"გუგუტიანთკარში დიპლომატიურ კორპუსის წარმომადგენლებთან ერთად ვიმყოფებით, რათა საკუთარი თვალით ნახონ თუ რა ხდება ქართულ სოფლებში"

შერიგებისა და სამოქალაქო თანასწორობის საკითხებში სახელმწიფო მინისტრი გუგუტიანთკარში საგარეო საქმეთა მინისტრის მოადგილესთან, სახელმწიფო უსაფრთხოების სამსახურისა და დიპლომატიური კორპუსის წარმომადგენლებთან ერთად ჩავიდა.

უწყების ინფორმაციით, სახელმწიფო მინისტრმა დიპლომატიური კორპუსის წარმომადგენლებს ადგილზე არსებული სიტუაცია დეტალურად გააცნო და ადგილობრივ მოსახლეობას შეხვდა, რომელთაც საკუთარი საჭიროებებისა და გამოწვევების შესახებ ისაუბრეს.


"დღეს აქ ელჩებთან, დიპლომატიურ კორპუსის წარმომადგენლებთან ერთად ვიმყოფებით, რათა მათ საკუთარი თვალით ნახონ თუ რა ხდება ქართულ სოფლებში, რა ზომებს მიმართავს საოკუპაციო რეჟიმი და როგორ არის ეს პირდაპირ ადამიანების წინააღმდეგ მიმართული. ამავდროულად, რა თქმა უნდა,
ამ ყველაფერს აქვს ის დანიშნულება, რომ ჩვენ მეტი ძალისხმევის მობილიზაცია მოვახდინოთ. ეს ერთ-ერთი დიპლომატიური ბერკეტია და ძალიან მნიშვნელოვანი იმისათვის, რომ ჩვენი პარტნიორები ინფორმირებულები იყვნენ. ასევე, მათი ქვეყნები იყვნენ ინფორმირებულები და შესაბამისი რეაგირება
მოახდინონ, რათა რუსეთზე ზეწოლა გაიზარდოს და ასეთი აბსოლუტურად უკანონო მოქმედებები, რომლებიც ადამიანების წინააღმდეგაა მიმართული, შეკავდეს.


რა თქმა უნდა, ეს არ არის ერთადერთი ინსტრუმენტი. ჩვენ ყველა მექანიზმს ვიყენებთ. თუმცა, ასევე ძალიან მნიშვნელოვანია ის, რომ სამშვიდობო
პოლიტიკის კურსიდან არ გადავუხვიოთ, რადგან ეს მუშაობს. ყველაზე მნიშვნელოვანი ის არის, რომ ამ ადამიანებს გვერდში დავუდგეთ. ხუთი წელია სახელმწიფო ახორციელებს სპეციალურ პროგრამას თითოეული სოფლისთვის, რომელიც გამყოფ ხაზთან მდებარეობს. თუმცა, აქ არიან ადამიანები,
რომლებისთვისაც შესაძლოა ცალკე განისაზღვროს რა ფორმებით დავეხმაროთ, რათა საკუთარ მიწაზე დავამაგროთ. მოსახლეობასთან სწორედ ამაზე ვისაუბრე.


ასევე მნიშვნელოვანია ის სამშვიდობო პოლიტიკა, რომელიც მავთულხლართებით გაყოფილი საზოგადოებების ურთიერთობის აღდგენისკენაა მიმართული. მე უკვე 7 წელია ამ სფეროში ვმუშაობ და კონტაქტები დღეს უპრეცედენტოდ გახშირებულია. ადამიანებს მავთულხლართებს იქით, ძალიან მძიმე პირობები აქვთ. მოსახლეობისაგან დაცლილი ცხინვალის რეგიონი ფაქტიურად სამხედრო გეტოდ არის ქცეული. რეგიონში იმ მოსახლეობის 20 პროცენტამდეღაა დარჩენილი, რომელიც იქ კონფლიქტამდე ცხოვრობდა. ექვსჯერ მეტ ადამიანს აკავებენ ოკუპირებულ ტერიტორიაზე, როდესაც ისინი ცდილობენ კონტროლირებად ტერიტორიაზე გადმოვიდნენ. ამიტომ, ჩვენი კურსი მომავალშიც ურყევი იქნება - ოკუპაციას მხოლოდ განვითარებით უნდა ვუპასუხოთ. დღეს ყველას ემოციები გავქვს, რა თქმა უნდა, ამის ყურება მძიმეა, მაგრამ ჩვენი პოლიტიკა პრინციპული, რაციონალურია და ნებისმიერი მოქმედება გამომდინარეობს იქიდან თუ რას მოუტანს იგი მოსახლეობას. ჩვენ გვჭირდება
მშვიდობა, განვითარება, ამ ხალხის დახმარება, ჩვენ საზოგადოებებთან ხიდების მშენებლობა. რა თქმა უნდა, დეოკუპაციის ძალიან მტკიცე სტრატეგიასთან ერთად", - განაცხადა სახელმწიფო მინისტრმა.


თინათინ ნიბლოშვილი: საკრებულო საბჭოთა ოკუპაციის თემებთან დაკავშირებით, ინტენსიურად მუშაობს

თბილისის საკრებულო სახელდების  და სიმბოლიკის კომისიის თავმჯდომარე თინათინ ნიბლოშვილი "ევროპული საქართველოს"  წევრების მოთხოვნას თბილისის ერთ-ერთი ქუჩისთვის ფრანგული ჯავშნოსანი ესკადრის "ვალდეკ რუსოს" სახელის მინიჭებას გამოეხმაურა.

მიხეილ კალანდიას სასამართლომ 11 წლითა და 3 თვით პატიმრობა მიუსაჯა

ხორავას ქუჩის საქმეზე ბრალდებულ მიხეილ კალანდიას სასამართლომ 11 წლითა და 3 თვით თავისუფლების აღკვეთა მიუსაჯა. 

რა ეკონომიკურ და პოლიტიკურ დივიდენდებს მოუტანს TANAP-ი საქართველოს

“სამხრეთის დერეფნის კონცეფცია საქართველოს მნიშვნელოვან პოლიტიკურ დივიდენდსა და ენერო უსაფრთხოებას მოუტანს,” – ამის შესახებ საქართველოს ნავთობისა და გაზის კორპორაციის გენერალურმა დირექტორმა, გიორგი ბახტაძემ განაცხადა.

ჯალილ მამედყულიზადეს თბილისური სატირა

საქართველოში გამომავალი ცნობილი გამოცემის „მოლა ნასრედინის“ დამაარსებელსა და რედაქტორს, ჯალილ მამედყულიზადეს 22 თებერვალს 151 წელი შეუსრულდა.

სესიაშვილი: იმედია, ოპოზიციასთან ერთად საარჩევნო სისტემის კომპორომისულ ვერსიაზე შევჯერდებით

"იმედს ვიტოვებ, რომ ოპოზიციასთან ერთად მოხერხდება კომპრომისულ ვერსიაზე შეჯერება", - ამის შესახებ საპარლამენტო უმრავლესობის წარმომადგენელმა ირაკლი სესიაშვილმა საარჩევნო სისტემასთან დაკავშირებით განაცხადა.

ძაღლის ფეკალური მასით ტერიტორიის დაბინძურებისთვის ჯარიმა გაორმაგდება

ძაღლის ან სხვა შინაური ცხოვრელის მცირე ოდენობის ფეკალური მასით ტერიტორიის დაბინძურებისთვის პირები 50 ლარის ნაცვლად 100 ლარით დაჯარიმდებიან. ცვლილებას "ნარჩენების მართვის კოდექსი" ითვალისწინებს, რომლის ინიციატორები და ავტორები დეპუტატები გოგა გულორდავა და სულხან მახათაძე არიან.

მიხეილ კალანდიას საქმის პროკურორი: გვაქვს მოლოდინი, სასამართლოს სხდომაზე გამოკვლეული მტკიცებულებების საფუძველზე მიღებული იქნება სამართლიანი და დასაბუთებული გადაწყვეტილება

„დღეს არის სასამართლო განაჩენის გამოცხადების სხდომა. ჩვენ, ბუნებრივია, გვაქვს მოლოდინი, რომ სასამართლოს სხდომაზე წარმოდგენილი და გამოკვლეული მტკიცებულებების საფუძველზე სასამართლოს მხრიდან იქნება მიღებული ერთადერთი სამართლიანი, კანონიერი და დასაბუთებული გადაწყვეტილება“, - ამის შესახებ მიხეილ კალანდიას საქმის პროკურორმა ბესიკ ქვარცხავამ განაცხადა.

აჭარის საავტომობილო გზების დეპარტამენტი რეგიონში პროექტების განხორციელებას განაგრძობს

აჭარის საავტომობილო გზების დეპარტამენტი რეგიონში საგზაო ინფრასტრუქტურის მოწესრიგების მიზნით პროექტების განხორციელებას განაგრძობს.

გარემოს ეროვნული სააგენტო სტიქიური მოვლენების მონიტორინგს ახალი უპილოტო საფრენი აპარატებით განახორციელებს

გარემოს ეროვნული სააგენტოს სპეციალისტებმა კლიმატის მწვანე ფონდის (Green Climate Fund)  მხარდაჭერით  შეძენილი უპილოტო საფრენი აპარატების მართვის ტრენინგში მონაწილეობა მიიღეს.

ნარჩენებით გარემოს დაბინძურებაზე სანქციები გაიზრდება

ნარჩენებით გარემოს დანაგვიანებაზე სანქციები გაიზრდება. ცვლილებას „ნარჩენების მართვის კოდექსი“ ითვალისწინებს, რომლის ინიციატორები და ავტორები დეპუტატები სულხან მახათაძე და გოგა გულორდავა არიან.

საქართველოს გენერალური პროკურორის გადაწყვეტილებით, პროკურატურის სტაჟიორებს, გამომძიებლებს, პროკურორებსა და საშუალო რგოლის თანამშრომლებს ხელფასი 500 ლარით გაეზარდათ

გენერალური პროკურორის, ირაკლი შოთაძის გადაწყვეტილებით, სახელმწიფო ბიუჯეტით არსებული ასიგნებების ფარგლებში, უწყების ყველა თანამშრომელს, გარდა ხელმძღვანელი პირებისა, შრომის ანაზღაურება 500 ლარით გაეზარდათ.

კომუნიკაციების კომისიამ ინტერნეტის უსაფრთხოდ გამოყენების შესახებ სკოლებში ტრენინგი ჩაატარა

უსაფრთხო ინტერნეტის დღესთან დაკავშირებით, კომუნიკაციების კომისიის მედიაწიგნიერების დეპარტამენტის წარმომადგენლებმა, ინტერნეტის უსაფრთხოდ გამოყენების შესახებ, სამ საჯარო სკოლაში ინტერაქტიული ტიპის ტრენინგი ჩაატარეს.

 საბა 2020 დაიწყო

წელს ლიტერატურულმა პრემია „საბამ“ კონკურსი მეთვრამეტედ გამოაცხადა. ავტორებსა და გამომცემლებს უკვე შეუძლიათ წიგნები წარადგინონ კონკურსზე. ამისთვის მათ უნდა შეავსონ ელექტრონული განაცხადი ვებგვერდზე: saba.com.ge

ჩუმათელეთი-ხუნევის მონაკვეთზე მისაბმელიანი ავტოტრანსპორტის მოძრაობა აკრძალულია

რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი გზებზე არსებულ ვითარებასთან დაკავშირებით განცხადებას ავრცელებს.

პრემიერი: შავი ზღვის უსაფრთხოებას გლობალური მშვიდობისა და სტაბილურობისთვის არსებითი მნიშვნელობა აქვს

"მეტი საქართველო ნატოში და მეტი ნატო საქართველოში გააძლიერებს შავი ზღვისა და დასავლეთის უსაფრთხოებას, ასევე საქართველოს დემოკრატიას და მზარდ ეკონომიკას", - ამის შესახებ პრემიერმა გიორგი გახარიამ ამერიკულ გამოცემა The Washington Times-ში გამოქვეყნებულ სტატიაში აღნიშნა.

ირანში კორონავირუსით გარდაცვლილთა რიცხვი 14-მდე გაიზარდა

ირანში ახალი კორონავირუსით გარდაცვლილთა რიცხვი 14-მდე გაიზარდა. დაინფიცირებულია 60-ზე მეტი ადამიანი. 

გომი-კორბოულის მონაკვეთზე მისაბმელიანი ავტოტრანსპორტის მოძრაობა აკრძალულია

საავტომობილო გზების დეპარტამენტის ინფორმაციით, რთული მეტეოროლოგიური პირობების გამო, გომი-საჩხერე-ჭიათურა-ზესტაფონის საავტომობილო გზის 1-40კმ მონაკვეთზე აკრძალულია მისაბმელიანი და ნახევრადმისაბმელიანი ტრანსპორტის მოძრაობა.

მიხეილ ჩხენკელმა აზიის განვითარების ბანკის წარმომადგენელთან პროფესიული განათლების მიმართულებით თანამშრომლობის გეგმები განიხილა 

საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა საქართველოში აზიის განვითარების ბანკის მუდმივი წარმომადგენლობის დირექტორს შეინ როზენტალს უმასპინძლა და მასთან განათლების სხვადასხვა საფეხურზე სამომავლო თანამშრომლობის საკითხები განიხილა.

სამეგრელოსა და გურიაში უაქციზო სიგარეტის შენახვა-გადაზიდვის ფაქტები გამოვლინდა

შემოსავლების სამსახურის თანამშრომლებმა სოფელ რუხში, ურთაში, ორსანტიაში, ანაკლიაში, ზუგდიდში, ფოთსა და სოფელ ფახულანში ჯამში 1 758 კოლოფი უაქციზო სიგარეტისა და 39,4 კგ უაქციზო თუთუნის შენახვა-გადაზიდვის ფაქტები გამოავლინეს.

ნაქერალას უღელტეხილზე მისაბმელიანი ავტოტრანსპორტის მოძრაობა აკრძალულია

საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტი გზებზე არსებულ ვითარებასთან დაკავშირებით განცხადებას ავრცელებს.

პროკურორთა საერთაშორისო  ასოციაცია  ირაკლი შოთაძეს საქართველოს გენერალურ პროკურორად არჩევას ულოცავს

პროკურორთა საერთაშორისო  ასოციაციის პრეზიდენტი  და გენერალური მდივანი ირაკლი შოთაძეს საქართველოს გენერალურ პროკურორად არჩევას ულოცავენ.