„პარლამენტის გარეთ პოლიტიკური ბრძოლა არც შედეგიანია და არც მხარდაჭერილია უცხოელების მხრიდან“ - საყვარელიძე
1609753917
„პარლამენტის გარეთ პოლიტიკური ბრძოლა არც შედეგიანია და არც მხარდაჭერილია უცხოელების მხრიდან,“ - ამის შესახებ ახალი ამბების სააგენტო Pia.ge-ს მიმდინარე პოლიტიკურ პროცესებთან დაკავშირებით ექსპერტმა, პოლიტოლოგმა რამაზ საყვარელიძემ განუცხადა.
საყვარელიძის თქმით, იმ სირთულეში, რომელშიც ოპოზიციამ თავისი თავი შეიყვანა, პარტიის ბევრი წევრისთვის მიუღებელი აღმოჩნდება.
რამაზ საყვარელიძე აცხადებს, რომ რიგი ადამიანებისა ჩათვლის, რომ არაპერსპექტიული სტრატეგიის შესრულებას ჯობია საკუთარი ინდივიდუალური ნაბიჯების გადადგმა
„ამ წელს გაუგებარი ბევრი რამ იქნება. პოზიცია, რაც ოპოზიციურ პარტიებს უკავიათ, რომ ბოიკოტი არის ბრძოლის საშუალება, ამ პოზიციის შედეგიანობა არის საეჭვო.
ეს რომ საეჭვოა გვეუბნება ყველა პარტნიორი, ოპოზიციას ყველა უცხოელი პარტნიორი მოუწოდებს, რომ შევიდნენ პარლამენტში და იქ იბრძოლონ. პარლამენტის გარეთ პოლიტიკური ბრძოლა არც შედეგიანია და არც მხარდაჭერილია უცხოელების მხრიდან.
ამ სირთულეში, რომელშიც ოპოზიციამ შეიყვანა თავისი თავი, ოპოზიციური პარტიების ბევრი წევრისთვის მიუღებელი აღმოჩნდება. ალბათ მიუღებელი ახლაც არის, ჯერჯერობით ხმას ვერ იღებენ, მაგრამ როგორც კი გაიხსნება ასე ვთქვათ, მსვლელობა საკანონმდებლო ორგანოსკენ პარლამენტისკენ ბევრი დაიძრება, იმიტომ რომ დანახვა იმისა, რას იძლევა ბოიკოტის რეჟიმში ყოფნა პრაქტიკულად შეუძლებელია.
ეს კითხვა სულ ჩნდება ოპოზიციურ პარტიებში, გაიხსენეთ ალეკო ელისაშვილის პარტიაში იყო გაჟღერებული ასეთი საკითხი. რიგი ადამიანებისა ჩათვლის, რომ არაპერსპექტიული სტრატეგიის შესრულებას ჯობია საკუთარი ინდივიდუალური ნაბიჯების გადადგმა“, - აცხადებს რამაზ საყვარელიძე.
👉 2020 წლის საპარლამენტო არჩევნები 31 ოქტომბერს გაიმართა. 21 ნოემბერს კი, 17 საარჩევნო მაჟორიტარულ ოლქში მეორე ტური ჩატარდა. მეორე ტური ოპოზიციის ბოიკოტის ფონზე გაიმართა.
👉 პარლამენტში შესასვლელად 1%-იანი ბარიერი 8 ოპოზიციურმა პარტიამ გადალახა, თუმცა არცერთი მათგანი არჩევნების შედეგებს არ აღიარებს. ისინი საპარლამენტო მანდატებზე უარს ამბობენ.
აგრეთვე წაიკითხეთ: 👇
✔️ პოლიტიკა და ეკონომიკა, როგორი იქნება საქართველოსთვის 2021 წელი? - რამაზ საყვარელიძის შეფასება
