ანალიტიკა

რას უქადის აფხაზეთის რკინიგზის აღდგენა საქართველოს

რას უქადის აფხაზეთის
რკინიგზის აღდგენა
საქართველოს
1613988614
დაკოპირებულია

ოკუპირებული აფხაზეთი რუსეთ-სომხეთის რკინიგზის პროექტში ჩართვას ითხოვს. რკინიგზის საკითხი ახალი არ არის და ის პერიოდულად იკვეთება 2011 წლის რუსულ-ქართული შეთანხმების ფარგლებში სავაჭრო დერეფნების შესახებ დისკუსიების დროს. ეს დერეფნები საშუალებას მისცემს სომხეთს გამოიყენოს როკის გვირაბი, ან აფხაზეთის რკინიგზა, როგორც ალტერნატიული გზა ზემო ლარსამდე.

ცენტრის პრეზიდენტი, „ჰაბ ჯორჯიას“ ექსპერტი, ლოგისტიკური საკითხების სპეციალისტი, პაატა ცაგარეიშვილი გვიხსნის, რომ ეს ინიციატივა ეკონომიკურად საქართველოსთვის მომგებიანი არ არის. ოთხი დაინტერესებული მხარიდან (სომხეთი, საქართველო, რუსეთი, აფხაზეთი), აფხაზეთს ყველაზე მეტად სჭირდება რკინიგზა.

„ყველაზე მეტად, აფხაზეთია დაინტერესებული ტრანზიტით, ამას მოსდევს რუსეთის ფედერაცია, რომელიც მიზნად ისახავს ტვირთნაკადების დივერსიფიკაციას ცენტრალური აზიიდან. შემდეგ სომხეთია, რომელსაც არ სურს თურქეთსა და აზერბაიჯანზე დამოკიდებულება. საქართველო ყველაზე ნაკლებად დაინტერესებული მხარეა, რადგან სომხეთის ტრანზიტი დასავლეთსა და რუსეთის პორტებში, აფხაზეთის რკინიგზის გარეშეც გაივლის საქართველოზე. მეორეც, აფხაზური სარკინიგზო მონაკვეთის შესაძლებლობები, თუნდაც, რეაბილიტაციის შემთხვევაში, იმდენად მცირეა, რომ ვერ გადააჭარბებს სომხეთის მიმართულებით მოძრაობას.

აფხაზეთის გავლით რკინიგზის გახსნა საქართველოსთვის მნიშვნელოვანი იქნება ერთადერთ შემთხვევაში: თუ რუსეთიდან შუა აზიაში საქართველოს ტერიტორიის გავლით საქონლის ნაკადი წელიწადში მინიმუმ 5-8 მილიონ ტონას გაუტოლდება, რაც ნაკლებად სავარაუდოა, რადგანაც ცენტრალური აზიის ტვირთებმა უკვე დაიმკვიდრეს ადგილი შემდეგ მარშრუტზე: რუსეთის გავლით , ვოლგა დონის არხით ან რუსეთის შავი ნავსადგურების გავლით, ამიტომ ნაკლებად სავარაუდოა, რომ ეს ტვირთი წამოვიდეს აქეთ წამოვიდეს. არსებობს კიდევ ერთი პერსპექტივა,-ირანისა და ინდოეთის ტვირთების გადმობირება, რაც რუსეთის ინტერესშია. ესეც პოლიტიკური ამბავია. ანუ, პოლიტიკა გვერდზე რომ გადავდოთ, ეკონომიკურად საქართველოსთვის მომგებიანი არ არის აფხაზეთის სარკინიგზო მიმოსვლის აღდგენა რუსეთთან.

ამით დამატებით სომხურ ტვირთს მოვიზიდავთ, რომელიც ისედაც დადის ამ მაგისტრალზე, შესაბამისად, ჩვენთვის ეკონომიკურად ნაკლებად მომგებიანია. პირიქით, დიდი ალბათობით, დავაზიანებთ ჩვენს ნავსადგურებს, რადგანც დავკარგავთ, რუსეთიდან სომხეთში მოძრავ ტვირთებს ჩვენი ნავსადგურების გავლით“, - განაცხადა სატრანსპორტო დერეფნის კვლევის ცენტრის პრეზიდენტმა.

მისივე განმარტებით, ოკუპირებული აფხაზეთის რკინიგზის პროექტის განხორციელების პერსპექტივები დამოკიდებულია პოლიტიკური საკითხების გადაწყვეტაზე და მაშინაც კი, თუ ამ საკითხზე შეთანხმება მოხდება, წმინდა ტექნიკური თვალსაზრისით, პერსპექტივები ბუნდოვანია. ცაგარეიშვილი განმარტავს, რომ ენგურის ხიდის აფეთქებამ აჩიგვარის სადგურამდე აფხაზური მონაკვეთი მთლიანად დაშალა. ოჩამჩირის სადგურიდან სოხუმისკენ მიმავალ გზასაც სჭირდება შეკეთება და ელექტრიფიკაცია, წინასწარი შეფასებით, მხოლოდ სარკინიგზო მაგისტრალის აღდგენა მინიმუმ 250 მილიონი დოლარი ჯდება, მოძრავი შემადგენლობის, სადგურებისა და საწყობების აღდგენის გარეშე. ცაგარეიშვილი ეჭვობს, ვინმეს ამ თანხის გადახდა უღირდეს. ექსპერტის მტკიცებით, იმისათვის, რომ რკინიგზამ ყოველწლიურად შეინახოს საკუთარი თავი, მასზე, მინიმუმ, 3 მილიონი ტონა ტვირთი უნდა მოძრაობდეს, რაც აფხაზეთი-რუსეთის ხაზზე ნაკლებად წარმოსადგენია.

სატრანსპორტო დერეფნის კვლევის ცენტრის პოზიციას სრულად იზიარებენ პროფესიონალ რკინიგზელთა კლუბშიც. კლუბის პრეზიდენტი დათო გოჩავა ამბობს, რომ აფხაზეთის რკინიგზის საკითხი პოლიტიკურადაა მოტივირებული და საქართველოსთვის არც ეკონომიკური, არც პოლიტიკური თვალსაზრისით მომგებიანი არ არის.

„სარკინიგზო ხაზი ოჩამჩირიდან ინგირის რკინიგზის სადგურამდე საერთოდ არ არსებობს, ხოლო ის რაც არის ოჩამჩირემდე, არასახარბიელო მდგომარეობაშია; ვინ უნდა აღადგინოს ეს ხაზი? აღდგენის შემდეგ რა ტვირთმა უნდა იმოძრაოს ამ ხაზზე და რა მოცულობით, რომ ხარჯები აანაზღაუროს? ეს ხაზი სსრკ-ს გეგმიანი ეკონომიკის პირობებში ფუნქციონირებდა, ანუ გარანტირებულ ტვირთნაკადს ემსახურებოდა. თავისუფალი ბაზარი ამ ხაზს რენტაბელურს ვერ გახდის, რადგან ტვირთნაკადი, ერთი მხრივ, არასაკმარისი იქნება, მეორე მხრივ, თვით ხაზს რთული რელიეფის და იმის გამოც, რომ ერთლიანდაგიანია, შეზღუდვა აქვს გამტარუნარიანობის თვალსაზრისით. შემდეგი საკითხია, - რკინიგზის ექსპლუატაციისთვის აუცილებელი ტექნიკური პერსონალი,- რუსეთმა უნდა დაასაქმოს ხომ თავისი ხალხი? აბა, აფხაზებს რკინიგზის სპეციალისტი და პროფესიონალი საერთოდ არ ჰყავთ, ყოველ შემთხვევაში, ხაზის ნორმალური ფუნქციონირებისათვის საკმარისი. ანუ, საქართველოს სარკინიგზო სისტემის აფხაზეთის ტერიტორიაზე გამავალი უბნის გახსნა მოცემულ მომენტში, არც ეკონომიკური, არც პოლიტიკური თვალსაზრისით, საქართველოსთვის მომგებიანი არ არის“ - განაცხადა დავით გოჩავამ.

დავით ზალკანიანი და ივანე
მაჭავარიანი

საქართველოს ორი ვიცე-პრემიერი ეყოლება

საქართველოს ორი ვიცე პრემიერ-მინისტრი ეყოლება. ამის შესახებ მთავრობის მეთაურმა ირაკლი ღარიბაშვილმა მთავრობის სხდომის დაწყების წინ განაცხადა. 

შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის თანამშრომლებმა 2019 წლიდან განზრახ მკვლელობის მცდელობისთვის და ცეცხლსასროლი იარაღის მართლსაწინააღმდეგოდ ტარებისთვის ძებნილი პირი - 1972 წელს დაბადებული ბ.გ. ზუგდიდის მუნიციპალიტეტში დააკავეს, - ამის შესახებ ინფორმაციას შსს-ს პრესსამსახური ავრცელებს.

1614248446

საპარლამენტო არჩევნებთან დაკავშირებით დროებითი საგამოძიებო კომისიის ოთხი წევრის ვინაობა ცნობილია.

1614247744

საპარლამენტო უმრავლესობის წევრს გივი მიქანაძეს კორონავირუსი დაუდასტურდა. 

1614247682

2018 წელს განათლების საერთაშორისო ცენტრის კურსდამთავრებულთა ასოციაცია დაფუძნდა, რომელიც დღემდე აქტიურად ახორციელებს საინტერესო პროექტებს სტიპენდიატებისა და კურსდამთავრებულების ჩართულობით.

1614247492
უმრავლესობის წევრი,
ვიცე-სპიკერი გიორგი
ვოლსკი

„სიტყვა „შეშფოთებას“ თუ ვხმარობთ, შეშფოთება ს...

პარლამენტის პირველმა ვიცე-სპიკერმა, გია ვოლსკიმ აღნიშნა რომ ნიკა მელიას გათავისუფლების თემაზე კონგრესსა და სენატში პოლიტიკურ ლიდერებს თავიანთი პოზიციები აქვთ.

მისი თქმით, ოპოზიცია მოლაპარაკების  მოწოდებას არ მიიღებს და მათთვის საფიქრალია, როგორ გამოვიდნენ იმ ზეწოლიდან, რასაც საერთაშორისო თანამეგობრობა კიდევ უფრო მოუმატებს.

„პოლიტპატიმრები მელია და რურუა უნდა გამო...

„ევროპული საქართველოს“ ერთ-ერთის ლიდერის გიგა ბოკერიას განცხადებით „ივანიშვილის რეჟიმი გონს უნდა მოვიდეს და პოლიტიკური ნიშნით დაკავებული ადამიანები უნდა გათავისუფლდნენ“. 

შვედეთის საგარეო პოლიტიკის 2021 წლის სტრ...

24 თებერვალს, რიქსდაგში 2021 წლის საგარეო პოლიტიკის საკითხების შესახებ განცხადების წარდგენისას, შვედეთის საგარეო საქმეთა მინისტრმა და ეუთოს მოქმედმა თავმჯდომარემ, ან ლინდემ მიმდინარე კონფლიქტებზე, მათ შორის საქართველოს თემაზეც ისაუბრა. 

დევნილთა სააგენტოს დირექტორმა იუნკერთა მ...

დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორმა ბესარიონ სიმონიშვილმა კოჯორში, იუნკერთა მემორიალი გვირგვინით შეამკო და საქართველოს დამოუკიდებლობისთვის ბრძოლაში დაღუპულ გმირებს პატივი მიაგო, - ამის შესახებ ინფორმაციას დევნილთა სააგენტო ავრცელებს.