კონფლიქტები

გაერო-ს გენერალურმა ასამბლეამ საქართველოს ოკუპირებული რეგიონებიდან ლტოლვილთა სტატუსის შესახებ რეზოლუცია მიიღო

გაეროს გენერალურ ასამბლეაზე, 54 ქვეყნის მიერ ინიცირებული რეზოლუცია, საქართველოში იძულებით გადაადგილებული პირებისა და ლტოლვილების სტატუსზე, 84 ხმით გავიდა.
20:36 03.09
დაკოპირებულია

გაერო-ს გენერალურმა ასამბლეამ „აფხაზეთიდან, საქართველო და ცხინვალის რეგიონიდან/სამხრეთ ოსეთიდან, საქართველო იძულებით გადაადგილებულ პირთა და ლტოლვილთა სტატუსის შესახებ“ რეზოლუცია მიიღო. ამის შესახებ ინფორმაციას საგარეო საქმეთა სამინისტრო ავრცელებს.

მათივე ცნობით, რეზოლუციას მხარი 84-მა სახელწმიფომ დაუჭირა.

სგარეო საქმეთა სამინისტროს განმარტებით, მსოფლიოს სხვადასხვა რეგიონიდან რეზოლუციის თანაავტორთა რიგებს 54 ქვეყანა შეუერთდა, რაც გასულ წელთან შედარებით გაზრდილი მაჩვენებელია და აღნიშნული ფაქტი, ცხადყოფს, რომ ხსენებული რეზოლუცია უკვე გლობალურ ინიციატივას წარმოადგენს.

„აღსანიშნავია, რომ მიმდინარე წელს, მსოფლიო მასშტაბით COVID-19-ის პანდემიით გამოწვეული შეზღუდვებიდან გამომდინარე, საქართველოს დიპლომატიურ სამსახურს უპრეცედენტო სირთულეების პირობებში მოუხდა რეზოლუციის მხარდამჭერი კამპანიის წარმოება. პანდემიით გამოწვეული იძულებითი ცვლილებების მიუხედავად, რამაც გაერო-ს გენერალურ ასამბლეაზე კენჭისყრის გამართვა რამდენიმე თვით შეაჩერა, საქართველოს რეზოლუცია ერთ-ერთი პირველი იყო, რომელიც გენერალურმა ასამბლეამ მუშაობის განახლებისთანავე მიიღო.

ქართული დიპლომატიის დიდ წარმატებად უნდა ჩაითვალოს ის ფაქტიც, რომ გაერო-ს სხვადასხვა ორგანოში მოქმედი მკაცრი რეგულაციებისა და შეზღუდვების მიუხედავად, საქართველომ შეძლო და შეინარჩუნა ყოველწლიური დინამიკა, რაც გულისხმობს, როგორც დევნილების შესახებ გაერო-ს გენერალური ასამბლეის რეზოლუციის, ასევე, საქართველოს ოკუპირებულ რეგიონებში არსებული მდგომარეობის შესახებ გაერო-ს ადამიანის უფლებათა საბჭოს რეზოლუციის მიღებას.

გაერო-ს გენერალურ ასამბლეაზე აღნიშნულ რეზოლუციას საქართველო 2008 წლიდან წარადგენს. რეზოლუცია გმობს საქართველოს ოკუპირებულ რეგიონებში ძალისმიერი გზით განხორციელებულ დემოგრაფიულ ცვლილებებს, ადასტურებს დევნილთა უფლებას, ეთნიკური კუთვნილების მიუხედავად, დაბრუნდნენ საკუთარ სახლებში ღირსეულად და უსაფრთხოდ და ხაზს უსვამს მათი საკუთრების უფლების პატივისცემისა და დაცვის აუცილებლობას.

ჰუმანიტარული კონტექსტის გარდა რეზოლუციას აქვს პრაქტიკული დატვირთვა, ვინაიდან ის გაერო-ს გენერალურ მდივანს საქართველოში მცხოვრები დევნილი მოსახლეობის მდგომარეობისა და რეზოლუციის შესრულების თაობაზე ყოველწლიური ანგარიშის მომზადებას ავალებს. აღნიშნული განსაკუთრებულ მნიშვნელობას იძენს საქართველოს ოკუპირებულ ტერიტორიებზე ადამიანის უფლებათა კუთხით არსებული მძიმე ვითარებისა და საერთაშორისო მონიტორინგის მექანიზმების არარსებობის ფონზე, რაც კიდევ ერთ დაბრკოლებას წარმოადგენს იძულებით გადაადგილებულ პირთა და ლტოლვილთა უსაფრთხო და ღირსეული დაბრუნების გზაზე.

რეზოლუცია, ასევე, მოუწოდებს ჟენევის მოლაპარაკებების მონაწილეებს, გაააქტიურონ ძალისხმევა საქართველოს ოკუპირებულ რეგიონებში უსაფრთხოებისა და ადამიანის უფლებების კუთხით არსებული მდგომარეობის გასაუმჯობესებლად, რაც, თავის მხრივ, ხელს შეუწყობს იძულებით გადაადგილებულ პირთა და ლტოლვილთა საკუთარ სახლებში დაბრუნების პროცესს.

საქართველოს საგარეო საქმეთა სამინისტრო მადლობას უხდის ყველა იმ სახელმწიფოს, რომელმაც მხარი დაუჭირა რეზოლუციას და გახდა ინიციატივის თანაავტორი. აღნიშნული გადაწყვეტილებით თითოეულმა ქვეყანამ კიდევ ერთხელ დაუჭირა მხარი იძულებით გადაადგილებული პირებისა და ლტოლვილთა დაბრუნების უფლებას და თანადგომა გამოუცხადა თითოეულ დევნილს“, - ნათქვამია საგარეო საქმეთა უწყებაში.

სომხეთ-აზერბაიჯანის კონფლიქტი - LIVE

სომხეთ-აზერბაიჯანის კონფლიქტი - უახლესი...

ახალი ამბების სააგენტო Pia.ge გაგაცნობთ ყარაბაღის ტერიტორიაზე მიმდინარე სამხედრო...
37 წუთის წინ
აზერბაიჯანული მხარის ინფორმაციით, სომხეთის შეიარაღებული ძალების მიერ გახსნილი ცეცხლის შედეგად ქალაქ...
28 წუთის წინ
საპენსიო სააგენტომ საინვესტიციო პოლიტიკის დოკუმენტი დაამტკიცა. საინვესტიციო პოლიტიკა განსაზღვრავს სა...
32 წუთის წინ
სომხეთი მთიანი ყარაბაღის კონფლიქტის მშვიდობიანი გადაწყვეტის ერთგულია, ამის შესახებ სომხეთის საგარეო...
38 წუთის წინ
არაღიარებული მთიანი ყარაბახის ფრონტის ხაზზე არსებული მდგომარეობის შესახებ საქართველოში აზერბაიჯანის...
58 წუთის წინ
ხიდის მშენებლობა მორჩა მარნეულში შაუმიანი-ხიხანის დამაკავშირებელი ხი...
მარნეულში შაუმიანი-ხიხანის დამაკავშირებელი ხიდის მშენებლობა დასრულდა. ინფორმაციას მარნეულის მუნიციპა...
12:25
გაბუნია: სიმპტომების გამოვლენიდან 8 დღეშ...
ჯანდაცვის მინისტრის მოადგილის თამარ გაბუნიას განცხადებით, უწყებამ უსიმპტომო პირე...
სპს ალექსანდრე კობაიძეს უჩივის
სპეციალურმა პენიტენციურმა სამსახურმა საქართველოს ადვოკატთა ასოციაციის ეთიკის კომ...
აზერბაიჯანი სომხურ მხარეს ახლო აღმოსავლე...
აზერბაიჯანი სომხურ მხარეს ახლო აღმოსავლეთიდან, მათ შორის სირიიდან ჩასული დაქირავ...