კატეგორიები

საზღვარგარეთ გაწეული მომსახურება საქართველოში დღგ–ით არ იბეგრება

საქართველოში მოქმედი ექსპორტზე ორიენტირებული ბიზნესის დაბეგვრის თავისებურებებზე სააგენტო „პირველი“ ფინანსთა მინისტრის მოადგილე ლაშა ხუციშვილს ესაუბრა.

ექსპორტის ხელშეწყობა მთავრობის ეკონომიკური პოლიტიკის ერთ-ერთი მთავარი მიმართულებაა. ამ კუთხით საინტერესოა, რომ მომსახურების ექსპორტის კუთხით რამდენიმე კომპანია წარმატებით საქმიანობს. რას აკეთებს სახელმწიფო ასეთი კომპანიების მხარდაჭერის მიმართულებით? 


ჩვენი ქვეყნისთვის მართლაც ძალიან მნიშვნელოვანია ისეთი კომპანიების საქმიანობა, რომელთა ბიზნესი ექსპორტზეა ორიენტირებული. სულ ახლახან, პირველ ვიცე-პრემიერს, ფინანსთა მინისტრ დიმიტრი ქუმსიშვილს ჰქონდა ძალიან საინტერესო შეხვედრები ორი კომპანიის: „არვატო ცეერემ საქართველოსა“ და „ალტერ ვეის“ წარმომადგენლებთან.


კომპანია „არვატო“ წამყვანი საერთაშორისო სერვის-პროვაიდერი კომპანიაა, რომელიც ბიზნეს კლიენტებს 40-მდე ქვეყანაში, 30 ენაზე უწევს მომსახურებას და კონსულტაციას ინოვაციური გადაწყვეტილებების მიღებაში. „არვატო ცეერემ საქართველო“ ქართულ ბაზარზე რამდენიმე თვეა საქმიანობს და მის მიერ ქვეყანაში 3 მილიონი დოლარის ოდენობის ინვესტიციაა განხორციელებული. დღეს ,,არვატო ცეერემ საქართველო“ თბილისის ოფისიდან უზრუნველყოფს მსოფლიოში ერთ-ერთი უმსხვილესი ონლაინ-რითეილერი კომპანიის მომხმარებლის გაყიდვებისა და ტექნიკურ მხარდაჭერას. კომპანიაში დასაქმებულია 130 ადამიანი, ხოლო მომავალი 2 წლის განმავლობაში თანამშრომელთა რაოდენობის 500-მდე გაზრდა იგეგმება.


რაც შეეხება „ალტერ ვეის“ - კომპანია ონლაინ სარეკლამო მომსახურების გაწევის მიზნით, პარტნიორობას უწევს ისეთ საერთაშორისო ბრენდს, როგორიცაა კომპანია Google (ირლანდიის რეზიდენტ იურიდიულ პირთან Google Ireland Ltd-ის სახით). Google Ireland Ltd-დან მიღებულ სარეკლამო ინფორმაციას/კონტენტს კომპანია ათავსებს საკუთარ ვებგვერდზე და უზრუნველყოფს მისი მომხმარებლებისათვის ხელმისაწვდომობას.


ორივე შემთხვევაში, აღნიშნული მომსახურება თავისი შინაარსით წარმოადგენს ექსპორტზე ორიენტირებულ ბიზნესს. ჩვენი საგადასახადო კანონმდებლობა, აღნიშნული მომსახურებისთვის ხელსაყრელ დაბეგვრის რეჟიმს ითვალისწინებს, რაც კარგი სტიმულია ექსპორტზე ორიენტირებული ბიზნესის განვითარებისა და ახალი პროექტების წამოწყებისთვის.



კონკრეტულად რა ტიპის საგადასახადო შეღავათზეა საუბარი?


საუბარია დამატებული ღირებულების გადასახადზე. ორივე შემთხვევაში, კომპანიის წარმომადგენლებმა ფინანსთა სამინისტროს მომართეს წინასწარი გადაწყვეტილების მიღების თაობაზე, ჩაითვლებოდა თუ არა მათ მიერ გაწეული მომსახურება მომსახურების ექსპორტად და მოუწევთ თუ არა მათ გაწეულ მომსახურებაზე დამატებული ღირებულების გადასახადის გადახდა, რაზეც მიიღეს დადებითი დასკვნა. კერძოდ, საზღვარგარეთ გაწეული მომსახურება საქართველოში არსებული საგადასახადო კანონმდებლობით არ იბეგრება დამატებული ღირებულების გადასახადით. ვფიქრობთ, ეს კიდევ უფრო გაამარტივებს და ხელს შეუწყობს აღნიშნული კომპანიების საქმიანობას, მეტ რესურს მისცემს მათ განვითარებისთვის. უახლოეს მომავალში ამ თემაზე მომზადდება და გამოქვეყნდება საჯარო გადაწყვეტილება, რომელიც ერთგვარი სახელმძღვანელო იქნება იმ კომპანიებისთვის, რომლებიც მსგავსი ტიპის საქმიანობას ახორციელებენ საქართველოში.



ზოგადად, რა პერსპექტივა აქვს ასეთი ტიპის მომსახურების განვითარებას ჩვენს ქვეყანაში?


ჩვენს ქვეყანაში ამ მიმართულებით არის ძალიან ხელსაყრელი საგადასახადო პირობები და გარემო. სწორედ ეს გახდა მაგალითად, კომპანია „არვატოს“ საქართველოში შემოსვლის ერთ-ერთი მიზეზი. მნიშვნელოვანია, რომ ასეთი ტიპის ბიზნესი მომავალშიც მხარდაჭერილი იქნება სახელმწიფოს მხრიდან როგორც საკანონმდებლო დონზე, ისე საგადასახადო ადმინისტრირების დონეზე და კომპანიებს მომავალშიც მაქსიმალურად გამარტივებული საგადასახადო რეჟიმის პირობებში შეეძლებათ მუშაობა.




დე ფაქტო ხელისუფლება საოკუპაციო ხაზთან სამოქალაქო პატრულირებას პროვოკაციად აფასებს

არაღიარებული ცხინვალი საოკუპაციო ხაზთან ქართველი აქტივისტების მიერ სამოქალაქო პატრულირების დაწყებას პროვოკაციას უწოდებს და ამის შესაძლო ნეგატიურ შედეგებზე პასუხისმგებლობას თბილისს აკისრებს.

ვიცე-პრემიერი სტრასბურგის სასამართლოს ახალ კანდიდატს დადებითად აფასებს

საქართველოს ვიცე-პრემიერი ალექსანდრე ჯეჯელავა მოხარულია, რომ ლადო ჭანტურიას კანდიდატურამ სტრასბურგის სასამართლოს მოთხოვნები დააკმაყოფილა.

საქართველოს ეროვნული ბანკი საკოლექციო დანიშნულების მონეტის დიზაინზე კონკურსს აცხადებს

2018 წელს, ფრანკფურტის წიგნის ბაზრობაზე, საქართველო საპატიო სტუმრის სტატუსით წარდგება. ამ ღონისძიებაზე ჩვენი ქვეყნის მიზანია, მსოფლიოს გააცნოს ქართული ლიტერატურისა და კულტურის საერთაშორისო მნიშვნელობა და აქტუალობა.

ეროვნული ბანკის მონეტარული პოლიტიკის კომიტეტის სხდომა ბათუმში გაიმართება

საქართველოს ეროვნული ბანკი განაგრძობს მონეტარული პოლიტიკის კომიტეტის სხდომების საქართველოს რეგიონებში გამართვას. კომიტეტის მორიგი სხდომა ხვალ, 26 ივლისს, ბათუმში გაიმართება.

ქართველი ვიდეობლოგერის სიცოცხლის მოსპობის მუქარაზე საქმე აღიძრა

ქართველი ვიდეობლოგერის მიერ კონკურენტი ბლოგერის სიცოცხლის მოსპობის მუქარაზე შინაგან საქმეთა სამინისტრომ საქმე სისხლის სამართლის კოდექსის 151-ე მუხლით აღძრა. ამის შესახებ "პირველს" უწყებიდან აცნობეს.

ლევან კობერიძე: ლევან ბერძენიშვილი პოლიტიკური კრახის ფონზე ძიების რეჟიმშია

საპარლამენტო უმრავლესობის წევრი ლევან კობერიძე ლევან ბერძენიშვილის მიერ პრემიერ-მინისტრის შესახებ გუშინ გაკეთებულ კომენტარს დაბოღმილი ადამიანის პოზიციას უწოდებს.

საქართველოს რკინიგზაში დოკუმენტბრუნვის ელექტრონული სისტემა ამოქმედდა

15 ივლისიდან საქართველოს რკინიგზაში დოკუმენტბრუნვის ელექტრონული სისტემა ამოქმედდა. საქართველოს რკინიგზა პირველი კომპანიაა რეგიონში, რომელმაც მსგავსი სისტემა დანერგა.

პრეზიდენტმა მშენებლობაზე დაღუპული კაცის ოჯახს მიუსამძიმრა

საქართველოს პრეზიდენტმა გიორგი მარგველაშვილმა სამსახურებრივი მოვალეობის დროს დაღუპული მუშის ოჯახს მიუსამძიმრა.

სამხრეთ აფრიკელმა ბავშვმა შიდსის ვირუსი დაამარცხა

სამხრეთ აფრიკელი 9 წლის ბავშვი, რომელიც შიდსის ვირუსს დაბადებიდან ატარებდა, განიკურნა. ამის შესახებ პაციენტის ექიმმა განაცხადა.

ტრამპი მის საარჩევნო კამპანიაზე უკრაინის გავლენის გამოძიებას მოითხოვს

აშშ-ის პრეზიდენტის დონალდ ტრამპის თქმით, „უკრაინა ჩუმად მუშაობდა მისი კონკურენტის ჰილარი კლინტონის გაძლიერების მიზნით“.

NDI კვლევის შედეგებს ხვალ წარადგენს

26 ივლისს ეროვნულ-დემოკრატიული ინსტიტუტი (NDI) და CRRC-საქართველო მედიას 2017 წლის ივნისის ბოლოს და ივლისის დასაწყისში ჩატარებული საზოგადოებრივი აზრის კვლევის შედეგების პირველ ნაწილს წარუდგენენ.

პარლამენტში ხვალ რიგგარეშე სხდომა ჩატარდება

პრეზიდენტმა დააკმაყოფილა პარლამენტის თხოვნა, 26 ივლისს რიგგარეშე სხდომის დანიშვნის თაობაზე.  სხდომაზე დეპუტატები პრეზიდენტის მიერ წარდგენილ მოტივირებულ შენიშვნებზე იმსჯელებენ.

აკაკი ზოიძე: ეს არის მართლაც წარუმატებელი პოლიტიკოსის განცხადება!

საპარლამენტო უმრავლესობის წევრი აკაკი ზოიძე ლევან ბერძენიშვილის მიერ პრემიერ-მინისტრის შესახებ გუშინ გაკეთებულ კომენტარს წარუმატებელი პოლიტიკოსის განცხადებას უწოდებს.

სანერგე მეურნეობების კვალიფიციურობის დადგენა გრძელდება

სოფლის მეურნეობის სამინისტროს სამეცნიერო-კვლევითი ცენტრის წარმომადგენლებმა კახეთის რეგიონში, საერთაშორისო სტანდარტებთან შესაბამისობის დადგენის მიზნით, სანერგე მეურნეობები დაათვალიერეს.

„არმიჰოლში“ პირველი “ქართული სამხედრო ენციკლოპედიური ლექსიკონის“ პრეზენტაცია გაიმართა

საქართველოს თავდაცვის სამინისტროს „არმიჰოლში“ პირველი „ქართული სამხედრო ენციკლოპედიური ლექსიკონის“ პრეზენტაცია გაიმართა. ღონისძიებას საქართველოს თავდაცვის მინისტრი ლევან იზორია დაესწრო.

თბილისი ტურისტებისთვის 10 ყველაზე იაფ ქალაქს შორის მოხვდა

საქართველოს დედაქალაქი საერთაშორისო კონსალტინგური კომპანია Mercer-ის ტოპათეულის ყველაზე იაფი ქალაქების რეიტინგში მეექვსე ადგილს იკავებს.

შსს საოკუპაციო ზოლთან სამოქალაქო პატრულირებას მიზანშეწონილად არ მიიჩნევს

შინაგან საქმეთა სამინისტროს საზოგადოებრივი მოძრაობის "ძალა ერთობაშია" ინიციატივის - სამოქალაქო პატრულირების განხორციელება მიზანშეწონილად არ მიაჩნია. აღნიშნულთან დაკავშირებით უწყება განცხადებას ავრცელებს.

“ყაზტრანსგაზ-თბილისი“ მოსახლეობას აფრთხილებს

კომპანია “ყაზტრანსგაზ-თბილისი“ განცხადებას ავრცელებს.

გიორგი ბეგაძე: ლევან ბერძენიშვილისგან გასაკვირი არაფერია

რუსთავის მაჟორიტარი დეპუტატი გიორგი ბეგაძე ლევან ბერძენიშვილის მიერ პრემიერ-მინისტრის შესახებ გუშინ გაკეთებულ კომენტარს უთავმოყვარეოს უწოდებს.

JVP-ს წარმომადგენლები მზად არიან, საქართველოს გამოცდილება გაუზიარონ

საქართველოს პრემიერ-მინისტრი ისრაელში, საერთაშორისო ფონდ Jerusalem Venture Partners (JVP)-ის სათავო ოფისში იმყოფებოდა, სადაც JVP-ს წარმომადგენლებმა საქართველოსთვის გამოცდილების გაზიარების მზადყოფნა გამოთქვეს.

იტალიაში საქართველოს საელჩოში ქართველების დაკავებასთან დაკავშირებით შეტყობინება არ შესულა

იტალიაში საქართველოს საელჩოში ქართველების შესაძლო დაკავებასთან დაკავშირებით შეტყობინება არ შესულა. ამის შესახებ "პირველს" საგარეო საქმეთა სამინისტროს პრესსამსახურის წარმომადგენელმა უთხრა.