ტექნიკურ უნივერსიტეტში ჩინეთის სამეცნიერო კვლევითი ინსტიტუტი გაიხსნა

საქართველოს ტექნიკურ უნივერსიტეტში ჩინეთის სამეცნიერო კვლევითი ინსტიტუტი გაიხსნა,
რომელიც ჩინეთის სახალხო რესპუბლიკის სოციალურ მეცნიერებათა აკადემიისა და საქართველოს
ტექნიკური უნივერსიტეტის ერთობლივი ძალისხმევით დაფუძნდა.

უნივერსიტეტის პრესსამსახურის ინფორმაციით, ღონისძიებაში, რომელიც ტექნიკური უნივერსიტეტის ადმინისტრაციულ კორპუსში ჩატარდა, მონაწილეობა მიიღეს ჩინეთის სახალხო რესპუბლიკის საგანგებო და სრულუფლებიანმა ელჩმა საქართველოში ლი იანმა, "შოთა რუსთაველის საქართველოს ეროვნული სამეცნიერო ფონდის" გენერალურმა დირექტორმა ზვიად გაბისონიამ, დიპლომატიური კორპუსისა და ტექნიკური უნივერსიტეტის აკადემიური წრეების წარმომადგენლებმა.


როგორც ჩინეთის სამეცნიერო კვლევითი ინსტიტუტის ხელმძღვანელმა, ტექნიკური უნივერსიტეტის
პროფესორმა ჯემალ ფუტკარაძემ აღნიშნა, საქართველო აქტიურ  მონაწილეობას იღებს აბრეშუმის
გზის აღორძინების პროექტში და ამ მიმართულებით, ტექნიკურ უნივერსიტეტში ახლად დაარსებული ჩინეთის სამეცნიერო კვლევითი ინსტიტუტის მიზანი საქართველო-ჩინეთს შორის საგანმანათლებლო
და სამეცნიერო ურთიერთობების ხელშეწყობა და აკადემიური კავშირების გაძლიერებაა.


"ტექნიკური უნივერსიტეტი ერთ-ერთი უმსხვილესი საგანმანათლებლო დაწესებულებაა არა მხოლოდ საქართველოში, არამედ კავკასიაში. უნივერსიტეტში ჩინეთის სამეცნიერო კვლევითი ინსტიტუტის
დაარსება ჩვენი და ჩინეთის სოციალურ მეცნიერებათა აკადემიის ერთობლივი ინიციატივაცაა. ჩვენთვის დიდი პატივია ჩინეთთან თანამშრომლობა. ინსტიტუტი აქტიურად იმუშავებს ორ ქვეყანას შორის სტრატეგიული თანამშრომლობის ახალი პლატფორმის შემუშავებაზე, ასევე, ქართველი მეცნიერებისა და სტუდენტების გაცვლითი პროგრამების ამოქმედებაზე ჩინეთის სოციალურ მეცნიერებებათა აკადემიასა და აკადემიის შემადგენლობაში არსებულ ასზე მეტ ინსტიტუტში. ვფიქრობთ, ჩვენი თანამშრომლობა ნაყოფიერი და წარმატებული იქნება, როგორც სამეცნიერო ისე ეკონომიკური კუთხით", - განაცხადა ჯემალ ფუტკარაძემ.


ჩინეთის სახალხო რესპუბლიკის საგანგებო და სრულუფლებიანმა ელჩმა საქართველოში ლი იანმა ტექნიკური უნივერსიტეტის სამეცნიერო წრეებს კიდევ ერთი კვლევითი ინსტიტუტის დაარსება მიულოცა და საქართველოს ტექნიკური უნივერსიტეტისა და ჩინეთის სოციალურ მეცნიერებათა აკადემიის წარმომადგენლებს გაწეული შრომისთვის მადლობა გადაუხადა.


შეხვედრაზე ჩინეთის ელჩმა აღნოშნა, რომ მიღებული გადაწყვეტილება, მნიშვნელოვანია როგორც ჩინეთის სოციალურ მეცნიერებათა აკადემიის, ასევე, საქართველოს ტექნიკური უნივერსიტეტის მხრიდან.


"მოხარული ვართ, რომ შეიქმნა კვლევაზე ორიენტირებული აკადემიური ცენტრი, რომლის ანალოგიც საქართველოში აქამდე არ ყოფილა. მისი შექმნა მიზნად ისახავს ორ ქვეყანას შორის სხვადასხვა სფეროში თანამშრომლობის ახალ პერსპექტივებს. ჩინეთის სოციალურ მეცნიერებათა აკადემია სოციალურ მეცნიერებებში კვლევების ყველაზე ავტორიტეტული ინსტიტუტია ჩვენს ქვეყანაში, საქართველოს ტექნიკურ უნივერსიტეტს კი საკმაოდ დიდი ისტორია აქვს. შეიძლება ითქვას, რომ მხარეებს შორის შედგება დიდი მნიშვნელობის და ორმხრივ სარგებელზე დაფუძნებული თანამშრომლობა. მჯერა, რომ ერთობლივი ძალისხმევით, ჩინეთის სამეცნიერო კვლევითი ინსტიტუტი გააგრძელებს განვითარებას, ახალ სტანდარტს დააწესებს და გახდება აკადემიური კვლევების, ინფორმაციის გაცვლისა და ურთიერთვიზიტების განხორციელების პლატფორმა, ქართველი ხალხისთვის კი - ჩინეთის გაცნობის საუკეთესო საშუალება და ჩვენი ხალხების დამაკავშირებელი მეგობრობის ხიდი“, - განაცხადა ჩინეთის ელჩმა.


როგორც ჩინეთის სახალხო რესპუბლიკის სოციალურ მეცნიერებათა აკადემიის საერთაშორისო
ურთიერთობათა გენერალურმა მდივანმა, პროფესორმა ვანგ ლეიმ აღნიშნა, ჩინეთის სამეცნიერო კვლევითი ინსტიტუტის დაარსებას შორს მიმავალი მიზნები და ორმხრივი სოლიდური სარგებელი ექნება.


"დარწმუნებული ვართ, ჩვენი თანამშრომლობა ბევრ სიკეთეს მოუტანს მომავალ თაობებს. საქართველოსა და ჩინეთს შორის არსებობს პოზიტიური დამოკიდებულება. ჩინეთის სამეცნიერო კვლევითი ინსტიტუტის ჩამოყალიბება კიდევ ერთი ახალი არხია, რომელიც ხელს შეუწყობს ორ ქვეყანას შორის ურთიერთობების განვითარებას. ვინაიდან ინსტიტუტი საქართველოს ტექნიკურ უნივერსიტეტში დაარსდა, ეს ორივე მხარის სტუდენტებს საშუალებას მისცემს, უფრო მეტი კონტაქტი ჰქონდეთ ერთმანეთთან. ჩვენ გვქონდა სამუშაო შეხვედრა, სადაც განვიხილეთ სამომავლო გეგმები და განვსაზღვრეთ მთელი რიგი პერსპექტიული საკითხები, რომლებზეც ერთობლივად ვიმუშავებთ. მომავალი წლის დასაწყისში კი ეკონომიკური თანამშრომლობის საკითხებზე ერთობლივ კონფერენციას ჩავატარებთ. ვაპირებთ თანამშრომლობას ისეთ მნიშვნელოვან სფეროებში, როგორიცაა სოფლის მეურნეობა, ტურიზმი და ანტიკორუფციული პოლიტიკა. ვფიქრობთ, მომავალში ამ პროცესებში მონაწილეობას მიიღებენ მთავრობის წარმომადგენლები, არასამთავრობო სექტორი, მეტიც, ეს გასცდება საქართველოს ფარგლებს და მოიცავს მეზობელ ქვეყნებსაც. ვფიქრობთ, ჩვენ დავაფინანსებთ ერთობლივ სამეცნიერო კონფერენციებსა და პროექტებს, მივცემთ საქართველოს ტექნიკური უნივერსიტეტის სტუდენტებსა და მეცნიერებს საშუალებას, ეწვიონ ჩვენს ქვეყანას და ჩვენს უნივერსიტეტებს“, - განაცხადა პროფესორმა ვანგ ლეიმ.


ღონისძიების ფარგლებში ასევე მოეწყო ჩინეთის სახალხო რესპუბლიკის დაარსების 70 წლისადმი  მიძღვნილი საიუბილეო გამოფენა.


ჩინეთის კვლევების ინსტიტუტის გახსნის ღონისძიების დასრულების შემდეგ, ტექნიკურ უნივერსიტეტში მუშაობას შეუდგა საერთაშორისო კონფერენცია თემაზე - "ჩინეთ-საქართველოს ურთიერთობები - აკადემიური დიალოგი  ნათელი მომავლისათვის".


ლევან ნიკოლეიშვილი მაჟორიტართა ჯგუფის ინიციატივაზე: თუ დემოკრატიულ სახელმწიფოს ვაშენებთ, ამ ინიციატივაზეც ვიმსჯელოთ

„თუ დემოკრატიულ სახელმწიფოს ვაშენებთ, საგანგაშოს ვერაფერს ვხედავ, რომ ამ ინიციატივაზეც ვიმსჯელოთ“ - აცხადებს ლევან ნიკოლეიშვილი მაჟორიტარ დეპუტატთა ჯგუფის ინიციატივაზე, რომელიც სრულად მაჟორიტარულ სისტემაზე გადასვლას გულისხმობს.

გიორგი რურუას აღკვეთის ღონისძიებად პატიმრობა შეეფარდა

თბილისის საქალაქო სასამართლომ "მთავარი არხის" ერთ-ერთ მეწილეს, ცეცხლსასროლი იარაღის შეძენა-შენახვა-ტარების ბრალდებით დაკავებულ გიორგი რურუას ორ თვიანი წინასწარი პატიმრობა შეუფარდა. 

საქართველოს სხვადასხვა რეგიონში ხანძრები ლიკვიდირებულია

ამ დროისთვის, საქართველოს სხვადასხვა რეგიონებში ხანძრები ლიკვიდირებულია. 

ხუნდაძე: თუ განაწყენებულია საზოგადოება, არ სჭირდება ოპოზიციას ბოქლომებით სირბილი, იქნება არჩევნები

„2020 წელს პროპორციულ საარჩევნო სისტემაზე გადასვლის კანონპროექტის ჩაგდებით, ჩვენ პრაქტიკულად ხელი შევუშალეთ ქვეყნის გრძელვადიან არასტაბილურობას სუსტი მთავრობის ფონზე“,  -ამის შესახებ უმრავლესობის წევრმა დიმიტრი ხუნდაძემ განაცხადა.

გურამ ნიკოლაშვილი: მაჟორიტარი დეპუტატების ახალი ინიციატივა დემოკრატიული ქვეყნების მაგალითებს ეყრდნობა 

„მაჟორიტარი დეპუტატების ახალი ინიციატივა, რომელიც საარჩევნო სისტემის სრულად მაჟორიტარულ პრინციპზე გადაყვანას გულისხმობს, ყველაზე დემოკრატიული, ცივილიზებული ქვეყნების მაგალითებს ეყრდნობა“, - აცხადებს საჯარო პოლიტიკის სპეციალისტი გურამ ნიკოლაშვილი „დღის ქრონიკაში“.

ქუთაისში ოპოზიციის მიერ გამართულ აქციაზე მცირე ინციდენტი მოხდა

ქუთაისში ოპოზიციის მიერ გამართულ აქციაზე მცირე ინციდენტი მოხდა.

ლიბერთი ბანკის“ გენერალური დირექტორის მოადგილე: საბანკო რეგულაციები კომპლექსურად არის გადასახედი

„საბანკო რეგულაციები კომპლექსურად არის გადასახედი“, – ამის შესახებ საქართველოს პირველ არხს „ლიბერთი ბანკის“ გენერალური დირექტორის მოადგილემ, ლევან თხელიძემ განუცხადა.

ნუგზარ რუხაძე: მაჟორიტარული სისტემა ნიშნავს იმას, რომ ყველანი პირადად არიან პასუხისმგებელი ამომრჩევლის წინაშე, რა არის ამაში ცუდი?

„მაჟორიტარული სისტემა ნიშნავს იმას, რომ ყველანი პირადად არიან პასუხისმგებელი ამომრჩევლის წინაშე, რა არის ამაში ცუდი?“- ჟურნალისტმა ნუგზარ რუხაძემ ტელეკომპანია „იმედის“ ეთერში მაჟორიტარული სისტემის უპირატესობებზე ისაუბრა.

ოთარ ანგურიძე: ეროვნული ბანკი იღებს გადაწყვეტილებას, ეკონომიკური ზრდა ინფლაციას გადააყოლოს

„ეროვნული ბანკი იღებს გადაწყვეტილებას, ეკონომიკური ზრდა ინფლაციას გადააყოლოს“, -  ამის შესახებ ექსპერტი ეკონომიკის საკითხებში ოთარ ანგურიძე სოციალურ ქსელში წერს.

მერაბ კოსტავას ქუჩაზე მოძრაობა შეიზღუდება

თბილისში საახალწლო განათებების მონტაჟის სამუშაოების გამო, მერაბ კოსტავას ქუჩაზე ავტოტრანსპორტის მოძრაობა შეიზღუდება.

ზალკალიანი ექიმ ვაჟა გაფრინდაშვილის საქმეზე: აუცილებელია, ევროკავშირმა მის ხელთ არსებული ყველა რესურსი გამოიყენოს

საქართველოს საგარეო საქმეთა მინისტრმა დავით ზალკალიანმა  ექიმ ვაჟა გაფრინდაშვილის უკანონო დაკავების საკითხზე ევროკავშირის უმაღლეს წარმომადგენელთან საგარეო პოლიტიკისა და უსფრთხოების საკითხებში ფედერიკა მოგერინისთან, ეუთო-ს მოქმედ თავმჯდომარესთან მიროსლავ ლაიჩაკთან და გაეროს გენერალური მდივნის მოადგილესთან როზმარი დიკარლოსთან საუბარი გამართა.

ირაკლი კოვზანაძე: ეროვნულ ბანკს მოვუწოდებთ, ყველა ინსტრუმენტი დროულად გამოიყენოს, რომ ინფლაცია დაითრგუნოს და ლარის კურსი, ფასების სტაბილურობა შენარჩუნდეს

ეროვნულ ბანკს მოვუწოდებთ, მის ხელთ არსებული ინსტრუმენტები დროულად გამოიყენოს, რომ ინფლაცია დაითრგუნოს და ლარის კურსი, ქვეყანაში ფასების სტაბილურობა შენარჩუნდეს,-ამის შესახებ პარლამენტის საფინანსო-საბიუჯეტო კომიტეტის თავმჯდომარე ირაკლი კოვზანაძემ მედიასთან განაცხადა.

შოთა გულბანი: არა მგონია, მონეტარული პოლიტიკის კიდევ უფრო გამკაცრება გამართლებული იყოს

ახალგაზრდა ფინანსისტთა და ბიზნესმენთა ასოციაციის პრეზიდენტი შოთა გულბანი ეროვნული ბანკის პრეზიდენტის კობა გვენეტაძის გადაწყვეტილებას რეფინანსირების განაკვეთის ზრდასთან დაკავშირებით არაეფექტურს უწოდებს.

რატი იონათამიშვილის განცხადებით, ეროვნული ბანკის პრეზიდენტისგან ადეკვატური პასუხები ვერ მიიღო

მე ვფიქრობ, რომ ის გამოწვევები და პრიორიტეტები, რაც არის ეროვნული ბანკის მხრიდან, ადეკვატურად ვერ პასუხობს რეალურად არსებულ გამოწვევებსა და პრიორიტეტებს,- ამის შესახებ უმრავლესობის დეპუტატმა რატი იონათამიშვილმა ეროვნული ბანკის პრეზიდენტის კობა გვენეტაძის საპარლამენტო მოსმენის შემდეგ ჟურნალისტებს განუცხადა.

ოცნების დეპუტატი V.S. კობა გვენეტაძე [ვიდეო]

პარლამენტის საფინანსო საბიუჯეტო კომიტეტის სხდომაზე მმართველი პარტიის წარმომადგენელმა დეპუტატებმა სებ-ის პრეზიდენტი კობა გვენეტაძე ეროვნული ბანკის მიერ გატარებული პოლიტიკის გამო გააკრიტიკეს.

გერმანიამ ზელიმხან ხანგოშვილის ოჯახს თავშესაფარი მისცა

გერმანიის მიგრაციისა და ლტოლვილთა ფედერალურმა ოფისმა (BAMF) მოკლული ზელიმხან ხანგოშვილის მეუღლეს მ.ც.-ს და ოთხ შვილს ლტოლვილის სტატუსი მიანიჭა და თავშესაფარი მისცა. ამის შესახებ გერმანული გამოცემა Der Spiegel იტყობინება.

მიხეილ ყაველაშვილი: დადგა ქვეყანაში იმის დრო, ვისაუბროთ სარჩევნო პროცესზე და არა გადაგდება-არგადაგდებაზე

საპარლამენტო უმრავლესობის წევრმა მიხეილ ყაველაშვილმა განაცხადა, რომ ქვეყანაში დადგა იმის დრო, რომ დაიწყოს შინაარსობრივი მსჯელობა და მოქალაქეებზე ზრუნვა.

ბადრი პატარკაციშვილის მკვლელობის მომზადების საქმეზე სასამართლო დასკვნით ეტაპზე გადავიდა

ბადრი პატარკაციშვილის მკვლელობის მომზადების საქმეზე, თბილისის საქალაქო სასამართლოში, ბრალდებულების, ლევან ქარდავასა და რევაზ შიუკაშვილის ადვოკატებმა დასკვნითი სიტყვები წარმოთქვეს.

21 ნოემბერს თბილისის რამდენიმე უბანს ელექტრომომარაგება შეეზღუდება

გეგმურ-პროფილაქტიკური სამუშაოების ჩატარების გამო 21 ნოემბერს თბილისის რამდენიმე უბანს ელექტრომომარაგება დროებით შეეზღუდება. ამის შესახებ ინფორმაციას "თელასი" ავრცელებს.

ქალისა და მამაკაცის თანაბარი შრომისთვის თანაბარი ანაზღაურება შესაძლოა კანონით დარეგულირდეს 

ქალისა და მამაკაცის თანაბარი შრომისთვის თანაბარი ანაზღაურები

 

 
თბილისში სოფლის მეურნეობისა და კვების მრეწველობის მე-19 საერთაშორისო გამოფენა გაიხსნა

20-22 ნოემბერს, სოფლის მეურნეობის, კვების მრეწველობის, გადამამუშავებელი და შემფუთველი ტექნოლოგიების მე-19 საერთაშორისო გამოფენა, საგამოფენო ცენტრის "ექსპოჯორჯია" მე-6 და მე-11 პავილიონებში იმართება.