მსოფლიო მასშტაბით კოვიდინფიცირებულთა რაოდენობამ 39 მილიონს გადააჭარბა. განახლებულ მონაცემებს Worldometers-ი აქვეყნებს.
ამავე მონაცემების თანახმად, ყოველდღიურად იზრდება ვირუსისგან გამოჯანმრთელებულთა რაოდენობაც. კოვიდინფექციის დამარცხება საერთო ჯამში 29 მილიონზე მეტმა ადამიანმა შეძლო. რაც შეეხება გარდაცვლილებს, მათი რიცხვი 1 მილიონს აჭარბებს.
ინფორმაციისთვის, მსოფლიოში კოვიდინფიცირების ყველაზე მაღალი მაჩვენებელი კვლავ ამერიკის შეერთებულ შტატებში ფიქსირდება. შტატები ამ კუთხით ისევ მოწინავე პოზიციაზეა. აშშ-ის შემდეგ, კოვიდვირუსის ზრდის მაღალი მაჩვენებელი ფიქსირდება ინდოეთში, ბრაზილიაში, რუსეთის ფედერაციასა და ესპანეთში.
კოვიდ 19-ის პირველი შემთხვევა ჩინეთში, უჰანის პროვინციაში 2019 წლის დეკემბერში დაფიქსირდა. ჩინეთის ხელისუფლებამ იანვარში დაადასტურა ინფორმაცია, რომ ინფექცია გადამდებია. ვირუსმა უკვე მოიცვა მსოფლიოს 200-ზე მეტი ქვეყანა. ჯანდაცვის მსოფლიო ორგანიზაციამ კორონავირუსი 11 მარტს პანდემიად გამოაცხადა.