კატეგორიები

სპორტის განვითარება აჭარისთვის ერთ-ერთ მნიშვნელოვან მიმართულებად დასახელდა

სპორტის განვითარებას აჭარისთვის ერთ-ერთ მნიშვნელოვან მიმართულებად ასახელებს მთავრობის თავმჯდომარე, ზურაბ პატარაძე. 

მისი შეფასებით, სპორტის განვითარება აჭარაში არამარტო ჯანსაღი თაობის აღზრდის თვალსაზრისით, არამედ სპორტული ტურიზმის განვითარების კუთხითაც არის მნიშვნელოვანი.


"საზოგადოების მაღალი ინტერესებიდან გამომდინარე გვსურს გამოვეხმაუროთ სპორტის განვითარების თემას აჭარაში.ჩვენი სპორტსმენები სხვადასხვა სპორტულ სახეობებში მოწინავე ადგილზე არიან როგორც ქართველ, ასევე უცხოელ სპორტსმენებს შორის, იმარჯვებენ სხვადასხვა ადგილობრივ თუ საერთაშორისო ტურნირებში.ამიტომაც ადგილობრივი ხელისუფლების პრიორიტეტებში სპორტს ერთ-ერთი მთავარი ადგილი უჭირავს.ასევე მნიშვნელოვანია სპორტული ტურიზმის განვითარებაც.რეგიონის ხელმძღვანელობას აქვს პრეტენზია და სურვილი იმისა, რომ ჩვენმა რეგიონმა და ქალაქმა არაერთ საერთაშორისო დონის სპორტულ ღონისძიებას უმასპინძლოს",-აცხადებს პატარაძე.  


მისივე შეფასებით,სპორტის განვითარების ხელშეწყობის მიზნით რეგიონში რამდენიმე მასშტაბური პროექტის განხორციელება უკვე მიმდინარეობს.


"ამ ეტაპზე ბათუმში, ყინულის სასახლის მიმდებარედ, დაწყებულია მულტიფუნქციური სპორტის სასახლის კომპლექსის მშენებლობა, რომლის დარბაზები ჯამში 3100 მაყურებელზე იქნება გათვლილი.სპორტული ცენტრის მშენებლობა მიმდინარე წლის აგვისტოში დასრულდება და ობიექტი წელსვე უმასპინძლებს ევროპის ჩემპიონატს ხელბურთში.გარდა ამისა, რეგიონი ემზადება ჭადრაკის მსოფლიო ოლიმპიადისთვის, რომელსაც 2018 წელს ბათუმი უმასპინძლებს.
რაც შეეხება სასპორტო სკოლას, რომლის ირგვლივ ბოლო პერიოდში არაერთგვაროვანი შეფასებები გავრცელდა, კიდევ ერთხელ ხაზგასმით აღვნიშნავთ, რომ სკოლის ადმინისტრაციული, ე.წ ბასკოს შენობა არ არის პრივატიზებული (მისი გასხვისება არც სამომავლოდ იგეგმება), ის არ ექვემდებარება დემონტაჟს და ჩვეულ რეჟიმში განაგრძობს ფუნქციონირებას",-აცხადებს აჭარის მთავრობის თავმჯდომარე.


მისივე ინფორმაციით, აჭარის ა.რ. ფინანსთა და ეკონომიკის სამინისტრომ ინვესტორ კომპანიაზე გაასხვისა სასპორტო სკოლის უკან არსებული ორი სპორტული დარბაზის ტერიტორია.სანაცვლოდ კი სახელმწიფო იღებს ვალდებულებას, რომ ლეონიძის ქუჩაზე ახალი თანამედროვე სტანდარტების სპორტული კომპლექსი ააშენოს. 


ახალ კომპლექსში, პრივატიზებულ ორ ფლიგელში სხვადასხვა სექციაში მოღვაწე სპორტსმენები გააგრძელებენ საქმიანობას.მთავრობის გადაწყვეტილებით, ქალაქში უკვე ათწლეულების განმავლობაში არსებული კიდევ ერთი პრობლემა მოგვარდება: ლეონიძის ქუჩაზე ახალ სპორტულ ცენტრში საცურაო აუზიც აშენდება, სადაც სინქრონული ცურვისა და წყალბურთის სექციები დაიდებენ ბინას, რაც სპორტის ამ სახეობების განვითარებას შეუწყობს ხელს.  

მშენებლობისთვის აუცილებელი პროცედურები დაწყებულია. აჭარის ფინანსთა და ეკონომიკის სამინისტროში უკვე არსებობს შენობის პირველადი პროექტი, რომელიც საბოლოო სახეს უახლოეს პერიოდში, დარგის სპეციალისტებთან კონსულტაციების შემდეგ მიიღებს. საპროექტო სამუშაოების დასრულების შემდეგ პროექტის შესყიდვისა და მშენებელი კომპანიის გამოსავლენად შესარჩევი ტენდერები გამოცხადდება, რის შემდეგაც უკვე სამშენებლო სამუშაოები დაიწყება".


რაც შეეხება სპორტის იმ სექციებს, რომლებიც დემონტაჟს დაქვემდებარებულ ორ დარბაზში გადიან წვრთნებს, პატარაძე აცხადებს, რომ ვიდრე არ მოხდება სპორტსმენების დროებით ალტერნატიულ ფართში განთავსება, სექციების ტექნიკურად სრულად გამართვა, საშხაპეებისა და გამოსაცვლელების სრული აღჭურვა, შენობების დემონტაჟი არ განხორციელდება. 


"ლეონიძის ქუჩაზე ახალი სპორტული ცენტრის აშენებამდე კი სპორტსმენების სხვა შენობებში განთავსების ხარჯებს შპს "ორბი ჯგუფი“ 18 თვის განმავლობაში დაფარავს. აღნიშნული საკითხი უკვე გაწერილია კომპანიასთან გაფორმებული ხელშეკრულების პირობებში, რომლის მიხედვითაც ბათუმში უპრეცედენტოდ დიდი ინვესტიციის განხორციელება იწყება. საუბარია ჯამში 350 მლნ. ლარამდე ღირებულების მასშტაბურ პროექტზე, რომლითაც 1000-ზე მეტი მუდმივი ახალი სამუშაო და 4500-ზე მეტი განთავსების ადგილი გაჩნდება ქალაქში.პროექტი ბათუმში პირველი ქვეითად მოსიარულეთა ხიდის მშენებლობასაც ითვალისწინებს, რაშიც 1 500 000 ლარის ინვესტიცია განხორციელდება. ხიდი, გარდა იმისა, რომ მოძრაობას განტვირთავს, ქალაქის ზღვისპირა ნაწილს კიდევ უფრო გაალამაზებს.ხელშეკრულების პირობების თანახმად, ინვესტორი ასევე 10 მეტრი სიგანის ახალი საავტომობილო გზის მოწყობას უზრუნველყოფს, რომელიც გმირთა ხეივანს დავით ხახუტაიშვილის ქუჩასთან დააკავშირებს. საავტომობილო გზა გარე განათებით აღიჭურვება".

 

კომპანია ასევე იღებს ვალდებულებას ტერიტორიაზე რეკრეაციული ზონა მოაწყოს. პროექტი ასევე სასტუმროს, სპორტულ-გამაჯანსაღებელი ცენტრის, ღია სპორტული მოედნის, საგამოფენო დარბაზის, რესტორნების, კაფეების და ბავშვთა გასართობი ცენტრის მშენებლობას ითვალისწინებს.


სპორტის ხელშეწყობის მიზნით, აჭარაში კიდევ ერთი მასშტაბური პროექტის განხორციელების პროცედურები მიმდინარეობს.საუბარია წმინდა საფეხბურთო ტიპის საერთაშორისო დონის სტადიონის მშენებლობაზე, რომელიც 20 000 მაყურებელზე იქნება გათვლილი და უეფას მე-4 კატეგორიის სტანდარტებს დააკმაყოფილებს.გარდა სპორტული მნიშვნელობისა, პროექტს უდიდესი ეკონომიკური დატვირთვა აქვს. სპორტულ ჩემპიონატებთან ერთად, სამომავლოდ ტერიტორიაზე სხვადასხვა კულტურული ღონისძიების ჩატარება იქნება შესაძლებელი, რაც ქალაქის აღნიშნულ ნაწილს კიდევ უფრო განავითარებს.


"სრულად ვაცნობიერებთ, რომ ამ მოცულობის ინვესტიცია რეგიონის განვითარებისთვის უმნიშვნელოვანესია, თუმცა ეს არ ნიშნავს იმას, რომ ინვესტიციის ხარჯზე უნდა იზარალოს რომელიმე სპორტსმენმა თუ ზოგადად რეგიონის სპორტმა.კიდევ ერთხელ ხაზგასმით აღვნიშნავთ, რომ სპორტი ჩვენი ხელისუფლებისათვის ერთ-ერთი პრიორიტეტული მიმართულებაა და ჩვენ ძალისხმევას არ დავიშურებთ ამ დარგის განვითარებისათვის. რეგიონის ხელისუფლება მომავალშიც ყველაფერს გააკეთებს იმისათვის, რომ სპორტი კიდევ უფრო განვითარდეს და ამ სფეროში დასაქმებულმა ადამიანებმა და სპორტსმენებმა ღირსეულ პირობებში გააგრძელონ ვარჯიში, მიიღონ მონაწილეობა სხვადასხვა ტიპის შეჯიბრებებსა თუ ჩემპიონატებში და უფრო ასახელონ ჩვენი რეგიონი და ქვეყანა",-განაცხადა აჭარის მთავრობის თავმჯდომარემ. 



Linkin Park-ის ვოკალისტმა თავი მოიკლა

ამერიკული როკ-ჯგუფის Linkin Park-ის ვოკალისტმა ჩესტერ ბენინგტონმა 41 წლის ასაკში, სავარაუდოდ, თავი ჩამოიხრჩო. ცნობილია, რომ ვოკალისტი ნარკოტიკებსა და ალკოჰოლზე დამოკიდებულებას დიდხანს ებრძოდა.

ვაკის პარკთან გოგოს ავტომანქანა დაეჯახა

ვაკის პარკთან ქვეითად მოსიარულე გოგოს ავტომანქანა დაეჯახა. დაზარალებულს შემთხვევის შედეგად მძიმე დაზიანებები არ მიუღია. ამის შესახებ "პირველს" შს სამინისტროს პრეს-სამსახურის წარმომადგენელმა განუცხადა.

აშშ-ის პრეზიდენტი ფრანგ კოლეგას მოხერხებულსა და ძლიერს უწოდებს

აშშ-ის პრეზიდენტმა დონალდ ტრამპმა საფრანგეთში ბოლო ვიზიტი გაიხსენა და განაცხადა, რომ მისი ფრანგი კოლეგა ემანუელ მაკრონი "დიდი ბიჭი", მოხერხებული და ძლიერია.

ინდოეთს ახალი პრეზიდენტი ჰყავს

ინდოეთის პირველი პირი მმართველი პარტიის კანდიდატი რამ ნათ კოვინდია. კოვინდი ქვეყნის რიგით 14 პრეზიდენტი გახდა.

მტკვარმა ფონიჭალაში მკვდარი თევზები გამორიყა

"სს ენერგო-პრო ჯორჯიას" დაქვემდებარებაში არსებული ორთაჭალჰესის ჰიდროელექტროსადგურის წყალსაცავში წყლის მინიმალურ დონეზე დაწევის გამო, ქვემო ფონიჭალაში თევზები ნაპირზე გამოირიყა.

სენაკი-ფოთი-სარფის საავტომობილო გზის 16-ე კმ-ზე ავტოტრანსპორტის მოძრაობა იკრძალება

სენაკი-ფოთი-სარფის, თურქეთის რესპუბლიკის საზღვართან საავტომობილო გზის 16-ე კმ-ზე ავტოტრანსპორტის მოძრაობა იკრძალება.

 

ჯორჯიან უოთერ ენდ ფაუერი ხვალ სპეციალურ ბრიფინგს გამართავს

21 ივლისს, 10:30 საათზე, ჯორჯიან უოთერ ენდ ფაუერი, მერიის კეთილმოწყობის სამსახურთან ერთად, პეკინის ქუჩის მთავარ სამუშაოებთან დაკავშირებით, სპეციალურ ბრიფინგს გამართავს.

საქართველოს ექსპრეზიდენტი ამერიკელ სენატორს მოუწოდებს არ დანებდეს

საქართველოს ექსპრეზიდენტმა მიხეილ სააკაშვილმა ამერიკელი სენატორის ჯონ მაკკეინის გაცნობა პოზიტიურად გაიხსენა. სააკაშვილმა მაკკეინის მიმართა: "ჯონ, ეს ბრძოლაა და შენ არასდროს დანებდები".

"ქართული მარშის" ერთ-ერთმა წევრმა მოძრაობა დატოვა

"ქართული მარშის" ერთ-ერთმა წევრმა მელორ ვაჩნაძემ ოჯახური მიზეზების გამო მოძრაობა დატოვა. ამის შესახებ ვაჩნაძემ საკუთარ "ფეისბუქ" გვერდზე დაწერა.

გონიოში, ზღვაში არასრულწლოვანი დაიხრჩო

გონიოში, ზღვაში არასრულწლოვანი დაიხრჩო. 17 წლის ბიჭს მაშველები რამდენიმე საათის განმავლობაში ეძებდნენ. ამის შესახებ "პირველს" საგანგებო სიტუაციათა მართვის სააგენტოში უთხრეს.

ვიცე-პრემიერმა, საგარეო საქმეთა მინისტრმა ირლანდიის საპარლამენტო დელეგაცია მიიღო

ვიცე-პრემიერმა, საგარეო საქმეთა მინისტრმა მიხეილ ჯანელიძემ თბილისში სამუშაო ვიზიტით მყოფი ირლანდიის საპარლამენტო დელეგაცია, საგარეო საქმეთა, ვაჭრობისა და თავდაცვის ერთობლივი კომიტეტის თავმჯდომარის ხელმძღვანელობით მიიღო.

ირანელს მოზარდებთან გარყვნილი ქმედების მომზადებისთვის 6 წლით თავისუფლების აღკვეთა მიესაჯა

ახალციხის რაიონულმა სასამართლომ მოზარდებთან გარყვნილი ქმედების მომზადებისთვის ირანის ისლამური რესპუბლიკის მოქალაქეს 6 წლით თავისუფლების აღკვეთა მიუსაჯა.

ვანო ზარდიაშვილი: ყველგან კარგად იცის რატომ გააგდეს გია ხუხაშვილი

საპარლამენტო უმრავლესობის დეპუტატი ვანო ზარდიაშვილი ექსპერტ გია ხუხაშვილის პოზიციას პარლამენტის თავმჯდომარესთან დაკავშირებით ამაზრზენი უწოდა.

„თეგეტა მოტორსი“ KUMHO-ს ბრენდის ექსკლუზიური დისტრიბუტორი გახდა სამხრეთ კავკასიაში

„თეგეტა მოტორსმა“ ექსკლუზიური ურთიერთთანამშრომლობის მემორანდუმი გააფორმა საბურავების უმსხვილეს მწარმოებელთან KUMHO-სთან

დეპუტატის განცხადებით, პარლამენტი პრეზიდენტის შენიშვნებს დეტალურად განიხილავს

ფრაქცია "ქართული ოცნების" თავმჯდომარე მამუკა მდინარაძის განცხადებით, პარლამენტი ყურადღებით გაეცნობა პრეზიდენტის ვეტოსთან დაკავშირებულ შენიშვნებს და შემდეგ უფრო კონკრეტული შეფასებები გაკეთდება.

პრეზიდენტმა ვეტო ორ კანონპროექტს დაადო

საქართველოს პრეზიდენტმა გიორგი მარგველაშვილმა თვითმმართველობის კანონში და საარჩევნო კოდექსში შესატანი ცვლილებების შესახებ კანონპროექტებს ვეტო დაადო და მოტივირებული შენიშვნებით პარლამენტს გადაუგზავნა.

მაშველებმა დღეს ზღვაში დახრჩობისგან 10-მდე ადამიანი იხსნეს

მაშველებმა დღეს ზღვაში დახრჩობისგან 10-მდე ადამიანი გადაარჩინეს, მათ შორის უცხო ქვეყნის მოქალაქეები. ზღვაზე 5-ბალიანი შტორმია დაფიქსირებული.

ოზურგეთში მომხდარ მკვლელობაში მონაწილე შავი "ჰონდა" დამწვარი იპოვეს

ოზურგეთში, წარსულში ნასამართლევი გურამ ფოცხიშვილი და მისი სიძე მანქანაში ჩაცხრილეს. შავი "ჰონდა", რომლიდანაც გასროლა მოხდა პოლიციამ ერთ-ერთ სოფელში დამწვარი იპოვა.

მინისტრის თქმით, ჯარის უკრაინული ხორცით მომარაგება ქართულ ბაზარზე დეფიციტმა გამოიწვია

საქართველოს თავდაცვის მინისტრის ლევან იზორიას განმარტებით, ქართული შეიარაღებული ძალების უკრაინული ხორცით მომარაგება, ადგილობრივ ბაზარზე არსებული დეფიციტის გამო გადაწყდა. ინფორმაციას 1tv.ge ავრცელებს.

უცხოური ვალუტის ოფიციალური კურსი

20 ივლისის ვაჭრობის შედეგად აშშ დოლარი გაუფასურდა და 2.3995 ლარი შეადგინა. კურსი, რომელიც დღეს მოქმედებდა, 2.4014 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.19 თეთრი შეადგინა.

შს მინისტრის პირველი მოადგილის თანამდებობიდან გათავისუფლება მუხტარლის საქმეს უკავშირდება?

შს მინისტრის პირველი მოადგილის ბესიკ ამირანაშვილის თანამდებობიდან გათავისუფლება  აზერბაიჯანელი ჟურნალისტის აფგან მუხტარლის საქმეს უკავშირდება.