ტერორისტული ორგანიზაცია „ჰამასი“ ღაზის სექტორში სამხედრო ესკალაციის შეწყვეტას დათანხმდა. ამის შესახებ ორგანიზაციის წარმომადგენლებმა განცხადება თავად გაავრცელეს.
„ყატარის წარმომადგენლის, ელჩი მუჰამედ ალ-იმადის მიერ გამართული შეხვედრების შემდეგ მიღწეულია შეთანხმება სამხედრო ესკალაციისა და ისრაელის მხრიდან აგრესიული ქმედებების შეწყვეტის თაობაზე“, - ნათქვამია განცხადებაში.
28 აგვისტოს ისრაელის არმიამ ღაზაში „ჰამასის“ ობიექტებზე იერიში მიიტანა და დაბომბა. ისრაელის სამხედრო თვითმფრინავებმა და ტანკებმა ღაზის სექტორში „ჰამასის“ პოზიციები დაბომბეს. მანამდე კი სამხრეთ ისრაელის მიმართულებით „ჰამასმა“ 6 რაკეტა გაისროლა, რამაც სასოფლო-სამეურნეო ტერიტორიაზე ხანძარი გააჩინა.
ინფორმაციისთვის, დაჯგუფება „ჰამასი“ ღაზას სექტორის ნაწილს 1980-იანი წლებიდან აკონტროლებს.