თამარ ხულორდავა შრომის უფლებების კანონპროექტს განმარტავს

პარლამენტის ევროპასთან ინტეგრაციის კომიტეტის თავმჯდომარე თამარ ხულორდავა აცხადებს, რომ საქართველოს  შრომის უფლებების დაცვის კუთხით, უდიდესი ჩამორჩენა  აქვს და  აღნიშნული სფეროს რეგულირება მოქალაქეების დასაცავად არის აუცილებელი.

ამის შესახებ ხულორდავა სოციალურ ქსელში წერს, სადაც შრომის კოდექსში მოსალოდნელ ცვლილებებთან დაკავშირებით შექმნილ ვითარებას ეხმაურება.


ამასთან, დეპუტატის განმარტებით, საერთაშორისო ორგანიზაციები და პარტნიორები საქართველოში ამ მხრივ არსებული მდგომარეობის სასწრაფოდ გამოსწორების აუცილებლობაზე ამახვილებენ ყურადღებას.


„ერთ ამბავი ატყდა კანონპროექტზე შრომის უფლებების თაობაზე, რომელიც ჯერ დამუშავების პროცესშია და ინიცირებულიც კი არ არის პარლამენტში. მინდა, განვმარტო რაშია საქმე: ქვეყანაში გვაქვს უდიდესი ჩამორჩენა შრომის უფლებების დაცვის კუთხით. 21-ე საუკუნეში ადამიანები არიან ექსპლუატირებული, სწორედ იმის გამო, რომ ჩვენნაირი ეკონომიკის მქონე ქვეყანაში სამუშაოს პოვნა რთულია და დასაქმებულები პრაქტიკულად ყველაფერს თანხმდებიან, ოღონდ სამსახური ჰქონდეთ, არაკეთილსინდისიერი ბიზნესი კი, სამწუხაროდ სარგებლობს ამ მდგომარეობით.


ამ სფეროს რეგულირება საჭიროა ჩვენი მოქალაქეების დასაცავად. ამავე დროს, პროექტის მიზანი არ არის არაგონივრული შეზღუდვების დაწესება. მისი მიზანია თანამედროვე, ცივილიზებული შრომითი ურთიერთობების დამკვიდრება, მოქალაქეების ექსპლუატაციისგან და იძულებითი შრომისგან დაცვა.


არ დარჩა საერთაშორისო ორგანიზაცია თუ პარტნიორი ვინც არ მიგვითითებს ამ მდგომარეობის სასწრაფოდ გამოსწორების აუცილებლობაზე. ასეთია სახალხო დამცველი, ევროსაბჭო, ევროკომისია, ევროპარლამენტი, შრომის საერთაშორისო ორგანიზაცია, ამერიკელი პარტნიორები. ამ თემას მწვავე ანგარიში და რეკომენდაციები ჰქონდა ცოტა ხნის წინ ორგანიზაციას  Human rights Watch“, – წერს თამარ ხულორდავა.


დეპუტატი ამბობს, რომ შრომითი უფლებების აღსრულება, სამუშაო დრო, დისკრიმინაციის აღმოფხვრა, დამსაქმებელსა და დასაქმებულს შორის ურთიერთობის განჭვრეტადობის, თანასწორი და სამართლიანი პირობების უზრუნველყოფა, დასაქმებულებთან კონსულტაცია და სხვა საკითხები მოწესრიგებას საჭიროებს.


ამასთან, თამარ ხულორდავას განმარტებით, რეგულაციებთან დაკავშირებით ბიზნესის კრიტიკული პოზიცია არ აკვირვებს. თუმცა, ხულორდავა მიიჩნევს, რომ კეთილსინდისიერ ბიზნესს დაჩაგრული თანამშრომელი არ შეიძლება, მოსწონდეს.


„სწორედ ამ მიზნით მიმდინარეობს მუშაობა პარლამენტში ყველა დაინტერესებული მხარის – სახელმწიფო ინსტიტუტების, ექსპერტების, სამოქალაქო საზოგადოების, ბიზნეს ასოციაციების ჩართულობით. ის, რის ირგვლივაც ატყდა აჟიოტაჟი, არის არა კანონის პარლამენტში განსახილველი ვერსია, არამედ პირველადი ვერსია, რომელზეც გრძელდება მუშაობა.


არ არის გასაკვირი, რომ ბიზნესი არ იწონებს რეგულაციებს, რომლებიც მიზნად ისახავს შრომითი ურთიერთობების რეგულირებას. ნებისმიერ ჩარევას აუცილებლად ექნება გავლენა ბიზნესზე, მაგრამ ეს იქნება  მინიმალური ზეგავლენა, რაც აუცილებელია მოქალაქეების ღირსეული შრომითი უფლებების უზრუნველსაყოფად.


ამავე დროს, კეთილსინდისიერ ბიზნესს არ შეიძლება, მოსწონდეს დაჩაგრული თანამშრომელი“, – აღნიშნავს თამარ ხულორდავა.


დეპუტატი იმედოვნებს, რომ პროცესის დისკრედიტაციის მცდელობა შეწყდება და შესაძლებელი იქნება სამართლიანი და დაბალანსებული კანონის მიღება,


„მესმის, ხელისუფლების წარმომადგენლების პოზიციების დაცვა გმირობას მოითხოვს, მაგრამ იმედი მაქვს, ის ორგანიზაციები, რომლებსაც ჭეშმარიტად აღელვებთ საქართველოს უკეთესი მომავალი, ადამიანის უფლებები და ევროპული ინტეგრაცია ამ პროცესში შრომის უფლებების მხარეს დადგებიან“, – აცხადებს თამარ ხულორდავა.


შრომის კოდექსში შესატანი ცვლილებათა პროექტის ინიციატორმა, დეპუტატმა დიმიტრი ცქიტიშვილმა დაგეგმილ ცვლილებებთან დაკავშირებით გუშინ ინფორმაცია  გაავრცელა, სადაც განმარტა, რომ კანონპროექტი არ კრძალავს რამდენიმე ადგილზე მუშაობას, არამედ უკრძალავს დამსაქმებელს, რომ დასაქმებულს დადგენილზე და შეთანხმებულზე მეტი დროით მუშაობა აიძულოს.


ჯანდაცვის მინისტრი: პაციენტს, რომელსაც კორონავირუსი დაუდგინდა, ამ ეტაპზე, საფრთხე არ ემუქრება

პაციენტი, რომელსაც კორონავირუსი დაუდასტურდა, საბაჟოდან პირდაპირ გადაიყვანეს სამედიცინო დაწესებულებაში, მას საქართველოს სხვა მოქალაქეებთან არანაირი კომუნიკაცია და შემხებლობა არ ჰქონია,- ამის შესახებ ჯანდაცვის მინისტრმა ეკატერინე ტიკარაძემ საგანგებო ბრიფინგზე განაცხადა.

კორონავირუსთან დაკავშირებით საგანგებო ჯგუფი შეიქმნა

პრემიერ-მინისტრის გიორგი გახარიას განცხადებით, ქვეყანაში კორონავირუსის პირველივე შემთხვევის დაფიქსირებისთანავე საგანგებო უწყებათაშორისი საკოორდინაციო ჯგუფი შეიქმნა. 

ამირან გამყრელიძე: მთავარი რეკომენდაციაა შევზღუდოთ მიმოსვლა იმ ქვეყნებში, სადაც კორონავირუსი დადასტურდა

დაავადებათა კონტროლის ეროვნული ცენტრის ხელმძღვანელმა ამირან გამყრელიძემ საზოგადოებას კორონავირუსისგან თავდაცვის რეკომენდაციები მიაწოდა.

საქართველოში კორონავირუსის პირველი შემთხვევა დაფიქსირდა

საქართველოში კორონავირუსის პირველი შემთხვევა დაფიქსირდა. ამის შესახებ ჯანდაცვის მინისტრმა ეკატერინე ტიკარაძემ საგანგებო ბრიფინგზე განაცხადა.

კორონავირუსზე საეჭვო პაციენტებს აბასთუმნის ფილტვის ცენტრშიც შეამოწმებენ

პირებს, რომლებსაც ახალი კორონავირუსის სიმპტომები აქვთ, გამოკვლევები შესაძლოა, აბასთუმნის ფილტვის ცენტრში ჩაუტარდეთ.

მარინა ეზუგბაია: დაკვირვების ქვეშ მყოფ არც ერთ პაციენტს ტემპერატურა არ აღენიშნება

ინფექციური საავადმყოფოს სამედიცინო დირექტორის მარინა ეზუგბაიას განცხადებით, კლინიკაში მოთავსებული 14 პაციენტიდან არც ერთს დღეს ტემპერატურა არ აღენიშნება. 

ალექსანდრე ხვთისიაშვილმა იტალიის ელჩთან კორონავირუსის საკითხი განიხილა

საგარეო საქმეთა მინისტრის მოადგილემ ალექსანდრე ხვთისიაშვილმა შეხვედრა გამართა საქართველოში იტალიის საგანგებო და სრულუფლებიან ელჩთან ენრიკო ვალვოსთან.

თსუ-ს სტუდენტები აფხაზეთის ავტონომიური რესპუბლიკის უმაღლეს საბჭოში დასაქმდებიან

ივანე ჯავახიშვილის სახელობის თბილისის სახელმწიფო უნივერსიტეტსა და აფხაზეთის უმაღლეს საბჭოს შორის თანამშრომლობის მემორანდუმი გაფორმდა.

ყაზახეთში საქართველოს ელჩი ყირგიზეთის საგარეო საქმეთა მინისტრს შეხვდა

საქართველოს საგანგებო და სრულუფლებიანი ელჩი ყაზახეთის რესპუბლიკაში ზურაბ აბაშიძე ყირგიზეთში ჩავიდა, სადაც საგარეო საქმეთა მინისტრ ჩინგიზ აიდარბეკოვთან გამართა შეხვედრა.

ფინანსთა მინისტრი: სტრუქტურული გაუმჯობესების კუთხით ბოლო წლებში მნიშვნელოვანი ნაბიჯები გადავდგით

"სტრუქტურული გაუმჯობესების კუთხით ბოლო წლებში მნიშვნელოვანი ნაბიჯები გადავდგით", - განაცხადა ფინანსთა მინისტრმა ივანე მაჭავარიანმა ეკონომიკურ კონფერენციაზე - "საქართველო და მსოფლიო 2020 წელს".

ივანე მაჭავარიანი: ჩვენ უნდა გვქონდეს ძლიერი ინსტიტუციები და პასუხისმგებლიანი ეკონომიკური პოლიტიკა

“ჩვენ უნდა გვქონდეს ძლიერი ინსტიტუციები და პასუხისმგებლიანი ფისკალური პოლიტიკა”, - განაცხადა ფინანსთა მინისტრმა, ივანე მაჭავარიანმა ეკონომიკურ კონფერენციაზე „საქართველო და მსოფლიო 2020 წელს“ გამართული დისკუსიის დროს.

ქუთაისის აეროპორტში ნარკოტიკული და ფსიქოტროპული ნივთიერებების შემცველი მედიკამენტები გამოავლინეს

საბაჟო გამშვებ პუნქტში, "ქუთაისის აეროპორტი"  ეჭვის საფუძველზე, საქართველოსა და უცხო ქვეყნების მოქალაქეების კუთვნილი ბარგისა და ხელბარგის დათვალიერების შედეგად, ნარკოტიკული (ჯამში, 267 აბი და 83 კაფსულა) და ფსიქოტროპული (ჯამში, 63 კაფსულა)  ნივთიერებების შემცველი მედიკამენტები გამოავლინეს.

ნათია თურნავა: ტურიზმი ჩვენი ეკონომიკის განვითარებაში ძალიან აქტიურადაა ჩართული

„ტურიზმი ერთ-ერთ მნიშვნელოვან დარგად იქცა ბოლო წლებში, რომელიც ჩვენი ეკონომიკის განვითარებაში ძალიან აქტიურადაა ჩართული, იგი მეტ ინკლუზიურობას წარმოშობს“.

ოთარ გრიგოლია თბილისის მერის ინიციატივას დადებითად აფასებს

თბილისის საკრებულოს ქონების მართვის და საფინანსო-საბიუჯეტო კომისიის თავმჯდომარე ოთარ გრიგოლია თბილისის მერის ინიციატივას, რომელიც დედაქალაქის ეკოლოგიური მდგომარეობის გაუმჯობესებას და სამშენებლო ნორმების დაცვას ითვალისწინებს, დადებითად აფასებს.

კარლ ჰარცელი: საქართველოში მცირე და საშუალო ბიზნესის კლასტერიზაცია ხელს შეუწყობს ევროპის ბაზარზე გასვლას

ეკონომიკურ კონფერენციაზე-„საქართველო და მსოფლიო 2020“ ევროკავშირის ელჩმა საქართველოში კარლ ჰარცელმა მიმდინარე და დაგეგმილი პროექტების შესახებ ისაუბრა, რომელსაც საერთაშორისო საფინანსო ორგანიზაციები ახორციელებენ.

ვოლვო ქარსმა  S90-ის და V90-ის განახლებული მოდელები წარმოადგინა

ვოლვო ქარსმა მომხმარებლებს S90 სედანის და V90 Cross Country-ის უნივერსალი მოდელების განახლებული ვერსიები წარუდგინა, რომლებიც ექსტერიერის დახვეწილ დიზაინს და სრულად ახალ, ყველაზე თანამედროვე ხმის სისტემას Bowers and Wilkins-ს აერთიანებენ.

სებასტიან მოლინეუსი: საქართველოში ბიზნეს და საინვესტიციო კლიმატი კიდევ უფრო უმჯობესდება

ეკონომიკურ კონფერენციაზე-„საქართველო და მსოფლიო 2020“ სამხრეთ კავკასიაში მსოფლიო ბანკის რეგიონულმა დირექტორმა სებასტიან მოლინეუსმა საქართველოში მიმდინარე რეფორმები და ბიზნესგარემო შეაფასა.

კარლ ჰარცელი: DCFTA ზრდის საქართველოს კონკურენტუნარიანობას და გლობალურ ბაზრებზე წვდომის შესაძლებლობას

ევროკავშირის ელჩმა საქართველოში  ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) მნიშვნელობაზე ვრცლად ისაუბრა თბილისში გამართულ ეკონომიკურ კონფერენციაზე „საქართველო და მსოფლიო 2020“.

მაია ცქიტიშვილი: ბალცეროვიჩი სრულად იზიარებს იმ ლიბერალურ-ეკონომიკურ პოლიტიკას, რომელსაც ჩვენი მთავრობა ახორციელებს

"მნიშვნელოვანი და პატივსაცემი სტუმარია ჩამოსული, ბატონი ბალცეროვიჩი ერთ-ერთ უდიდესი რეფორმატორია და ძალიან მნიშვნელოვანია მისი შეფასება, რომ სრულად იზიარებს იმ ლიბერალურ-ეკონომიკურ პოლიტიკას, რომელსაც წლების განმავლობაში ჩვენი მთავრობა ახორციელებს, - ამის შესახებ ვიცე-პრემიერმა მაია ცქიტიშვილმა ეკონომიკური კონფერენციის „საქართველო და მსოფლიო 2020 წელს“ დასრულების შემდეგ განაცხადა.

ლარი 0.18 თეთრით გამყარდა

26 თებერვლის ვაჭრობის შედეგად აშშ დოლარი გაუფასურდა და 2.7928 ლარი შეადგინა. კურსი, რომელიც დღეს მოქმედებდა, 2.7946 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.18 თეთრი შეადგინა. 

საგადასახადო მონიტორინგის დეპარტამენტმა 328 კგ უაქციზო თუთუნი ამოიღო

შემოსავლების სამსახურის თანამშრომლებმა ლანჩხუთში, ოზურგეთში და ჩოხატაურში, აქციზური მარკის სავალდებულო ნიშანდებას დაქვემდებარებული საქონლის-ასაწონი თუთუნის (ჯამში, 328 კგ) აქციზური მარკის გარეშე შენახვა/რეალიზაციის ფაქტები გამოავლინეს.