თამარ ჩუგოშვილი: ვისურვებდი, როგორც ადგილობრივ თვითმმართველობებში, ასევე პარლამენტში ქალების წარმომადგენლობა უფრო მაღალი იყოს

პარლამენტის თავმჯდომარის პირველი მოადგილე, გენდერული თანასწორობის საბჭოს თავმჯდომარე, თამარ ჩუგოშვილი საქართველოს საკრებულოს წევრ ქალთა ფორუმის მეექვსე ყოველწლიურ კონფერენციაზე სიტყვით გამოვიდა.

„კარგად მესმის, თუ რამხელა შრომა, ენერგია, თავდადება და გამბედაობა გაქვთ თითოეულ ქალს ჩადებული თქვენს საქმიანობაში და იმაში, რომ ადგილობრივ თვითმმართველობებში იყოთ საქართველოს მოსახლეობის წარმომადგენლები. ვისურვებდი, რომ ყოველ მომდევნო წელს, ეს შემადგენლობა იყოს უფრო დიდი, რაც ნიშნავს იმას, რომ როგორც საკრებულოებში, ასევე საქართველოს პარლამენტში ქალების წარმომადგენლობა იყოს უფრო მაღალი, უფრო სამართლიანი და რაც მთავარია, ნაკლები დაბრკოლებები გვხვდებოდეს ჩვენ ერთად იმ გზაზე, რასაც პოლიტიკურ პროცესში მონაწილეობა და გადაწყვეტილების მიღების პროცესში ჩვენი საზოგადოების წარმომადგენლობა ჰქვია,“ - განაცხადა ჩუგოშვილმა.


თამარ ჩუგოშვილმა დეტალურად ისაუბრა პარლამენტის გენდერული თანასწორობის საბჭოს საქმიანობის ორ მიმართულებაზე: ქალთა პოლიტიკურ მონაწილეობასა და ეკონომიკურ გაძლიერებაზე.


„ეს არის ორი თემა, რომელიც ჩვენთვის იყო და არის პრიორიტეტი, განსაკუთრებით ეკონომიკური გაძლიერება, რომელიც წელს შევარჩიეთ ყველაზე მნიშვნელოვან საკითხად. გენდერული თანასწორობის საბჭოსთვის ეს საკითხი კვლავ შეინარჩუნებს მნიშვნელობას და აქტუალობას, რადგან, საბოლოო ჯამში, ჩვენი ქალებისთვის ერთ-ერთი ყველაზე მნიშვნელოვანი თემა არის ის, რომ გქონდეთ შემოსავალი, გქონდეთ სამსახური, გქონდეთ დამოუკიდებლად არსებობის წყარო და შესაძლებლობა. ეს შემდგომ განსაზღვრავს ძალიან ბევრ რამეს, მათ შორის - სურვილს, რომ აქტიურად მიიღოთ მონაწილეობა პოლიტიკაში,“ - აღნიშნა პარლამენტის თავმჯდომარის პირველმა მოადგილემ.


პოლიტიკური მონაწილეობის ხელშეწყობასთან დაკავშირებით საუბრისას, თამარ ჩუგოშვილმა აღნიშნა, რომ საქართველოს კონსტიტუციაში, ახლა უკვე, ძალიან ნათლად და მკაფიოდ არის გაწერილი სახელმწიფოს ვალდებულება არსებითი თანასწორობა უზრუნველყოს ქალებსა და კაცებს შორის.


„ეს იმას ნიშნავს, რომ მხოლოდ დეკლარაციული ნორმებით და ფრაზებით არ უნდა შემოვიფარგლოთ, არამედ უნდა გადავდგათ კონკრეტული ნაბიჯები, რომ ეს თანასწორობა უზრუნველყოფილი იყოს,“ - განაცხადა პარლამენტის თავმჯდომარის პირველმა მოადგილემ.


მისივე თქმით, 2017 წლის ბოლოს, ვერ მოხერხდა პოლიტიკური შეთანხმება კანონპროექტთან დაკავშირებით, რომელიც გენდერულად დაბალანსებული საარჩევნო სიების წარდგენას შეეხებოდა, თუმცა, ახლა სხვა რეალობაა, რადგან ხდება პროპორციულ საარჩევნო სისტემაზე გადასვლა და 2020 წლის ოქტომბრის საპარლამენტო არჩევნები იქნება მთლიანად პროპორციული.


„ჩვენ, პრინციპში, პოლიტიკურ პარტიებთან შევთანხმდით, რომ მივიღებთ მნიშვნელოვან წამახალისებელ ნორმებს. კანონმდებლობაში ჩავწერთ, რომ პარტია, რომლის საარჩევნო სიაში 30%, ანუ ყოველი მესამე კანდიდატი განსხვავებული სქესის იქნება, მიიღებს დამატებით საბიუჯეტო დაფინანსების 30%-ს, რაც საკმაოდ დიდი თანხაა და ძალიან დიდი მნიშვნელობა აქვს პოლიტიკური პარტიებისთვის. ამიტომ, ვფიქრობ, რომ 2020 წელს არჩეული პარლამენტი იქნება ბევრად უფრო წარმომადგენლობითი ქალებისთვის, ვიდრე ეს დღეს არის და ყველამ ერთად უნდა ვიმუშაოთ, რომ ამ პროცესს მაქსიმალურად ხელი შევუწყოთ. რაც შეეხება თვითმმართველობის არჩევნებს, იმედი მაქვს, რომ საკრებულოებისთვის 30%-იანი კვოტის გატანა შესაძლებელია. ვინაიდან თვითმმართველობის არჩევნებზე შერეული სისტემა რჩება, შეიძლება ვისაუბროთ იმაზე, რომ კვოტების გზით ხელი შევუწყოთ საკრებულოში ქალთა რაოდენობის გაზრდას,“ - აღნიშნა თამარ ჩუგოშვილმა.


ქალთა ეკონომიკური გაძლიერების საკითხზე საუბრისას, პარლამენტის თავმჯდომარის პირველმა მოადგილემ განაცხადა, რომ წელს მიმდინარეობდა მუშაობა სახელმწიფოს მიერ დაფინანსებული ეკონომიკური პროგრამების ქალებისთვის ხელმისაწვდომობის შესწავლის მიმართულებით.


„პარლამენტი არის აქტიური და მონდომებული იმისთვის, რომ ის პროგრამები, რომელსაც სახელმწიფო ახორციელებს, რთულად კი არ იყოს ქალებისთვის ხელმისაწვდომი, არამედ იყოს გახსნილი, ღია და მომართული იმისკენ, რომ დაეხმაროს და ხელი შეუწყობს რაც შეიძლება მეტი ქალი ჩართოს ამ პროგრამებში,“ - აღნიშნა თამარ ჩუგოშვილმა.


ჩუგოშვილის განმარტებით, ქალების ეკონომიკურ გაძლიერების საკითხზე მუშაობისას, ყურადღება ასევე გამახვილდა პროფესიულ გადამზადებაზე:


„პროფესიული გადამზადების კვლევა აჩვენებს, რომ თუ სწორად არის გამართული პროგრამები, მაშინ დასაქმების მაჩვენებელი არის ძალიან მაღალი - 60%-ზე მეტი და ძალიან ბევრი ქალი, რომელიც გადამზადებას გადის, შემდეგ სამსახურს შოულობს“.


ფორუმზე სიტყვით გამოსვლისას, პარლამენტის თავმჯდომარის პირველმა მოადგილემ განაცხადა, რომ დაგეგმილია შრომის კოდექსში ცვლილებების შეტანა, რომელიც ქალებისთვის კერძო სექტორში გარემოს უფრო ხელსაყრელს გახდეს.


მან ასევე ისაუბრა სექსუალური შევიწროების შესახებ განხორციელებულ საკანონმდებლო ცვლილებებზე, რომლის ინიციატორიც პარლამენტის გენდერული თანასწორობის საბჭოა.


საქართველოს საკრებულოს წევრ ქალთა ფორუმის მეექვსე ყოველწლიური კონფერენციის სადისკუსიო პანელში - „ქალებისა და ახალგაზრდების ეკონომიკური გაძლიერება ადგილობრივ დონეზე“  მონაწილეობა მიიღო პარლამენტის გენდერული თანასწორობის საბჭოს წევრმა, ნინო წილოსანმაც, რომელმაც ისაუბრა საბჭოს მიერ განხორციელებული თემატური მოკვლევის - „ქალთა ხელმისაწვდომობა სახელმწიფო ეკონომიკურ პროექტებზე” ძირითად მიგნებებსა და რეკომენდაციებზე.


დავით ზალკალიანმა გაეროს უმაღლეს კომისართან ოკუპირებულ რეგიონებში არსებული მდგომარეობა განიხილა

საქართველოს საგარეო საქმეთა მინისტრი დავით ზალკალიანი ლტოლვილთა საკითხებში გაეროს უმაღლეს წარმომადგენელს ფილიპო გრანდის შეხვდა.

მიხეილ ჩხენკელმა პროფესორ ლეშეკ ბალცეროვიჩს თსუ-ს საპატიო დოქტორის წოდების მინიჭება მიულოცა

ივანე ჯავახიშვილის სახელობის თბილისის სახელმწიფო უნივერსიტეტში პროფესორ ლეშეკ ბალცეროვიჩს საპატიო დოქტორის წოდება მიენიჭა.

ტექნიკური უნივერსიტეტის მაგისტრანტი ქართველ სტუდენტებს გერმანიაში საზაფხულო დასაქმების პროექტს სთავაზობს

საქართველოს ტექნიკური უნივერსიტეტის ბიზნესტექნოლოგიების ფაკულტეტის სტუდენტები,  რომლებმაც „პროფესიული განათლების განვითარებისა და დასაქმების ცენტრი“ დააფუძნეს, საქართველოში აკრედიტირებულ სხვადასხვა უნივერსიტეტის სტუდენტებს საზღვარგარეთ დასაქმებას  სთავაზობენ, - ამის შესახებ ინფორმაციას საქართველოს ტექნიკური უნივერსიტეტის საზოგადოებასთან ურთიერთობის დეპარტამენტი ავრცელებს.

WHO: ამ ეტაპზე კორონავირუსის გლობალური გავრცელების საფრთხე არ არსებობს

მსოფლიო ჯანდაცვის ორგანიზაციის გენერალური დირექტორი ტედროს ადჰანომ გებრეიესუსი აცხადებს, რომ იმ ქვეყნებში სადაც კორონავირუსული ინფექცია პირველად გამოვლინდა, უფრო მეტი კონტროლია საჭირო.

ლეშეკ ბალცეროვიჩს თსუ -ს საპატიო დოქტორის წოდება მიენიჭა

"ჩემთვის დიდი პატივია ამ უნივერსიტეტის საპატიო დოქტორობა. ორმაგად მნიშვნელოვანია ჩემთვის, რომ ეს ხდება საქართველოში, ვინაიდან, აქტიურად ვადევნებ თვალს საქართველოს თანამედროვე ისტორიას და დაინტერესებული ვარ იმ რეფორმებით, რაც ამ ქვეყანაში ხორციელდება",- განაცხადა  ე.წ. „შოკური თერაპიის“ ავტორმა, პოლონელმა ეკონომისტმა, სახელმწიფო მოღვაწემ და ვარშავის ეკონომიკის სკოლის პროფესორმა ლეშეკ ბალცეროვიჩმა. 

ფარავნის უღელტეხილზე ავტოტრანსპორტის მოძრაობა აკრძალულია

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი გზებზე არსებულ ვითარებასთან დაკავშირებით განცხადებას ავრცელებს.

სასოფლო-სამეურნეო კოოპერატივების განვითარებისთვის რეკომენდაციები მუშავდება

გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი აზიის სასოფლო-სამეურნეო კოოპერატივების განვითარების ინსტიტუტის (IDACA) სასოფლო-სამეურნეო კოოპერატივების განვითარების ექსპერტს, ტერუნუმა ჰიროშის და იაპონიის საერთაშორისო თანამშრომლობის სააგენტოს (JICA) წარმომადგენლებს შეხვდა.

ირაკლი ღარიბაშვილმა იუნკერების მემორიალი გვირგვინით შეამკო

თავდაცვის მინისტრმა ირაკლი ღარიბაშვილმა 1921 წლის თებერვალში საქართველოს დამოუკიდებლობისთვის ბრძოლებში დაღუპული იუნკერები კიდევ ერთხელ გაიხსენა.

დავით ზალკალიანი შვედ კოლეგას შეხვდა

საქართველოს საგარეო საქმეთა მინისტრი დავით ზალკალიანი გაეროს ადამიანის უფლებათა საბჭოს მაღალი სეგმენტის სესიის ფარგლებში შვედეთის საგარეო საქმეთა მინისტრს ან ლინდეს შეხვდა.

ირაკლი სესიაშვილი: ქვეყანა გააძლიერებს ძალისხმევას, რომ ნატო-ში გაწევრიანება დაჩქარდეს

პარლამენტის თავდაცვისა და უშიშროების კომიტეტის თავმჯდომარის ირაკლი სესიაშვილის განცხადებით, საქართველო გააძლიერებს ძალისხმევას, რომ ნატო-ში გაწევრიანება კიდევ უფრო დაჩქარდეს. 

ჩუმათელეთი-ხუნევის მონაკვეთზე მისაბმელიანი ავტოტრანსპორტის მოძრაობა აღდგა

ჩატარებული გაწმენდითი სამუშაოების შედეგად, ჩუმათელეთი-ხუნევის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგა.

საერთაშორისო სამეცნიერო გამოცემის გარეკანზე ტექნიკური უნივერსიტეტის ლოგო იქნება დატანილი

"საქართველოს ტექნიკური უნივერსიტეტის აკადემიურ პერსონალს, მაგისტრანტებსა და დოქტორანტებს, კონრად ადენაუერის ფონდის მიერ დაფინანსებულ საერთაშორისო სამეცნიერო გამოცემაში ნაშრომებისა და კვლევების გამოქვეყნების საშუალება ეძლევათ", - ამის შესახებ ინფორმაციას საქართველოს ტექნიკური უნივერსიტეტის საზოგადოებასთან ურთიერთობის დეპარტამენტი ავრცელებს.

 

ვოლსკი: ნატოს წევრობის გარდა, საქართველოს უსაფრთხოების სხვა გარანტია არ გააჩნია

პარლამენტის პირველი ვიცე-სპიკერი გია ვოლსკი ამერიკულ გამოცემა The Washington Times-ში გამოქვეყნებული სტატიას გამოეხმაურა, სადაც პრემიერ-მინისტრი გიორგი გახარია საქართველოს ნატო-ში გაწევრიანების მნიშვნელობაზე საუბრობს. 

პროკურორი: სასამართლომ სრულად გაიზიარა მტკიცებულებები და დადასტურებულად მიიჩნია მიხეილ კალანდიას მიერ განზრახ მკვლელობის ჩადენა ჯგუფურად

„სასამართლომ სრულად გაიზიარა მტკიცებულებები და დადასტურებულად მიიჩნია მიხეილ კალანდიას მიერ განზრახ მკვლელობის ჩადენა ჯგუფურად“, - ამის შესახებ მიხეილ კალანდიას საქმის პროკურორმა ბესიკ ქვარცხავამ სასამართლო სხდომის დასრულების შემდეგ განაცხადა.

გუდაური-კობის მონაკვეთზე მისაბმელიანი ავტოტრანსპორტის მოძრაობა აღდგა

ჩატარებული გაწმენდითი სამუშაოების შედეგად, გუდაური-კობის მონაკვეთზე მისაბმელიანი და ნახევრადმისაბმელიანი ავტოტრანსპრტის მოძრაობა აღდგა.

დევნილთა მინისტრის მოადგილემ და სააგენტოს დირექტორმა იუნკერთა მემორიალი გვირგვინით შეამკეს

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ გიორგი წოწკოლაურმა და დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორმა ბესარიონ სიმონიშვილმა კოჯორში, იუნკერთა მემორიალი გვირგვინით შეამკეს.

 

 

თენგიზ კალანდია: ჩემი შვილის დაპატიმრებაში ვისაც წვლილი მიუძღვის, ჯოჯოხეთში გავიყოლებ

ხორავას ქუჩის საქმეზე ბრალდებულ მიხეილ კალანდიას მამა თენგიზ კალანდია მის შვილთან დაკავშირებით საქალაქო სასამართლოს მიერ მიღებულ გადაწყვეტილებას პოლიტიკურ დაკვეთად აფასებს.

მიხეილ კალანდიას ძმა: ეჭიდაონ სტრასბურგს, საქართველოში სამართალი არ არსებობს

ხორავას ქუჩის საქმეზე ბრალდებული მიხეილ კალანდია სასამართლომ დამნაშავედ სცნო და 11 წლითა და 3 თვით თავისუფლების აღკვეთა მიუსაჯა. მისი ძმის ლუკა კალანდიას განცხადებით ისინი საქმეს სტრასბურგის სასამართლოში გაასაჩივრებენ.

კორონავირუსი - არსებობს თუ არა პანდემიის საფრთხე

გასულ კვირას, მსოფლიოს მასშტაბით, კორონავირუსით ინფიცირებულთა რიცხვი მკვეთრად გაიზარდა. ჩინეთში დღემდე 77 000 ადამიანი დაინფიცირდა, რომელთაგან 2 600 გარდაიცვალა.

გომი-საჩხერე-ჭიათურა-ზესტაფონის გზაზე ავტოტრანსპორტის მოძრაობა თავისუფალია

საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტი გზებზე არსებულ ვითარებასთან დაკავშირებით განცხადებას ავრცელებს.

 

საქართველოს ეროვნული ლატარია „დინამო სოხუმის“ პარტნიორი გახდა

ხელი მოეწერა საქართველოს ეროვნულ ლატარიასა და „დინამო სოხუმს“ შორის თანამშრომლობის მემორანდუმს, რომლის ფარგლებშიც კომპანია კლუბის მიმართ ფინანსური მხარდაჭერის ვალდებულებას იღებს.