ანალიტიკა

„ევროკავშირისგან მეორე ტრანშს ისედაც ვერ მივიღებდით, რადგან მთავრობამ ვალდებულებები არ შეასრულა“ - კახა გოგოლაშვილი

საერთაშორისო ექსპერტი
კახა გოგოლაშვილი
1630488734
დაკოპირებულია

„რონდელის ფონდის“ ევროპული კვლევების ცენტრის დირექტორი კახა გოგოლაშვილის განცხადებით, საქართველო ევროკავშირის სესხის მეორე ტრანშს ისედაც ვერ მიიღებდა, რადგან მთავრობამ ნაკისრი ვალდებულებები არ შეასრულა.

როგორც მან საინფორმაციო სააგენტო PIA.GE-სთან საუბარში აღნიშნა, მთავრობამ დაასწრო ევროკავშირს, როცა განაცხადა, რომ დარჩენილი 75 მლნ ევროს აღებისგან თავს შეიკავებს.

„პირველ რიგში, ხაზი უნდა გავუსვათ იმას, რომ სესხი უბრალოდ არ გაიცემა. ეს ხდება გარკვეული შეთანხმების საფუძველზე და 2020 წელს გაფორმდა მემორანდუმი საქართველოსა და ევროკავშირს შორის, რომელშიც გაიწერა სესხის გაცემის პირობები და ვალდებულებები.

ამ შეღავათიანი სესხის მეორე ტრანში უნდა მიგვეღო 30 სექტემბრამდე, მემორანდუმის პირობების შესაბამისად. პირველი ნაწილი მივიღეთ 2020 წელს, რომლისთვისაც საჭირო იყო საერთაშორისო სავალუტო ფონდის წინაშე აღებული ვალდებულებების შესრულება, ხოლო მეორე ნაწილის მიღება შეგვეძლო თუ შევასრულებდით როგორც საერთაშორისო სავალუტო ფონდის პირობებს, ისე ევროკომისიის მიერ დადგენილი მოთხოვნები. მემორანდუმის მეხუთე პუნქტში მთელი აბზაცი ეთმობა საქართველოს მთავრობის მიერ გასატარებელ რეფორმებს, მათ შორის ნახსენებია ვენეციის კომისიის 2019 წლის დასკვნა, რომელიც სწორედ მოსამართლეთა არჩევის წესს ეხება.

ის ავალდებულებს საქართველოს გაატაროს სასამართლოს რეფორმა, საუბარია სასამართლოს გამჭვირვალეობასა და მიუკერძოებლობაზე. მთავარი საკითხი კი არის ის, რომ მოსამართლეთა არჩევის წესი ვენეციის კომისიის მოთხოვნებთან შესაბამისობაში უნდა მოეყვანათ, რაც პრინციპში, არ გაკეთდა. ჩვენ ამ ტრანშს მაინც ვერ მივიღებდით.

ევროკომისიის წარმომადგენელი აბსოლუტურ სიმართლეს ამბობს, რომ ევროკომისია შეგვიჩერებდა ამ ტრანშს, რადგან ის არ თვლის, რომ შევასრულეთ პირობა. განცხადებაც იყო გაკეთებული მოსამართლეთა დანიშვნის შემდეგ, რომ ეს ეწინააღმდეგებოდა ამავდროულად შარლ მიშელის დოკუმენტს. პრაქტიკულად დაასწრეს ევროკავშირს სესხზე უარის თქმა, რადგან ევროკავშირი პირობების შესრულებას 30 სექტემბრამდე ელოდებოდა.

მთავრობის მიზანი იყო არ მომხდარიყო არჩევნებამდე მმართველი ძალის დისკრედიტაცია, როცა გაცხადდებოდა, რომ თურმე ევროკავშირი უარს ამბობს საქართველოსთვის მეორე ტრანშის გადმორიცხვაზე“, - აღნიშნა კახა გოგოლაშვილმა.

მისი თქმით, საქართველოს შეეძლო აღნიშნული თანხით კორონავირუსის გავრცელებასთან დაკავშირებული ბევრი პრობლემა მოეგვარებინა, ამავდროულად, არსებობდა შანსი, რომ ევროკავშირს ეს დავალიანება ეპატიებინა.

„ქართულ ოცნებას“ რომ ეთქვა „სესხის აღებაზე უარს ვამბობთ, მაგრამ პირობებს მაინც შევასრულებთ“, ეს სხვა საკითხი იქნებოდა, მაგრამ გამოვიდა ისე, რომ არც ფულს იღებენ და არც ვალდებულებას ასრულებენ. აქ უკვე პრობლემა გვაქვს. ევროკავშირი მემორანდუმში პირობებს იმიტომ დებს, რომ საქართველოსთან დაახლოება უნდა, ცდილობს საქართველოში გატარდეს დემოკრატიული რეფორმები და ა.შ.

ასეთი გადაწყვეტილებებით ჩვენ ევროკავშირთან დაახლოებისთვის ბარიერებს ვიქმნით. როგორც ჩანს მთავრობა ვერ ელევა თავის ავტორიტარულ ბერკეტებს, რომელიც ქვეყნის ინტერესებისთვის უნდა დათმოს. ასეა ძალიან ბევრი მთავრობა, მაგალითად თურქეთი, სადაც ევროკავშირში გაწევრიანების შესახებ მოლაპარაკებები 2004 წელს დაიწყო, თუმცა დღეს ეს პროცესი ფაქტობრივად შეჩერებულია. როგორც ჩანს ჩვენს მთავრობასაც აქვს ეს ნაკლი“, - აღნიშნა კახა გოგოლაშვილმა.

აგრეთვე წაიკითხეთ:

⭕ „ევროპარლამენტარი არ არის ჩემი უფროსი, ჩვენი უფროსი არის ქართველი ხალხი“ - პრემიერი

⭕ საქართველომ ვერ შეძლო სათანადოდ შეესრულებინა მაკროფინანსური დახმარების მიღების პირობა - ევროკავშირის წარმომადგენლობა

⭕ „დახმარებაზე უარის თქმა იმ სტრატეგიის ნაწილია, რომ საქართველო დასავლეთს ჩამოშორდეს“ - იან კელი

„თავისუფლება მიშას“ -
რუსთავის ციხესთან
სააკაშვილის მხარდამჭერი
აქცია დაიწყო

„თავისუფლება მიშას“ - რუსთავის ციხესთან...

რუსთავის N12 სასჯელაღსრულების დაწესებულებასთან საქართველოს მესამე პრეზიდენტის მიხეილ სააკაშვილის გათავისუფლების მოთხოვნით საპროტესტო აქცია დაიწყო.

თელავს სჭირდება განვითარება და ამისთვის საუკეთესო კანდიდატი არის ლევან ანდრიაშვილი, რომელიც 30 ოქტომბერს გამარჯვების შემდეგ თელავის ღირსეული მერი იქნება, - განაცხადა „ქართული ოცნების“ თავმჯდომარე ირაკლი კობახიძემ თელავში გამართული შეხვედრის შემდეგ.

1635087442

ქუთაისი ჩემი დედულეთია და მე მივეცი ჩემს თავს უფლება ჩამოვიდე და ასე ხმამაღლა დავუდგე გვერდით ბატონ სოსოს, - ამის შესახებ ხათუნა ჟორდანიამ ქუთაისში „ქართული ოცნების“ მერობის კანდიდატის იოსებ ხახალეიშვილის მხარდამჭერ შეხვედრაზე განაცხადა.

1635084330

საქართველოს პროკურატურამ ბათუმში მომხდარი მკვლელობის ფაქტზე ერთ პირს ბრალდება განზრახ მკვლელობის, ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვა ტარების მუხლებით წარუდგინა. ამის შესახებ ინფორმაციას პროკურატურა ავრცელებს.

1635083551

„მოგეხსენებათ, თელავში ჩვენ გვყავს ძალიან ღირსეული კანდიდატი, ლევან ანდრიაშვილი, ძალიან წესიერი, კეთილსინდისიერი კაცი, გამოცდილი საჯარო მოხელე, რომელმაც თავისი საქმიანობით დაამტკიცა, რომ არის წარმატებული ახალგაზრდა კაცი, მოტივირებული თავისი თელავისთვის და თელაველებისთვის“, - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებს თელავში განუცხადა.

1635083233
1 დაღუპული და 7 დაშავებული -
ტერორისტული თავდასხმა
უგანდაში

1 დაღუპული და 7 დაშავებული - ტერორისტული თავდ...

უგანდას დედაქალაქ კამპალაში ტერორისტულ თავდასხმას ერთი ადამიანის სიცოცხლე ემსხვერპლა, - ამის შესახებ ინფორმაციას „როიტერი“ ავრცელებს.

რუსთავში დავით კირკიტაძის საარჩევნო შტაბ...

რუსთავში, შარტავას გამზირზე დავით კირკიტაძის საარჩევნო შტაბთან ცოტა ხნის წინ დაპირისპირება იყო.

ირაკლი კობახიძე: თიანეთში გვყავს ძალიან...

თიანეთში გვყავს ძალიან ღირსეული კანდიდატი ლევან წიკლაური, მას პირველ ტურშიც ძალიან დიდი უპირატესობა ჰქონდა, აქედან გამომდინარე, არ გაუჭირდება მეორე ტურში მოგება, - განაცხადა „ქართული ოცნების“ თავმჯდომარე ირაკლი კობახიძემ თიანეთში გამართული შეხვედრის შემდეგ.

ირაკლი ღარიბაშვილისა და ირაკლი კობახიძის...

გრძელდება საქართველოს პრემიერ-მინისტრ ირაკლი ღარიბაშვილის და „ქართული ოცნების“ თავმჯდომარის ირაკლი კობახიძის შეხვედრები იმ მუნიციპალიტეტებში, სადაც 30 ოქტომბერს ადგილობრივი თვითმმართველობის არჩევნების მეორე ტური გაიმართება. ამის შესახებ ინფორმაციას „ქართულ ოცნებაში“ ავრცელებენ.