მთავარი

ძიება

ვიდეო

ქვიზები

კონტაქტი

ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე

„თეთრი კვადრატის“ დირექტორი ირაკლი ბურდილაძე

„დეველოპერული კომპანია „თეთრი კვადრატი“, როგორც კლიენტზე მორგებული, მოქნილი ბრენდი, ექსკლუზიურ სიახლეს, ბინის შეძენას ლარში, სთავაზობს უძრავი ქონების ბაზარს“, - ამის შესახებ ინფორმაციას „თეთრ კვადრატში“ ავრცელებენ.

მათივე თქმით, მულტიფუნქციურ პროექტში, საბურთალოს გულში, შარტავას ქუჩაზე ახლა უკვე ლარში, უპროცენტო შიდა განვადებით არის შესაძლებელი ბინის შეძენა.

როგორც „თეთრ კვადრატში“ აცხადებენ, შეთავაზება განსაკუთრებით საინტერესოა იმ კლიენტებისთვის, ვისი შემოსავალიც არის ლარში. „თეთრი კვადრატი“ მათ სთავაზობს ბინის შეძენის სტაბილურ გზას - კონტრაქტის გაფორმების მომენტიდან, ბინის ღირებულება ლარში აღარ შეიცვლება.

„მერყევი ვალუტის კურსი ყოველთვის იყო ბარიერი ბინის შეძენისას, ამ შეთავაზებით კი ვცდილობთ, რაც შეიძლება მეტი ადამიანისთვის გავხადოთ ბინის შეძენა ხელმისაწვდომი.

გარდა ამისა, ეროვნული ბანკის სტრატეგიაა დედოლარიზაცია. ვფიქრობ, რომ ამ შეთავაზებით ჩვენს წვლილს შევიტანთ ლარიზაციის პროცესში“, - აცხადებს „თეთრი კვადრატის“ მმართველი პარტნიორი ირაკლი ბურდილაძე.

გარდა ამისა, კომპანია კლიენტებს შესაძლებლობას აძლევს, თავად აირჩიონ მათთვის კომფორტული განვადების გრაფიკი და ბინის ჩაბარების კონდიცია, თეთრი კარკასი ან სრული რემონტი.

ინფორმაციისთვის, „თეთრი კვადრატი“ კლიენტზე მორგებული, მოქნილი ბრენდია, რომლის უკან 11-წლიანი გამოცდილება დგას.

„თეთრი კვადრატი შარტავა“, საბურთალოზე, შარტავას ქუჩა 43-ში მდებარეობს, 2 წუთის სავალზე ჟვანიას მოედნიდან. პროექტი დაფინანსებულია საქართველოს ბანკის მიერ.

პროექტი განსაკუთრებით საინტერესოა აქტიური ცხოვრების მოყვარულებისთვის, საინვესტიციოდ თუ საცხოვრებლად.