გმირთა მემორიალი გახსნა თავდაცვის მინისტრმა კოჯორში

საქართველოს მთლიანობისთვის დაღუპულ გმირთა მემორიალი კოჯორში, გიორგი ანწუხელიძის სახელობის სერჟანტთა მომზადების ცენტრში, გაიხსნა. 

მემორიალი საქართველოს თავდაცვის მინისტრმა ლევან იზორიამ, შეიარაღებული ძალების გენერალური შტაბის უფროსმა, ბრიგადის გენერალმა ვლადიმერ ჩაჩიბაიამ და თავდაცვის მინისტრის მოადგილე ნუკრი გელაშვილმა გვირგვინით შეამკეს. ღონისძიებას საქართველოს ეროვნული გმირის გიორგი ანწუხელიძის მეუღლე და შვილიც ესწრებოდნენ.  


დაღუპულ მებრძოლთა მემორიალის გახსნის ცერემონიალის დასრულების შემდეგ თავდაცვის მინისტრი და გენერალური შტაბის უფროსი სერჟანტთა მომზადების ცენტრის ძირითადი და შუალედური სასწავლო კურსების გამოშვების ღონისძიებას დაესწრნენ, რომელიც საქართველოს სახელმწიფო ჰიმნით გაიხსნა.


თავდაცვის მინისტრმა და გენერალური შტაბის უფროსმა წარჩინებული კურსდამთავრებულები სერტიფიკატებით დააჯილდოვეს. ღონისძიების დასასრულს ლევან იზორიამ სამხედრო მოსამსახურეებს სიტყვით მიმართა და სამხედრო განათლების მნიშვნელობასა და ამ მიმართულებით დაგეგმილ რეფორმებზე გაამახვილა ყურადღება: 


„სიმბოლურია, რომ სერჟანტთა მომზადების ცენტრი, ჩვენი გმირის - გიორგი ანწუხელიძის სახელს ატარებს. მინდა, დიდი პატივით მოვიხსენიო მისი სახელი. მადლობა მისი ოჯახის წევრებს მობრძანებისთვის. ეს, ჩვენ მოტივაციას და მაგალითს გვაძლევს, თუ როგორ უნდა ვემსახუროთ ჩვენს ქვეყანას, როგორ უნდა დავიცვათ ჩვენი ღირსება. მერწმუნეთ, რომ ვაჟკაცი, მტერიც კი, ამას ყოველთვის დააფასებს, ხოლო ლაჩარი მოწინააღმდეგე იმავეს ჩაიდენს, რაც ანწუხელიძის წინააღმდეგ ჩაიდინეს. ამიტომ, თითოეული ჯარისკაცის ღირსების საქმეა თავდადების, თავგანწირვის მაგალითი აჩვენოს. ახლა, ჯერი ჩვენზეა - ჩვენი პროფესიონალიზმითა და კვალიფიკაციით შევქმნათ ისეთი ჯარი, რომელიც მოქმედებებში ძალიან გონიერი, მობილიზებული იქნება. თქვენ, სწორედ ასეთი შეიარაღებული ძალების საფუძველი ხართ. თქვენ, ხართ ლიდერებს შორის ლიდერები. ამიტომ, თქვენს უნარებზე, თქვენს მაგალითზეა დამოკიდებული, თუ როგორ შეიარაღებულ ძალებს შევქმნით მომავალში. ეს ცენტრი ერთ-ერთი სამაგალითოა. მომავალში ვგეგმავთ, შევიმუშაოთ უკვე მეთაურთა, სერჟანტთა პროგრამები, რათა, 2018 წლიდან, მათ აქ აიმაღლონ კვალიფიკაცია და დახვეწონ შესაბამისი უნარები. ასე რომ, ჩვენი რეფორმები გადის სწორედ ლიდერებზე. სერჟანტი უნდა გახდეს წინამძღოლი არა მხოლოდ ომში და ჯარში, არამედ რეფორმებშიც. იცით, რომ ძალიან პრობლემურ რეგიონში ვცხოვრობთ, ძალიან დიდი გამოწვევების წინაშე ვართ და, ბუნებრივია, ეს გამოწვევები ჩვენ მოდუნების საფუძველს არ გვაძლევს. ჩვენი უკვე გაცხადებული და დაწყებული ოპტიმიზაცია სწორედ იმას უკავშირდება, რომ რაც შეიძლება მეტად ავამაღლოთ ჩვენი შეიარაღებული ძალების მზადყოფნა და კვალიფიკაცია. ამიტომ, მომავალი წლიდან ყველანაირი პირობა უნდა შევქმნათ ინფრასტრუქტურის თვალსაზრისით, რათა ჩვენი საბრძოლო მზადყოფნა იყოს მაღალი, ნატოს სტანდარტებთან შესაბამისი. ჩვენ ძალიან ბევრ ინვესტიციასა და ენერგიას ჩავდებთ, სწორედ, ასეთი სასწავლო ინფრასტრუქტურის შექმნაში, განსაკუთრებით საუბარია წვრთნებისა და შეფასების ერთობლივ ცენტრზე. ვაზიანშიც ვგეგმავთ სერიოზული სასწავლო ცენტრის შექმნას და, ბუნებრივია, სერჟანტთა მომზადების ცენტრიც ერთ-ერთი პრიორიტეტული იქნება ჩვენთვის. ასე რომ, ჩვენი რეფორმა მიზნად ისახავს თითოეული ჯარისკაცისთვის ღირსეული პირობების შექმნას, რათა მან თავი იგრძნოს სახელმწიფოსგან დაფასებულად, რომელსაც ერი ენდობა თავის საქმეში - სამშობლოს და ქვეყნის დასაცავად“, - აღნიშნა თავდაცვის მინისტრმა ლევან იზორიამ.

 

ღონისძიების დასასრულს კურსდამთავრებული სამხედროები სერჟანტთა მომზადების ცენტრის კაპელანმა მამა გიორგიმ დალოცა.


სერჟანტთა მომზადების ცენტრში სასწავლო კურსები 26 სექტემბერს დაიწყო და 13 კვირას გაგრძელდა. მასში მონაწილეობა საქართველოს შეიარაღებული ძალების სხვადასხვა ქვედანაყოფის სერჟანტებმა მიიღეს. ათეულის მეთაურის ძირითადი კურსი 71-მა სამხედრომ გაიარა, ოცეულის მეთაურის შუალედურ კურსს კი 34 სამხედრო დაესწრო. 13-კვირიანი სასწავლო პროგრამის განმავლობაში სერჟანტები თეორიულ მეცადინეობასთან ერთად პრაქტიკულ უნარ-ჩვევებსაც დაეუფლნენ.


საკარიერო კურსების განმავლობაში სამხედრო მოსამსახურეებმა საერთო საჯარისო ტაქტიკა, ოპერატიული ბრძანების მომზადება და განხორციელება, საცეცხლე მომზადება, საბრძოლო მომზადების ორგანიზება, კრიტიკული და შემოქმედებითი აზროვნება, სამხედრო ტოპოგრაფია და კავშირგაბმულობა შეისწავლეს. ათეულის მეთაურის ძირითადი კურსის მსმენელებმა დამატებით პირველადი სამედიცინო დახმარება და სამწყობრო მომზადებაც გაიარეს.




აჭარის ეკონომიკის მინისტრმა რამაზ ბოლქვაძემ სპორტული კომპლექსების საკითხზე შეხვედრა გამართა
აჭარის ფინანსთა და ეკონომიკის მინისტრი რამაზ ბოლქვაძე აჭარის განათლების, კულტურისა და სპორტის მინისტრ ინგა შამილიშვილთან ერთად სპორტის სხვადასხვა სექციის ხელმძღვანელებს შეხვდა.
სააკაშვილი სირიაში იარაღს ყიდის! – უკრაინული გამოცემა სკანდალურ პუბლიკაციას აქვეყნებს
გუშინ, 16 იანვარს, ერთ-ერთმა უკრაინულმა გამოცემამ გამოაქვეყნა პუბლიკაცია "სააკაშვილი. სახელმწიფო გადატრიალების მომზადება უკრაინული სტუმართმოყვარეობის სანაცვლოდ?".
თბილისის ყოფილი მერი მიიჩნევს, რომ პარტიის დაშლას ბიძგი ექსპრეზიდენტმა სააკაშვილმა მისცა

თბილისის ყოფილი მერის გიგი უგულავა "ნაციონალური მოძრაობის" გაყოფის პასუხისმგებლობას ექსპრეზიდენტ მიხეილ სააკაშვილს აკისრებს.

თბილისის ყოფილი მერი გიგი უგულავა ექსპრეზიდენტ მიხეილ სააკაშვილს ტყუილში ადანაშაულებს
თბილისის ყოფილი მერის გიგი უგულავას თქმით, ყოფილმა პრეზიდენტმა მიხეილ სააკაშვილმა ბოლოს გაკეთებულ განცხადებაში, სიცრუე არაერთი ტყუილი თქვა.
UNTWO-ს სათავო ოფისში საქართველოს პრემიერ-მინისტრის სახელობითი საპატიო დაფა გაიხსნა

UNTWO-ს სათავო ოფისში საქართველოს პრემიერ-მინისტრის გიორგი კვირიკაშვილის სახელობითი საპატიო დაფა დღეს გაიხსნა.

ციხეში მსჯავრდებული გარდაიცვალა

სასჯელაღსრულების N6 პენიტენციურ დაწესებულებაში 15 იანვარს მსჯავრდებული გარდაიცვალა. აღნიშნულთან დაკავშირებით სასჯელაღსრულებისა და პრობაციის სამინისტრო განცხადებას ავრცელებს.

საფრანგეთში პრეზიდენტის გამოსვლა შთამბეჭდავი არ იყო - ეკა გიგაური
საერთაშორისო გამჭვირვალობა საქართველოს აღმასრულებელი დირექტორი ეკა გიგაური პრეზიდენტის მარგველაშვილის პარიზის სამდღიან ვიზიტზე 110 ათას ლარზე მეტი თანხის დახარჯვას ეხმაურება.
თბილისში ტაქსის მძღოლის დაყაჩაღებისთვის ორი პირი დააკავეს
ორი პირი დააკავა პოლიციამ თბილისში, წურწუმიას ქუჩაზე ტაქსის მძღოლის დაყაჩაღების გამო.
WORLDSKILLS GEORGIA-ს რიგით მესამე ეროვნული შეჯიბრება გაიხსნა

განათლებისა და მეცნიერების სამინისტროსა და განათლების ხარისხის განვითარების ცენტრის ორგანიზებით WORLDSKILLS GEORGIA-ს მესამე ეროვნული შეჯიბრება პროფესიულ უნარებში ალექსანდრე ჯეჯელავამ გახსნა.

გალარების აქციის ფარგლებში, ბანკებს პოტენციური ბენეფიციარების 8%-მა მიმართა

საქართველოს ბანკების ასოციაციის პრეზიდენტის ზურაბ გვასალიას განცხადებით, გალარების პირველივე დღეს ბანკებს პოტენციური ბენეფიციარების დაახლოებით 8% შეეხმიანა .

ოკუპირებული ცხინვალის რეგიონში ე.წ. საპრეზიდენტო არჩევნები 9 აპრილს გაიმართება
ოკუპირებული ცხინვალის რეგიონის დეფაქტო პარლამენტმა ე.წ. საპრეზიდენტო არჩევნების გამართვის თარიღად 9 აპრილი განსაზღვრა.
დეპუტატი ირაკლი სესიაშვილი საქართველოში ევროკავშირის წარმომადგენლობის ხელმძღვანელს შეხვდა

თავდაცვის სისტემაში მიმდინარე რეფორმები და ევროპის სტაბილურობის საკითხები განიხილეს თავდაცვის და უშიშროების კომიტეტის თავმჯდომარემ ირაკლი სესიაშვილმა და ევროკავშირის ელჩმა იანოშ ჰერმანმა.

მეტროდან მგზავრების ევაკუაცია განხორციელდა
სარაჯიშვილის მეტრო დაახლოებით ნახევარი საათია გათიშულია. როგორც მგზავრებს ევაკუაციისას განუცხადეს, მიზეზი ძაბვის ვარდნა გახდა.



ექსპერტი მოლდოვას მხრიდან ევროკავშირზე შესაძლო უარს საქართველოსთვის გამოწვევად აფასებს
ექსპერტი უსაფრთხოების საკითხებში ვახტანგ მაისაია ვარაუდობს, რომ იმ შემთხვევაში, თუ მოლდოვა ევროკავშირთან ასოცირების შეთანხმებას გააუქმებს, საქართველო გამოწვევების წინაშე აღმოჩნდება.
"რატომ ჰგონია ვინმეს რომ მარგველაშვილს კონსტიტუციის კითხვა ან ანალიზი არ შეუძლია?"

პარლამენტის ყოფილმა თავჯდომარემ დავით უსუფაშვილმა პრეზიდენტის გადადგომასთან დაკავშირებით გამოთქმულ მოსაზრებაზე განმარტება გააკეთა.

აზერბაიჯანი მთიან ყარაბაღს ავტონომიური რესპუბლიკის სტატუსს მიანიჭებს
აზერბაჯანის საგარეო საქმეთა მინისტრის განცხადებით, მთიანი ყარაბაღის თვითმმართველობასთან დაკავშირებით კომპრომისის დაშვება შესაძლებელია სუბიექტისთვის ავტონომიური რესპუბლიკის სტატუსის მინიჭებით.