საქართველომ ევროკავშირის წევრ 5 ქვეყანას: გერმანიას, საფრანგეთს, ლატვიას, ლიეტუვას და ესტონეთს საზღვარი უპირობოდ გაუხსნა. აღნიშნული ქვეყნის მოქალაქეებს საქართველოში შემოსვლისას კარანტინის გავლა არ უწევთ.
გერმანიაში გასული დღე-ღამის განმავლობაში კორონავირუსის 1 616 შემთხვევა გამოვლინდა. ჯამში დადასტურებულია COVI 19- ის 264 837 შემთხვევა.
საფრანგეთში ბოლო 24 საათში 7 852 შემთხვევა დაფიქსირდა. სულ ქვეყანაში კორონავირუსის 395 104 შემთხვევაა გამოვლენილი.
ლატვიაში COVID 19 -ის 5 ახალი შემთხვევა გამოვლინდა, ჯამში დადასტურებულია 1 482 შემთხვევა.
ლიეტუვაში გასული დღე-ღამის განმავლობაში კოვიდინფიცირების 11 შემთხვევა გამოვლინდა, ჯამში დაფიქსირებულია 3 397.
ესტონეთში კორონავირუსის 25 ახალი შემთხვევა გამოვლინდა, სულ დადასტურებულია 2 722 შემთხვევა.
აღნიშნულ ქვეყნებს შორის ყველაზე მძიმე ეპიდვითარებაა საფრანგეთში.