თსუ-ში დავით ნარმანიას მენეჯმენტისა და ადმინისტრირების კათედრა გაუხლიჩეს

ეკონომიკისა და ბიზნესის ფაკულტეტის პროფესორ-მასწავლებელთა ნაწილი ფაკულტეტის საბჭოს სხდომის გადაწყვეტილებას ფარსს უწოდებს და პროტესტის ახალ ტალღას გეგმავს.

თსუ-ის ეკონომიკისა და ბიზნესის ფაკულტეტის მოწვეულმაპროფესორმა დავით ნიჟარაძემ სოციალური ქსელის მეშვეობით თსუ-ის რექტორს გიორგი შარვაშიძეს მიმართა, რითაც თსუ-ის ეკონომიკისა და ბიზნესის ფაკულტეტის საბჭოს გადაწყვეტილებას გამოეხმაურა, რომლის მიხედვითაც გადაწყდა ახალი კათედრის - „გლობალურ გარემოში მენეჯმენტის კათედრის“ შექმნა.


„ბატონო რექტორო, თქვენი ლოგიკით, ჯერ დაფუძნდა კათედრა სახელწოდებით „გლობალურ გარემოში მენეჯმენტი“', შემდეგ შეიქმნება „ლოკალურ გარემოში მენეჯმენტი“, „სახელმწიფო მენეჯმენტი“, „მუნიციპალური მენეჯმენტი“, „თემთა მენეჯმენტი“, „საოჯახო-საყოფაცხოვრებო მენეჯმენტი“, „ინდივიდების მენეჯმენტი“, „წიაღის მენეჯმენტი“, „საზღვაო-სახმელეთო მენეჯმენტი“, ''მიწისზედა და მიწისქვეშა მენეჯმენტი“ და ა.შ.


მოკლედ, სახეზეა ეკონომიკისა და ბიზნესის ფაკულტეტის სრული „მენეჯმენტიზაცია“ სულისკვეთებით - „რიგითი ღაღანიძის გადასარჩენად“. რაც შეეხება თქვენი დიდი ძალისხმევით და „მყარი ნაბიჯებით“ ფორმირებულ „აბსურდის მენეჯმენტის კათედრის“ ხელმძღვანელობას, რა თქმა უნდა, ამ პოსტს თქვენი ხელდასმული დეკანი დაიკავებს.  ეს კი არ უნდა, მაგრამ სხვა გზა არ გაქვთ, დებულებას ხომ არ დაარღვევთ?!


ხომ მართლა, ამას გულისხმობდით თქვენ მიერ დაანონსებულ რეფორმა-რესტრუქტურიზაციაში?!, - მიმართავს სოციალური ქსელით თსუ-ის რექტორს, გიორგი შარვაშიძეს, ამავე უნივერსიტეტის მოწვეული პროფესორი დავით ნიჟარაძე.


„პირველის“ ინფორმაციით, თსუ-ის ეკონომიკისა და ბიზნესის ფაკულტეტის საბჭომ მიიღო გადაწყვეტილება და შექმნა ახალი კათედრა სახელწოდებით - „გლობალურ გარემოში მენეჯმენტი“. ამ გადაწყვეტილების წინააღმდეგი საბჭოს სხდომაზე დამსწრე წევრთაგან მხოლოდ ორი იყო - დავით ნარმანია  - მენეჯმენტისა და ადმინისტრირების კათედრის ხელმძღვანელი და შოთა შაბურიშვილი - ასოცირებული პროფესორი საერთაშორისო ბიზნესის კათედრიდან.


„პირველთან“ საუბრისას მენეჯმენტისა და ადმინისტრირების კათედრის ასოცირებულმა პროფესორმა ეკა ჩოხელმა აღნიშნა, რომ ამ გადაწყვეტილებით კლანი, რომლის ერთ თავში დეკანი გიორგი ღაღანიძე, ხოლო მეორე თავში საერთაშორისო ეკონომიკისა და ეკონომიკურ მოძღვრებათა ისტორიის კათედრის ხელმძღვანელი ავთანდილ სილაგაძე არიან, ცდილობს გაძლიერდეს და ახალი პლაცდარმი შეუქმნას დეკან ღაღანიძეს, რომელიც ფაკულტეტის დებულების თანახმად ავტომატურად გახდება  კათედრის ხელმძღვანელი. მისთვის და მისი გულშემატკივრებისთვის ეს ძალიან მნიშვნელოვანი მომენტია. სწორედ ამის გამო მიდიან გაუგონარ თავხედობაზე და ქმნიან კათედრას ყოველგვარი პროექტის გარეშე, ანუ ისე, რომ შესაბამისი სასწავლო კურსები მომდევნო 2 სემესტრის განმავლობაში უნდა „დააწიონ“.  მანამდე, ახალი კათედრის წევრები ყველა სასწავლო კურსით კვლავ მენეჯმენტისა და ადმინისტრირების კათედრიდან დაკმაყოფილდებიან, თუ ახალ სასწავლო კურსებს ვერ შექმნიან, არაფერია, ძალა ხომ მათ ხელშია, მენეჯმენტისა და ადმინისტრირების კათედრას წაართმევენ, - მიაჩნია ჩოხელს.


„ჩემთვის გამაოგნებელი იყო საბჭოს სხდომაზე გამოსვლისას აკადემიური საბჭოს წევრის და ერთ-ერთი ვითომ რიგითი კათედრის გამგის ავთანდილ სილაგაძის ტონი, რომლითაც ის მენეჯმენტისა და ადმინისტრირების კათედრის გამგეს, კოლეგას, დავით ნარმანიას მიმართავდა. სილაგაძე აღნიშნავდა, რომ არ იყო სწორი, როცა მისი კოლეგა კათედრასთან დაკავშირებულ სხვადასხვა თემებს, მათ შორის საკუთარი კათედრის სხდომის დღის წესრიგში საკითხების ფორმულირებასაც კი„მათთან,“ უშუალოდ კი მასთან არ ათანხმებს... თან ამ ყოველივეს სილაგაძე დამრიგებლურ - დიდაქტიკურ ტონში და საკმაოდ დიდხანს იმგვარად წარმოაჩენდა, რომ ჩემი აზრით, ჯანსაღი ფსიქიკის ადამიანს ეჭვი შეეპარებოდა იმაში, თუ სად იმყოფებოდა  XXI საუკუნის მეორე ათწლეულის ბოლოს - საქართველოს წამყვანი უნივერსიტეტის წამყვანი ფაკულტეტის საბჭოს სხდომაზე, თუ XX საუკუნის 70-80 იანი წლების „საუკეთესო ტრადიციების“ შესაბამისად მიმდინარე პარტიულ შეკრებაზე, სადაც გავლენიანი და უფროსი პარტიული ბოსები ინიციატივიან და რეალისტ ახალგაზრდებს ტუქსავენ და ავიწროვებენ დაუმორჩილებლობის და წინააღმდეგობის გაწევის გამო. მე მხოლოდ გაოგნება და შესაბამისად, შემდგომ უკვე, ამ ყველაფრისთვის მაქსიმალური წინააღმდეგობის გაწევა დამრჩენია, რამდენადაც, ზუსტად ვიცი, რომ ფაკულტეტის საბჭოს ამ სხდომის მსგავსი სხდომები, რაც შეიძლება სწრაფად უნდა ჩაბარდეს წარსულს“, - ამბობს პროფესორი.


მენეჯმენტისა და ადმინისტრირების კათედრის ასისტენტ-პროფესორი ეკატერინე გულუა აღნიშნავს, რომ  პროტესტს, რასაც ფაკულტეტის რამდენიმე პროფესორი ბოლო წლებია დაუფარავად გამოხატავს ფაკულტეტზე შექმნილი კლანური მმართველობის გამო, ეს გადაწყვეტილება კიდევ უფრო გააძლიერებს. „სურთ ,,გაიკეთონ” კათედრა და სახელი ვერ დაარქვეს. მას, ვინც მოიფიქრა კათედრის სახელწოდება -,,გლობალურ გარემოში მენეჯმენტი“ ვფიქრობ, არ აქვს უფლება „მოღვაწეობდეს“ თსუ-ში. წარმოიდგინეთ, მათ შექმნეს „ჰაერში სუნთქვის კათედრა“ მაშინ, როცა უკვე არსებობს „სუნთქვის კათედრა“. ეს ეწინააღმდეგება ყველა ლოგიკურ ჩარჩოს და არ აქვს არგუმენტირებული საფუძველი, გარდა კლანის მიერ ლობირებულ ერთეულთა პირადი ინტერესისა“, - ამბობს გულუა.


მისი განცხადებით, არაეთიკური და ამორალურიც კი არის, ფაკულტეტზე იქმნებოდეს ახალი, ყოვლად გაუგებარი დანიშნულების კათედრა ადამიანისთვის, რომლის პროფესორობის კანონიერებაზეც კითხვები სასამართლო ფორმატშია დასმული. „ეს სამარცხვინო ფაქტი და ის მეთოდები, რომელიც მის მისაღწევად იქნა გამოყენებული  ავლენს რექტორის წარუმატებელ მმართველობას თსუ-ში, რომელსაც ბიუროკრატიული მექანიზმებით და ქურდული გარჩევებით კონკრეტული პირები ამყარებენ. ჩვენ  ყველა შესაძლო კანონიერი გზით შევეცდებით მივმართოთ თსუ-ის წარმომადგენლობით საბჭოს (რომელმაც უნდა დაამტკიცოს ახალი კათედრის შექმნის გადაწყვეტილება), რომ არ დაამტკიცოს ეს გადაწყვეტილება, როგორც ფაკულტეტის სტუდენტთა ინტერესების დამაზიანებელი და მხოლოდ დეკანისა და კიდევ რამდენიმე პროფესორის, პირად, დაუმსახურებელ ინტერესებზე მორგებული გადაწყვეტილება.  ამ პოზიციას არგუმენტირებულად და ზედმიწევნით დავიცავთ ყველგან, სადაც მოგვისმენენ, იქნება ეს თსუ-ის წარმომადგენლობითი  საბჭო, განათლების სამინისტრო, განათლების საკითხთა საპარლამენტო კომიტეტი თუ შესაბამისი პროფილის არასამთავრობო ორგანიზაციები. იმას კი, რომ მოგვისმინონ, აუცილებლად მივაღწევთ. ის რაც დღეს ხდება თსუ-ში არის საქართველოს თითოეული მოქალაქის სირცხვილი“ - აღნიშნავს გულუა. 


მოწვეული პროფესორი დავით ნიჟარაძე ამბობს, რომ ის რაც ფაკულტეტზე ახალი კათედრის შექმნის გადაწყვეტილებით მოხდა, მისთვის მოულოდნელი არ იყო. „ეს მოხდებოდა, ცხადი იყო, რამდენადაც თსუ ადმინისტრაციამ, კერძოდ კი პრორექტორ ნინო გვენეტაძის ხელმძღვანელობით შექმნილმა მედიაციის ჯგუფმა, მედიაციის ეს პროცესი იმდენად იმიტირებულად და მოვალეობის მოხდის ფორმატით წარმართა, რომ იმთავითვე ცხადი გახადა, რაც იქნებოდა შედეგი...


ფაქტია, „საკუთარი“ კათედრა დეკან ღაღანიძეს ჰაერივით სჭირდება. საამისოდ, მისი წამქეზებლები და გულშემატკივრები - კლანის წევრები - ავთანდილ სილაგაძე, ვლადიმერ პაპავა და ცხადია, რექტორი შარვაშიძე - მიდიან ყველაფერზე, რაოდენ არაადეკვატური და არათანმიმდევრულიც უნდა იყოს მათი ეს ნაბიჯები. მედიაცია ჩააგდეს და იურიდიული სამსახურის უფროსის კუკულავას დახმარებით  მედიაციის შემაჯამებელი დოკუმენტი გააყალბეს. ფაკულტეტის საბჭოზე საკითხის გატანის დროდ შუაგული აგვისტო შეარჩიეს, თითქოს ხელიც დაიბანეს  და რექტორი შარვაშიძე და პრორექტორი გვენეტაძე ამ დროს საერთოდაც შვებულებაში გავიდნენ. შესაბამისად, გადაწყვეტილების სიმძიმე, თუ სიმსუბუქე, ამ ეტაპზე მაინც, მთლიანად აჰკიდეს ფაკულტეტის საბჭოს, რომელიც, იმ პირობებში, როცა იქ  მათივე მხარდაჭერილი სილაგაძე-ღაღანიძე-პაპავას კლანი დომინირებს, რა თქმა უნდა, ცხადი იყო, რა გადაწყვეტილებასაც მიიღებდა... მუდამ აღვნიშვნავ, რომ რაც ახლა ხდება - ანუ ღაღანიძისთვის ჰაერიდან მოგონილი პერსონალური კათედრის შექმნა, სხვა არაფერია თუ არა სილაგაძისა და პაპავას მხრიდან მადლობის გადახდა, ერთგვარი ვალის დაბრუნება ღაღანიძისთვის, რამდენადაც სწორედ ღაღანიძის ძალისხმევით მოხდა, რომ მან საპენსიო ასაკამდე ერთი კვირით ადრე „გაუფორმა“ სილაგაძეს და მასთან ერთად ლადო პაპავას (რომელიც თავის დროზე, რექტორობისას, მსგავსი წოდებების - მუდმივი პროფესორი - შემოღებისა და დაწესების წინააღმდეგი იყო) უვადო პროფესორობა.


მე ვფიქრობ, მათ ჰგონიათ, რომ ფაკულტეტის საბჭოზე ამ გადაწყვეტილების მიღებით ისტორიულ გამარჯვებას მიაღწიეს (საინტერესოა, ვის ებრძვიან). მე კი ვფიქრობ, რომ სწორედ  ამ გადაწყვეტილებით დაუდეს მათ სათავე ფაკულტეტზე მათი უსამართლო ჰეგემონიის დასასრულის დასაწყისს, რადგან ყველა, ისინიც კი, ვინც დღეს ამა თუ იმ მიზეზის გამო, არ აქტიურობს მათ წინააღმდეგ და რიგ შემთხვევაში იძულებულიც ხდება, რომ მათ ჩანაფიქრებს ფორმალურად მხარი დაუჭიროს, - ისინიც კი ცხადად ხედავენ, რომ ღაღანიძე-სილაგაძე-პაპავას კლანი, შარვაშიძის დუმილით, ანუ ხელშეწყობით, უკან და უკან მიაქანებს ფაკულტეტს და სტუდენტთა საუკეთესო ინტერესები არც არავის აინტერესებს.


სამწუხაროდ, საუნივერსიტეტო უბედურების მასშტაბი ეკონომიკისა და ბიზნესის ფაკულტეტით არ ისაზღვრება. საქმე ის არის, რომ რექტორი მხოლოდ ღაღანიძისათვის დაუმსახურებელი და უსამართლო, სხვათა კანოიერი ინტერესების დამაზიანებელი კომფორტის შექმნით არ შემოიფარგლება. მას ყველა ფაკულტეტზე ჰყავს მსგავსი ფიგურები, რომლებიც საერთო კლანური ინტერესებით მოქმედებენ და სულ არ აღელვებთ არც თსუ-ის იმიჯი და არც მისი სტუდენტების ინტერესები.


ზოგადად, თსუ-ში ურთულესი ვითარებაა, - ისტორიისა და ეთნოლოგიის ინსტიტუტის კონკურსის მიღმა უსამართლოდ დარჩენილი მეცნიერები სასამართლოში ჩივიან, იურიდიულ ფაკულტეტზე პროფესორი სტუდენტს უჩივის, ჩვენთან კლანურობა ყოველგვარ აკადემიურ საზღვარს სცდება და საბოლოოდ მყარდება იმ მოარული ხმების ნამდვილობა ,რომ გიორგი შარვაშიძიეს თსუ-ის დანგრევა აქვს დავალებული კონკურენტების სასარგებლოდ. სხვა ახსნას  მე უბრალოდ ვერ ვპოულობ უნივერისიტეტში მიმდინარე სამარცხვინო მოვლენებს.


და სწორედ იმის გამო, რომ კლანი თავის ქმედებებში არავის და არაფერს დაგიდევს, დარწმუნებული ვარ, რომ აღარ არის შორს ის დრო, როცა ჩვენს ფაკულტეტზე და ზოგადად, თსუ-ში ვითარება სამართლიანად გადალაგდება, ანუ აკადემიურ თანამდებობებს და მუშაობისა და  განვითარების საშუალებას მიიღებს ის აკადემიური პერსონალი, რომელიც ყოველმხრივ შეესაბამება სტუდენტთა საუკეთესო ინტერესების დაკმაყოფილების უპირობო კრიტერიუმს.


მანამდე კი არ დავიღლები იმის გამეორებით, რაც ადრეც მითქვამს - სილაგაძე და ღაღანიძე კლანის ორი თავია. ისინი ყოველდღიურად ცდილობენ დაშინებითა და ინტრიგებით თანამშრომლებში საკუთარი აზრის გამოხატვის, რაიმე განსხვავებული ინიციატივით გამოსვლის ჩახშობას. მათ მიდგომებს იზიარებს და ამას თავისი სიჩუმით მხარს უჭერს ლადო პაპავაც. რექტორის დუმილი და ურეაქციობა კი მათთვის უკვე კარგა ხანია იქცა წამახალისებელ ფაქტორად.  ცოტაც და მივიღებთ კლანის მიერ შემოთავაზებულ მორიგ „შედევრს“- არაფრისმომცემი კათედრის მიტაცება-უზურპაციის სპეცოპერაციას და ეს იქნება კიდეც, როგორც აღვნიშნე, ამ კლანის ზეობის დასასრულის დასაწყისი.


მცირედი იმედი მაქვს წარმომადგენლობითი საბჭოსი, რომ ეს წარმომადგენლობითი ორგანო გაუფრთხილდება როგორც უნივერსიტეტის, ისე პირად რეპუტაციას და აბსურდის სპექტაკლის ამ მოქმედებას არ აუნთებს მწვანე შუქს“, -  აცხადებს ნიჟარაძე.


გენო პეტრიაშვილი მსოფლიო ჩემპიონია

ყაზახეთში მიმდინარე 2019 წლის მსოფლიო ჩემპიონატზე ჭიდაობაში ქართველი ფალავანი გენო პეტრიაშვილი ჩემპიონი გახდა.

მთავარი საკითხები, რომლებზეც პარლამენტი 2019 წლის საშემოდგომო სესიაზე იმუშავებს

არჩილ თალაკვაძემ საშემოდგომო სესიის ათი მთავარი გამოწვევა წარმოადგინა.

თსუ სახელმწიფო აუდიტის ანგარიშზე განმარტებებს ავრცელებს

თბილისის სახელმწიფო უნივერსიტეტი სახელმწიფო აუდიტის სამსახურის მიერ გამოქვეყნებულ ანგარიშზე განმარტებას ავრცელებს.

ფორსაჟის ეპიზოდების თბილისში მიმდინარე გადაღებები გადაიდო

შინაგან საქმეთა სამინისტროს საპატრულო პოლიცია გაცნობებთ, რომ ცნობილი ჰოლივუდური ფილმის ეპიზოდების თბილისში მიმდინარე გადაღებები რთული მეტეოროლოგიური პირობების გამო გადაიდო.

Adjarabet.com-ის უნიკალური აქცია რაგბის გულშემატკივრებს

Adjarabet.com ახალ აქციას სთავაზობს რაგბის გულშემატკივრებს, რომლებიც
დადებენ ფსონს მსოფლიო თასის ფარგლებში საქართველოს ნაკრების თამაშზე.

თამარ ხულორდავა შრომის უფლებების კანონპროექტს განმარტავს

პარლამენტის ევროპასთან ინტეგრაციის კომიტეტის თავმჯდომარე თამარ ხულორდავა აცხადებს, რომ საქართველოს  შრომის უფლებების დაცვის კუთხით, უდიდესი ჩამორჩენა  აქვს და  აღნიშნული სფეროს რეგულირება მოქალაქეების დასაცავად არის აუცილებელი.

თბილისის მერის მოადგილე მაია ბითაძე კრწანისის ტყე-პარკის დასუფთავების ღონისძიებაში მონაწილეობდა

თბილისის მერის მოადგილე მაია ბითაძე, დასუფთავების მსოფლიო დღესთან დაკავშირებით, კრწანისის ტყე-პარკში გამართულ ღონისძიებაში მონაწილეობდა.

შენობიდან ჩამოცვენილი ბათქაში, დაზიანებული ავტომობილები და დაშავებული ადამიანები - ძლიერი ქარი თბილისში

დედაქალაქში ძლიერი ქარია. უამინდობამ ქალქის სხვადასხვა უბანში პრობლემებია გამოიწვია.

უშგულში პირველი თოვლი მოვიდა

მესტიაში, უშგულის თემში პირველი თოვლი მოვიდა. უშგულში მერის წარმომადგენლის ბექა ღვაჩლიანის ინფორმაციით, თოვა ორი საათის წინ დაიწყო.

"შემთხვევით არაფერი ხდება, არ არის შემთხვევითი, რომ საქართველო წილხვედრია"

სრულიად საქართველოს კათოლიკოს-პატრიარქმა, ილია მეორემ სიონის ტაძარში ღვთისმშობლის შობის დღესასწაულთან დაკავშირებით ღვთისმსახურება აღევლინა.

თბილისში, დოლიძის ქუჩაზე 2 მოქალაქეს ხე დაეცა

თბილისში, დოლიძის ქუჩაზე რამდენიმე წუთის წი 2 კაცს ხე დაეცა.

პრემიერ-მინისტრმა ეუთოს სპეციალურ წარმომადგენელთან ოკუპირებულ რეგიონებში ბოლო პერიოდში განვითარებული მოვლენები განიხილა

საქართველოს პრემიერ-მინისტრმა სამხრეთ კავკასიაში ეუთოს სპეციალურ წარმომადგენელთან, ჟენევის საერთაშორისო მოლაპარაკებების თანათავმჯდომარესთან, ოკუპირებულ რეგიონებში ბოლო პერიოდში განვითარებული მოვლენები განიხილა.

m2-ს გაყიდვების ინოვაციური კულტურა

დეველოპერული კომპანია „m2 უძრავი ქონება“ გაყიდვების მიმართულებით მომსახურების კულტურისა და ხარისხის ახალ ეტაპზე გადავიდა.

2020 წლის ბიუჯეტის პროექტში ქრონიკული დაავადებების მქონე მოქალაქეების მედიკამენტებით უზრუნველყოფის საკითხს დააყენებენ

ჯანდააცვის კომიტეტის თავმჯდომარის განცხადებით, 2020 წლის  ბიუჯეტის პროექტზე მუშაობისას გათვალისწინებული იქნება ქრონიკული დაავადებების მქონე მოქალაქეების მედიკამენტებით უზრუნველყოფის საკითხი.

GWP-ის საწყობში გაჩენილი ხანძარი ლიკვიდირებულია

შინაგან საქმეთა სამინისტროს გადაუდებელი დახმარების ოპერატიულ მართვის ცენტრ „112“-ში შემოსული ინფორმაციის თანახმად, თბილისში, ფეიქრების ქუჩაზე არსებულ საწყობში, შეინიშნებოდა ძლიერი დაკვამლიანება და ღია ცეცხლი.

პარტია "თავისუფალი საქართველო" თვითმმართველობის კანონის გადახედვას მოითხოვს

პარტიის თანათავმჯდომარე გოგი წულაია მიიჩნევს, რომ ქალაქში არსებული ნებისმიერი შენობა-ნაგებობა თვითმმართველობას უნდა ეკუთვნოდეს და თავად განკარგავდეს.

ბათუმში თურქეთის მოქალაქე ნარკორეალიზატორი დააკავეს

შსს-ს აჭარის პოლიციის დეპარტამენტის თანამშრომლებმა, ჩატარებული ოპერატიულ-საგამოძიებო მოქმედებების შედეგად, ნარკორეალიზაციის ბრალდებით, თურქეთის რესპუბლიკის მოქალაქე 1987 წელს დაბადებული ე.ი. დააკავეს.

2020 წლის სახელმწიფო ბიუჯეტის პროექტს პარლამენტი პირველ ოქტომბერს მიიღებს

საფინანსო-საბიუჯეტო კომიტეტის თავმჯდომარის, ირაკლი კოვზანაძის განცხადებით, 2020 წლის ბიუჯეტის პროექტის განხილვაში ყველა მოქალაქეს ექნება შესაძლებლობა, გამოთქვას თავისი მოსაზრება.

 

უახლესი დღეების ამინდის პროგნოზი

გარემოს ეროვნული სააგენტოს ცნობით, უახლოესი რამდენიმე დღის განმავლობაში საქართველოში არამდგრადი ამინდია მოსალოდნელი.

მინისტრის მოადგილე: ადიგენის მუნიციპალიტეტში სასმელი და სარწყავი წყლის საკითხიებია მოსაგვარებელი

ცენტრალური და ადგილობრივი ხელისუფლების წარმომადგენლები ადიგენის მუნიციპალიტეტის სოფლების ლელოვანის, უდეს, ფხეროსა და ვარხანის მოსახლეობას  შეხვდნენ და სოფლებში არსებულ საჭიროებებზე ინფორმაცია მიიღეს.

საქართველოში, პირველადი ჯანდაცვის განვითარების საკითხი ჯანდაცვის მინისტრმა ამერიკელ კოლეგებთან განიხილა

ჯანმრთელობისა და სოციალური დაცვის მინისტრი, ეკატერინე ტიკარაძე, ამერიკის შეერთებულ შტატებში ვიზიტის ფარგლებში, აშშ-ს დაავადებათა კონტროლისა და პრევენციის ცენტრის ხელმძღვანელებს შეხვდა.