ინფიცირების გაორმაგებული მაჩვენებელი - კვირის ეპიდსიტუაცია საქართველოში

1600618648

მიმდინარე კვირაში საქართველოში კორონავირუსმა ახალი რეკორდი დაამყარა. ქვეყანაში, 14 სექტემბრიდან 20 სექტემბრის ჩათვლით, კორონავირუსის 1 275 ახალი შემთხვევა დადასტურდა, ხოლო 126 პაციენტი გამოჯანმრთელდა.

მნიშვნელოვანია, რომ აღნიშნული მონაცემები გასულ კვირასთან შედარებით, გაორმაგებულია.

შემთხვევების ახალი რეკორდი - 196, მიმდინარე კვირაში, 15 სექტემბერს დაფიქსირდა. იგივე მაჩვენებელი 20 სექტემბერს განმეორდა.

თარიღი	ინფიცირებული	გამოჯანმრთელებული
14 სექტემბერი	165	4
15 სექტემბერი	170	11
16 სექტემბერი	196	31
17 სექტემბერი	179	10
18 სექტემბერი	182	13
19 სექტემბერი	187	46
20 სექტემბერი	196	13

კვლავ უცვლელია კორონავირუსი დიაგნოზით გარდაცვლილთა რიცხვი -19.

აღნიშნულ პერიოდში კორონავირუსი კიდევ ერთ პოლიტიკოსს, პარტია „ჩვენი საქართველო - სოლიდარობის ალიანსის“ პოლიტსაბჭოს წევრს, ჯაბა ჯიშკარიანს დაუდასტურდა.

ინფიცირების მაჩვენებლით კვლავ წითელ ზონად რჩება აჭარის რეგიონი, სადაც ყოველდღიურად 100-ზე მეტი შემთხვევა ფიქსირდებოდა.