ირაკლი კობახიძე: ერთ-ერთი მთავარი მონაპოვარი, რაც 2012 წლის შემდეგ გვაქვს, არის პასუხისმგებლობა იმ ქმედებების მიმართ, რომლებსაც ხელისუფლება ახორციელებს

„ქართული ოცნების“ აღმასრულებელი მდივანი ირაკლი კობახიძე აცხადებს, რომ 20 ივნისის მოვლენებზე პასუხისმგებლობის აღება და პარლამენტის თავმჯდომარის პოსტიდან გადადგომა მისი ძლიერი მხარე იყო.

ამის შესახებ ირაკლი კობახიძემ ტვ „იმედის“ ტოქშოუ „SWOT ანალიზში“ განაცხადა.


მისი თქმით, ეს გადაწყვეტილება მნიშვნელოვანი იყო სხვადასხვა, პირველ რიგში, პოლიტიკური კულტურის განვითარების კუთხით.


„ერთმნიშვნელოვნად იყო ძლიერი მხარე. პრაქტიკულად გადაწყვეტილება 20 ივნისს იყო მიღებული, თუმცა, საზოგადოებამ ამის თაობაზე 21 ივნისს შეიტყო. ეს გადაწყვეტილება სხვადასხვა კუთხით იყო მნიშვნელოვანი. პირველ რიგში იმ კუთხით, რომ ამით ჩვენ რაღაც წვლილი შევიტანეთ პოლიტიკური კულტურის განვითარებაში. პოლიტიკური კულტურა, რომელიც 2012 წლამდე ფსკერის დონეზე იყო, თანდათანობით ვითარდება და ბოლო წლების განმავლობაში ამის არაერთი მაგალითი ვიხილეთ“, - განაცხადა ირაკლი კობახიძემ.


კობახიძემ გირგვლიანის საქმე და 2008 წლის ომის მოვლენები გაიხსენა და განაცხადა, რომ მაშინდელ ხელისუფლებას არც კი უფიქრია გადადგომაზე და რომ არა პოლიტიკაში ბიძინა ივანიშვილის მოსვლა, ისინი არაერთი წლის განმავლობაში შეძლებდნენ ხელისუფლებაში დარჩენას.


„წარმოიდგინეთ, რომ ხარ ხელისუფლებაში, გამოდიხარ ეიფორიიდან და უცბად აცნობიერებ, რომ შენს ნაბიჯებს, შენს პოლიტიკას შენს მოქმედებებს შედეგად მოჰყვა საქართველოს ტერიტორიის 20 პროცენტის ოკუპაცია, ასეულობით სოფლის დაკარგვა, ასეულობით ადამიანის დაღუპვა, რაც არანაკლებ მძიმეა, ვიდრე რუსეთის ფედერაციის მიერ ტერიტორიის 20 პროცენტის ოკუპაცია, 30 000 დევნილი, რომელიც საკუთარ სახლში ვეღარ ცხოვრობს, აცნობიერებ, რომ ეს ყველაფერი მოჰყვა შენს ნაბიჯებს და შენს პოლიტიკას. არცერთ ადამიანს შემდეგი 4 წლის განმავლობაში - 2008 წლიდან 2012 წლამდე არც კი უფიქრია გადადგომაზე, არათუ არ უფიქრიათ, პოლიტიკაში ბიძინა ივანიშვილი რომ არ შემოსულიყო და არ შეეცვალა ხელისუფლება, დემოკრატიული გარდატეხის შემოტანა პოლიტიკურ პროცესებში, ისინი კიდევ არაერთი წლის განმავლობაში შეძლებდნენ ხელისუფლებაში დარჩენას. გირგვლიანის საქმე არის ამის არაჩვეულებრივი მაგალითი. ჯერ ახალგაზრდა ადამიანი მოკლეს ხელისუფლების წარმომადგენლებმა, შემდეგ მისი დედა ირინა ენუქიძე სიკვდილამდე მიიყვანეს, სწორედ მათი გააზრებული ნაბიჯების შედეგად მოხდა ეს ყველაფერი და არცერთ ადამიანს არ უფიქრია ამის შემდეგ გადადგომა. ეს იყო პოლიტიკური კულტურა ბრჭყალებში 2012 წლამდე“, - განაცხადა ირაკლი კობახიძემ.


მისი თქმით, „ერთ-ერთი მთავარი მონაპოვარი, რაც 2012 წლის შემდეგ გვაქვს, არის სწორედ პასუხისმგებლობა იმ ქმედებების მიმართ, რომელსაც ხელისუფლება ახორციელებს“.


„შეიძლება იდეალურ მოცემულობამდე არ ვართ მისული, მაგრამ კულტურა რომ რადიკალურად ამაღლებული და შეცვლილია, ეს დღესავით ნათელია. ეს აჩვენა თუნდაც იმ მოვლენებმა, რომლებიც დაკავშირებული იყო მთავარი პროკურორის გადადგომასთან, ჯერ არც კი იყო საკითხი შესწავლილი, უკვე ეჭვი გახდა საფუძველი იმისა, რომ ირაკლი შოთაძემ გადადგომის თაობაზე პრინციპული გადაწყვეტილება მიიღო. იქ იყო შემდგარი დანაშაული, უმძიმესი დანაშაული, როგორც ერთ, ისე მეორე შემთხვევაში და არავის უფიქრია გადადგომა. აქ უკვე ეჭვი გახდა საფუძველი. ეს არის ეგრეთ წოდებული კეისრის ცოლის პრინციპი, რაც ნიშნავს იმას, რომ კეისრის ცოლი არა მარტო უპატიოსნო არ უნდა იყოს, არამედ მის პატიოსნებაში ეჭვიც არავის უნდა ეპარებოდეს. ამ პრინციპით მოქმედებს დღეს ხელისუფლება და ცდილობს, ეს პრინციპი ბოლომდე დაამკვიდროს.


სწორედ ამის გამოხატულება იყო ის გადაწყვეტილება, რომელიც მე მივიღე. მეც მინდოდა ჩემი წვლილი შემეტანა იმ პოლიტიკური კულტურის განვითარებაში, რომელიც ასე სჭირდება ჩვენს სახელმწიფოს და კულტურას, თორემ პირდაპირ შემიძლია ვთქვა, ეს ყველაფერი გადაგორებადი იყო, რომ ჩავჭიდებოდი სკამს და ჩემი გუნდიც რომ ჩასჭიდებოდა სკამს. საბოლოო ჯამში, ეს გადაწყვეტილება გუნდისთვისაც იყო ნაკლოვანებების შემცველი, იმიტომ რომ ნებისმიერი გადადგომა შეიძლება სისუსტედაც იყოს აღქმული საზოგადოების მხრიდან, ამიტომ ერთმნიშვნელოვანი ყოველთვის არ არის ხოლმე პოლიტიკური რენტაბელობის კუთხით ასეთი ტიპის გადაწყვეტილებები. თუმცა, აქ ყველაზე მაღლა ჩვენ უნდა დაგვეყენებინა პოლიტიკური განვითარების ინტერესი და აქ მნიშვნელოვანი იყო პასუხისმგებლობის აღება“, - განაცხადა ირაკლი კობახიძემ.


მისი თქმით, სხვადასხვა ვარიანტიც განიხილებოდა, მაგალითად, უფლებამოსილების შეჩერება კომისიის შექმნის პირობით და კომისია ძალიან მარტივად დაადგენდა, რომ რეალურად განზრახვა არ იყო იმის, რომ გავრილოვი ჩამჯდარიყო იმ სკამში.


„დარწმუნებული ვარ, რომ ასეც კი არ იმოქმედებდა წინა ხელისუფლება, ასეთი დილემა რომ დამდგარიყო. ჩვენთვის მნიშვნელოვანი იყო პოლიტიკური კულტურის ჩვენება და სწორედ ამის გამოხატულება იყო ის გადაწყვეტილება, რომელიც ჩვენ მივიღეთ. შესაბამისად, ბუნებრივია, ეს გადაწყვეტილება ერთმნიშვნელოვნად შეიძლება შეფასდეს, როგორც ძლიერი მხარე და მნიშვნელოვანია, რომ სწორედ ასეთი მაღალი ხარისხის პასუხისმგებლობით გააგრძელოს საქართველოში ყველა ხელისუფლებამ მუშაობა, - განაცხადა კობახიძემ.


უზბეკეთის ვიცე-პრემიერი: გვინდა შევისწავლოთ საქართველოს გამოცდილება ტურიზმის კუთხით

"ჩემთვის მნიშვნელოვანია საქართველოში ვიზიტი, ვინაიდან ამ ქვეყანასთან ტრადიციულად მეგობრული და საქმიანი ურთიერთობა გვაკავშირებს".

გლდანში გაზსადენის დაზიანების გამო 350 აბონენტს გაზმომარაგება შეუწყდა

„გლდანში გაზსადენის დაზიანების გამო 350 აბონენტს გაზმომარაგება შეუწყდა“, - ამის შესახებ „თბილისი ენერჯის“ მიერ გავრცელებულ განცხადებაშია ნათქვამი.

ნათია თურნავა: უზბეკეთი ისწრაფვის დივერსიფიკაციისკენ და საქართველო თავისი გეოპოლიტიკური მდებარეობით ამ საშუალებას აძლევს

საქართველოს ეკონომიკისა და მდგრადი განვითარების მინისტრი ნათია თურნავა უზბეკეთის პრემიერ-მინისტრის მოადგილე ელიორ განიევს შეხვდა და მასთან ქვეყნებს შორის სავაჭრო-ეკონომიკური ურთიერთობების საკვანძო საკითხები განიხილა.

გიორგი გახარია უზბეკეთის ვიცე პრემიერ-მინისტრს შეხვდა

საქართველოს პრემიერ-მინისტრი გიორგი გახარია უზბეკეთის ვიცე პრემიერ-მინისტრ ელიორ განიევს შეხვდა.

გიორგი გახარია ყატარის ტრანსპორტისა და კომუნიკაციების მინისტრს შეხვდა

საქართველოს პრემიერ-მინისტრი გიორგი გახარია ყატარის ტრანსპორტისა და კომუნიკაციების მინისტრ ჯასიმ საიფ აჰმედ ალ სულაითს შეხვდა.

თსუ-ს საკალათბურთო გუნდის წარმომადგენელთა დაჯილდოება გაიმართა

დუდუ დადიანის მემორიალური თასის 2019 წლის მფლობელის თსუ საკალათბურთო გუნდის წარმომადგენელთა დაჯილდოება გაიმართა ივანე ჯავახიშვილის სახელობის თბილისის სახელმწიფო უნივერსიტეტში.

შემოსავლების სამსახურის თანამშრომლებმა საგადასახადო სამართალდარღვევის 330 ფაქტი გამოავლინეს

ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის მიერ, ქვეყნის მასშტაბით განხორციელებული მიმდინარე კონტროლის ღონისძიების შედეგად, საგადასახადო სამართალდარღვევის 330 ფაქტი გამოვლინდა.

ქუთაისის აეროპორტში ნარკოტიკული და ფსიქოტროპული ნივთიერებების შემცველი მედიკამენტები აღმოაჩინეს

ფინანსთა სამინისტროს შემოსავლების სამსახურის მებაჟე ოფიცრებმა, საბაჟო გამშვებ პუნქტში ეჭვის საფუძველზე, სხვადასხვა ქვეყნის მოქალაქეების კუთვნილი ბარგის დათვალიერებისას  ნარკოტიკული საშუალებები ამოიღეს.

 
მებაჟე ოფიცრებმა არადეკლარირებული სიგარეტი გამოავლინეს

15-21 ოქტომბერს, საბაჟო გამშვებ პუნქტებში: „წითელი ხიდი“ და „სარფი“, სიგარეტის
კანონდარღვევით შემოტანის მცდელობის ფაქტები აღიკვეთა.

მხატვარ-დიზაინერის, მაკა ჯიშკარიანის პირველი პერსონალური გამოფენა იხსნება

21 ოქტომბერს, 19:00 თბილისში, ფოლკლორის ცენტრში, გაიხსნება მხატვარ- დიზაინერის, მაკა ჯიშკარიანის პირველი პერსონალური გამოფენა. მაკა ჯიშკარიანი ოთხმოცდაათიანელების წარმომადგენელია.

ნათია თურნავა: მთავრობამ კიდევ ერთი და მე ვიტყოდი, ბოლო შანსი მისცა კონსორციუმს და ანაკლიის ინვესტორებს

ეკონომიკისა და მდგრადი განვითარების მინისტრმა ნათია თურნავამ ჟურნალისტებთან საუბრისას განაცხადა, რომ მთავრობამ კიდევ ერთი და მე ვიტყოდი, ბოლო შანსი მისცა კონსორციუმს და ანაკლიის ინვესტორებს.

სოსო ფხაკაძე: პრემიერისგან მივიღე დაპირება, რომ არცერთი ახალი რეგულაციის შემოღება, რომელიც პირდაპირ კავშირშია ბიზნესთან და ეკონომიკასთან ჩვენთან კონსულტაციების, აზრთა შეჯერების გარეშე არ მოხდება

"პირველ რიგში მინდა აღვნიშნო, რომ ნამდვილად საინტერესო შეხვედრა იყო, იმიტომ რომ ძალიან ღია დისკუსია იყო. შევეხეთ ძალიან ბევრ თემას და პრემიერი ცდილობდა ყველა შეკითხვაზე ამომწურავი პასუხი გაეცა“.

ამირან სალუქვაძე: უკვე მარაზმში გადადის, რასაც თვითმარგინალიზაცია ჰქვია

„უკვე მარაზმში გადადის, რასაც თვითმარგინალიზაცია ჰქვია“, - ამ სიტყვებით ექსპერტი ამირან სალუქვაძე საზოგადოებრივი მოძრაობა „ლელოს“ დამფუძნებლის, მამუკა ხაზარაძის ადვოკატის ზვიად კორძაძის განცხადებას სოციალურ ქსელში ეხმაურება.

პაშა ბანკის ახალი სათავო ოფისი „აქსის თაუერსში“

პაშა ბანკის სათავო ოფისმა ახალ მისამართზე - „აქსის თაუერსში“, ილია ჭავჭავაძის გამზ. 37მ-ში გადაინაცვლა.

ფონდ „ქართუს“ დაფინანსებით, წეროსხევის ღვთისმშობლის ტაძრის რესტავრაცია დასრულდა

გორის მუნიციპალიტეტში, წეროსხევის ღვთისმშობლის სახელობის ტაძრის რესტავრაცია დასრულდა.

თბილისში, კაზინოში გაზის გაჟონვის შედეგად 5 გოგო მოიწამლა 

გლდანში "ბეთლაივის" ერთ-ერთი კაზინოდან, სავარუდოდ, გაზით ინტოქსიკაციის გამო 5 გოგო კლინიკაში გადაიყვანეს. ცნობილია, რომ მათი ჯანმრთელობის მდგომარეობა დამაკმაყოფილებელია.

მაია ცქიტიშვილი თბილისის აბრეშუმის გზის ფორუმის მაღალი დონის პანელში მიიღებს მონაწილეობას

საქართველოს ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი  მონაწილეობას მიიღებს თბილისის აბრეშუმის გზის ფარგლებში გამართულ პირველ პანელში - „მაღალი დონის დიალოგი საერთო მომავლისთვის“.

საქართველოს პრეზიდენტი ტოკიოს მერს შეხვდა

საქართველოს პრეზიდენტმა სალომე ზურაბიშვილმა ტოკიოში სამუშაო ვიზიტის მიმდინარეობისას ტოკიოს მერთან შეხვედრა გამართა.

 
საქართველოსა და გაერთიანებულ სამეფოს შორის სტრატეგიული პარტნიორობის შეთანხმება გაფორმდა

საქართველოსა და გაერთიანებულ სამეფოს შორის სტრატეგიული პარტნიორობის შეთანხმება გაფორმდა.

დოკუმენტის “განათლება მდგრადი განვითარებისთვის სტრატეგიისა და სამოქმედო გეგმის” განხილვა გაიმართა

სსიპ გარემოსდაცვითი ინფორმაციისა და განათლების ცენტრის ორგანიზებით გაიმართა დოკუმენტის - “განათლება მდგრადი განვითარებისთვის სტრატეგიისა და სამოქმედო გეგმის” წარდგენა დაინტერესებულ მხარეებთან.

ნათია თურნავა: ენერგეტიკული რეფორმა სწორი მიმართულებით ვითარდება

"მიხარია, რომ დღეს მომეცა შესაძლებლობა, მონაწილეობა მიმეღო უმსხვილესი ინდუსტრიული ფლაგმანის "რუსთავის აზოტის" ახალი კონდენსაციური ელექტროსადგურის გახსნაში".