მთავარი

ძიება

ვიდეო

ქვიზები

კონტაქტი

ერდოღანმა სომხების გენოციდის გასაგრძელებლად ათასობით დაქირავებული ისლამისტი გაგზავნა - ფრანგი ევროპარლამენტარი

ფრანგი ევროპარლამენტარი

თურქების მიერ სომხების გენოციდის გასაგრძელებლად ერდოღანმა ყარაბაღში ათასობით დაქირავებული ისლამისტი მებრძოლი გაგზავნა. ამის შესახებ „არმენპრესი“ ფრანგი ევროპარლამენტარის ნიკოლას ბეის განცხადებაზე დაყრდნობით იტყობინება.

გამოცემის თანახმად, ევროპარლამენტარმა აღნიშნა, რომ დაქირავებული ისლამისტების რაოდენობა 3000-დან 4000-მდეა.

„თუ ევროპულ ქვეყნებს არ შეეძლებათ ადეკვატურად უპასუხონ ერდოღანის გამოწვევას, ის ხვალ შეძლებს მისი იმპერიალისტური ისლამისტური ოცნების განხორციელებას, ხოლო აქ, ბრიუსელში, ჩვენ კიდევ ვმსჯელობთ დეტალებზე.

ათასობით დაქირავებული ისლამისტი, რომლებიც ისლამური სახელმწიფოს მიერ ორგანიზებულ საომარ დანაშაულებში იყვნენ ბრალდებულნი, ერდოღანმა 80 წლის წინ ოსმალეთის იმპერიის მიერ ჩადენილი სომხური გენოციდის გასაგრძელებლად გაგზავნა და ეს პრეზიდენტმა მაკრონიმ იცის“, - აღნიშნა ნიკოლას ბეიმ.

ინფორმაციისთვის, ცეცხლის შეწყვეტის შესახებ გაფორმებული შეთანხმების შემდეგ აზერბაიჯანი და სომხეთი ერთმანეთს შეთანხმების დარღვევაში ადანაშაულებენ.

მთიან ყარაბაღში ორ ქვეყანას შორის სამხედრო დაპირისპირება მიმდინარე წლის 27 სექტემბერს განახლდა.