დღესდღეობით უმაღლეს ნიშნულზეა და საქართველო სარგებლობს აშშ-ის აღმასრულებელი და საკანონმდებლო ხელისუფლების ორპარტიული მხარდაჭერით.

დავით ზალკალიანი გარეჯის მონასტერზე: მთავარი ამოცანაა იმ სტატუსკვოზე დაბრუნება, რომელიც ტერიტორიის დახურვამდე არსებობდა

საგარეო საქმეთა მინისტრის დავით ზალკალიანის განცხადებით, დავით გარეჯის საკითხში საქართველოს მთავარი ამოცანა იმ სტატუსკვოზე დაბრუნებაა, რომელიც ტერიტორიის დახურვამდე არსებობდა.

ტექნიკური უნივერსიტეტის სამშენებლო ფაკულტეტს პოტსდამის უნივერსიტეტის დელეგაცია ეწვია

საქართველოს ტექნიკური უნივერსიტეტის სამშენებლო ფაკულტეტს გაცნობითი ვიზიტით პოტსდამის ტექნიკური უნივერსიტეტის (გერმანია) დელეგაცია ეწვია, რომელსაც პროფესორები - იორგ რიოდერი და გიუნტერ სეიდლი ხელმძღვანელობდნენ.

დავით ზალკალიანი: საქართველოს ნატო-ს პოლიტიკურ დღის წესრიგში მნიშვნელოვანი ადგილი უკავია

საქართველოს საგარეო საქმეთა მინისტრის განცხადებით, ნატო-ში გაწევრიანების მიმართულებით, საანგარიშო პერიოდი იყო ძალიან დატვირთული. განხორციელდა მაღალი დონის ორმხრივი შეხვედრები და ვიზიტები.

სსფ-ის ფისკალურ საქმეთა დეპარტამენტის უფროსი: საქართველო სსფ-ის მიერ მხარდაჭერილი პროგრამის მიმართულებით საკმაოდ კარგად პროგრესირებს

საერთაშორისო სავალუტო ფონდის ფისკალურ საქმეთა დეპარტამენტის უფროსი ვიტორ გასპარის განცხადებით, საქართველო საერთაშორისო სავალუტო ფონდის მიერ მხარდაჭერილი პროგრამის მიმართულებით საკმაოდ კარგად პროგრესირებს.