პოლიტიკა

გია ვოლსკი: ზუგდიდის აქცია მიმართული იყო იმისკენ, რომ საზოგადოება ერთმანეთს და სახელმწიფო სტრუქტურებს დაპირისპირებოდა

ვოლსკი პარლამენტში
19:17 26.03
დაკოპირებულია

"ეს არ იყო ჰუმანიტარული აქცია. ეს აქცია მიმართული იყო იმისკენ, რომ საზოგადოება დაპირისპირებოდა ერთმანეთს, საზოგადოება, ვისაც ესმის, რომ ასეთი შეკრება არის კანონსაწინააღმდეგო და საფრთხის შემცველი. გარდა ამისა, ეს აქცია მიმართული იყო ასევე იმისკენ, რომ შეკრებილი საზოგადოება დაპირისპირებოდა სახელმწიფო სტრუქტურებს. ეს იყო აქციის მიზანი", - განაცხადა პარლამენტის თავმჯდომარის პირველმა მოადგილემ, გიორგი ვოლსკიმ "ნაციონალური მოძრაობის" მიერ ზუგდიდში ორგანიზებულ აქციასთან დაკავშირებით.

მისივე თქმით, ეს მიზანი აშკარად გამოჩნდა, თუნდაც, მიხეილ სააკაშვილის განცხადებებიდან, რომელიც, ერთი მხრივ, საზოგადოებას მოუწოდებს კონსოლიდაციისკენ, ხოლო მეორე მხრივ, ამ მიმართულებას და ამ იდეას თავად უპირისპირდება კონკრეტული საქმიანობით.

"ვფიქრობ, რომ სწორედ ამ კუთხით უნდა შეაფასოსო საზოგადოებამ ის, რაც ზუგდიდში მოხდა და შესაბამისი დასკვნები გამოიტანოს", - განაცხადა გიორგი ვოლსკიმ.

გია ვოლსკის შეფასებით, "ნაციონალური მოძრაობამ" ზუგდიდში თავის მიზანს ვერ მიაღწია, რადგან საზოგადოება მიმდინარე პროცესებს კარგად აანალიზებს.

„როდესაც საზოგადოების დიდი მასა, თუნდაც 200- 300 ადამიანი იკრიბება და აწყობს, გარკვეული გარემოებებიდან გამომდინარე, ზედახორას, რასაკვირველია, სამართალდამცავების საქმიანობა საკმაოდ ძნელდება. სწორედ ეს იყო მიზანი, რომელსაც „ნაციონალური მოძრაობა“ მიყვებოდა და თავის მიზანს ვერ მიაღწია იმდენად, რამდენადაც საზოგადოება, რომელიც ამ ყველაფერს უყურებს და პროცესებს აანალიზებს არ არის ის, რაზედაც მოგვითხრობდა სააკაშვილი თავის ერთ-ერთ გამოსვლაში, რომ კულტურა, თითქოსდა, მან შემოიტანა საქართველოში, აღარ არის ეს დრო. მე ვფიქრობ, პოლიტიკური მკვდრეთიდან აღდგომის ეს მცდელობა არის უზნეო და ამავე დროს უშედეგობისთვის განწირული", - განაცხადა გიორგი ვოლსკიმ.

დეპუტატმა, ასევე აღნიშნა, რომ ჰუმანიტარული აქცია არ გაიზომება მოცულობით.

"მცირე რაოდენობის პირბადეების და სადეზინფექციო საშუალებების დარიგებაზე არ შეიძლება ვთქვათ, რომ ეს არაფერს ნიშნავს და არაფერი გაკეთებულა. ჰუმანიტარული აქცია მისი მცირე მოცულობის გამო არ უნდა დავაკნინოთ", - განაცხადა გიორგი ვოლსკიმ.​

რუსეთის აგრესია

12 წელი აგვისტოს ომიდან

რუსეთ-საქართველოს ომიდან 12 წელი გავიდა. 2008 წლის 8 აგვისტოს, პირველად ცივი ომი...
„ჩვენ გვახსოვს 8 აგვისტო, ახსოვს მსოფლიოს. საქართველო აგრძელებს განვითარებას, სწავლას, ახალი თაობები...
17:37
თბილისის საკრებულოს სახელდებისა და სიმბოლიკის კომისიის ინიციატივით და დედაქალაქის წარმომადგენლობითი...
17:17
ინდოეთის ოკეანის დასავლეთ ნაწილში, მავრიკიში დატვირთული გემიდან ნავთობის დაღვრის გამო საგანგებო სიტუ...
17:03
დედაქალაქის მერიის გარემოს დაცვის საქალაქო სამსახურმა, ვაკის პარკის შადრევნებისა და კასკადის სრული რ...
16:47
საკრებულოს თავმჯდომარე გიორგი ტყემალაძემ აგვისტოს ომში დაღუპულთა მემ...
თბილისის საკრებულოს თავმჯდომარემ გიორგი ტყემალაძემ, მის მოადგილეებთან გიორგი ახვლედიანთან და ირაკლი...
ინდოეთში ავიაკატასტროფისას დაღუპულთა შორ...
ინდოეთის სამხრეთ ნაწილში, კერალაში ავიაკატასტროფას 18 ადამიანის სიცოცხლე ემსხვერ...
სოფო ქაცარავა: რუსეთის სამხედრო აგრესიიდ...
გამოცემა emerging-europe დიდ ბრიტანეთში საქართველოს ელჩის სოფო ქაცარავას წერილს...
ვახტანგ გომელაურმა დაღუპული პოლიციელების...
შინაგან საქმეთა მინისტრმა, ვახტანგ გომელაურმა, მოადგილეებთან ერთად 2008 წლის აგვ...