BETEK FAYFIKS კითხვებს არ ტოვებს – წებოცემენტი ინტერიერისა და ექსტერიერისთვის

კერამიკული თუ კერამოგრანიტის ფილების შერჩევის შემდეგ მთავარი საკითხია, რომელი წებოცემენტით უნდა დაიგოს ის. „ნოვაში“ წარმოდგენილია წებოცემენტი BETEK FAYFIKS, რომელიც საუკეთესოა როგორც იატაკზე, ისე კედელზე ფილების გასაკრავად.

წებოცემენტის შეძენამდე აუცილებლად უნდა გაესაუბროთ „ნოვას“ პროფესიონალ კონსულტანტებს, რათა უნებლიე შეცდომებისა და, შესაბამისად, ზედმეტი დანახარჯებისგან თავი დაიზღვიოთ. კონსულტანტს აუცილებლად უნდა უთხრათ, სად აპირებთ წებოცემენტის გამოყენებას – ინტერიერში თუ ექსტერიერში. თუ, მაგალითად, ტერასაზე აპირებთ კერამოგრანიტის დაგებას, ამ შემთხვევაში აუცილებლად ყინვაგამძლე წებოცემენტი BETEK FAYFIKS TA-15 უნდა შეიძინოთ; თუ ინტერიერში გეგმავთ სამუშაოებს, ამ შემთხვევაში სტანდარტული BETEK FAYFIKS დაგჭირდებათ და მას თითქმის ნახევარ ფასად შეიძენთ.

კიდევ ერთი შეცდომა, რასაც ადამიანები ხშირად უშვებენ, რაოდენობის არასწორი გათვლაა. კონსულტანტს აუცილებლად უნდა მიაწოდოთ ინფორმაცია, სამუშაოების ჩასატარებელი ფართობის ზომის შესახებ. მაგალითად, ინტერიერში კერამოგრანიტის იატაკს აგებთ 100 კვ/მ ფართობზე, ხოლო ტერასის ფართობი, რომელიც ასევე მოსაპირკეთებელია, 50 კვ/მ-ს შეადგენს. იმის გათვალისწინებით, რომ სტანდარტულ პირობებში ერთი ტომარა წებოცემენტი (25 კგ) 4-5 კვ/მ ფართობს ფარავს, ინტერიერისთვის 20-25 ტომარა BETEK FAYFIKS დაგჭირდებათ, ხოლო ტერასისთვის – 10-12 ტომარა BETEK FAYFIKS TA-15. თუმცა, ეს რაოდენობრივი სტანდარტი შეიძლება არ იყოს საკმარისი მოსაპირკეთებელი ზედაპირის მდგომარეობიდან გამომდინარე. რაც უფრო სწორია ზედაპირი, მით ნაკლები წებოცემენტი იხარჯება.

რაში და როგორ ვიყენებთ

მიუხედავად საუკეთესო ტექნიკური მახასიათებლებისა, BETEK FAYFIKS ყველაფერზე პასუხისმგებელი ვერ იქნება. აუცილებელია კარგად და სწორად იყოს მომზადებული ბაზა (კედელი, მოჭიმული იატაკი), რომ BETEK FAYFIKS-მა საქმე იდეალურად შეასრულოს.

მაშ ასე, პირველ რიგში უნდა დარწმუნდეთ, რომ დასამუშავებელი ზედაპირი მყარი, მშრალი და სუფთაა. ასევე, მაქსიმალურად უნდა მოასწოროთ შესაღები არეალი. წებოცემენტის წასმამდე ზედაპირი წყლით უნდა გაჟღინთოთ, რათა მასალა უკეთესად შეწებდეს.

წებოცემენტის მოსამზადებლად საჭიროა შესაბამისი ზომის ჭურჭელი, რომელშიც ჯერ 5,5-6,5 ლიტრი წყალი უნდა ჩაასხათ და შემდეგ ნელ-ნელა დაამატოთ 25 კგ FAYFIKS. სრულად გაზავების შემდეგ 5 წუთი უნდა გააჩეროთ, ხოლო ფილებსა და ზედაპირზე წასმამდე კიდევ 1-2 წუთის განმავლობაში უნდა მოზილოთ. მომზადებული ულუფის გახარჯვის რეკომენდებული ვადაა 20 წუთი.

• დიდი ზომის ფილების დაგების შემთხვევაში წებოცემენტი უნდა წაუსვათ როგორც მოსაპირკეთებელ ზედაპირს, ისე ფილის უკანა მხარეს.
• ფილების სწორად დაგებისთვის აუცილებლად უნდა გამოიყენოთ ფილების ჯვარედინი გამყოფები.
• ინტერიერში სამუშაოების შესრულების დროს რეკომენდებული ტემპერატურაა +5–30 °C.

რაც შეეხება შენახვას, გაუხსნელი ტომარა 6 თვის განმავლობაში ინახება გრილ ადგილზე, სადაც მზის სხივი არ მოხვდება. ამ პერიოდში შეგიძლიათ მისი გამოყენება, საგარანტიო ვადის გასვლის შემდეგ კი ის გარკვეულ თვისებებს კარგავს და უმჯობესია მისი უტილიზაცია დადგენილი ნორმების შესაბამისად. დაუშვებელია ვადაგასული წებოცემენტის გადაგდება ნაგვის ურნაში, ამას შესაძლოა დაჯარიმებაც მოჰყვეს.

მოარიდეთ ბავშვებს და დაიცავით უსაფრთხოების ნორმები

წებოცემენტი არ უნდა მოგხვდეთ თვალში, რადგან თვალის გარსის მწვავე გაღიზიანებას იწვევს. თუ მაინც მოხდა ისე, რომ ფხვნილი თვალებში შეგეყარათ, დაუყოვნებლივ და ხანგრძლივად დაიბანეთ წყლით. წებოცემენტი ისეთ ადგილზე უნდა შეინახოთ, სადაც ბავშვებს ხელი არ მიუწვდებათ. არ უნდა შეისუნთქოთ წებოცემენტის მტვერი. ამისთვის საკმარისია ჩვეულებრივი პირბადეც, რომელიც პანდემიის გამო ჩვენი ცხოვრების განუყოფელი ნაწილი გახდა.