გასული დღე-ღამის განმავლობაში ოკუპირებულ აფხაზეთში კორონავირუსის 87 ახალი შემთხვევა დადასტურდა. ინფორმაციას გამოცემა sputnik-abkhazia ავრცელებს.
არსებული ცნობით, ბოლო 24 საათში ოკუპირებულ აფხაზეთში კორონავირუსის ტესტი 482 ადამიანს ჩაუტარდა, აქედან 87 კი დადებითი აღმოჩნდა.
აგრეთვე გამოცემის ცნობით, ოკუპირებულ აფხაზეთში გასული დღე-ღამის განმავლობაში კორონავირუსით 2 ადამიანი გარდაიცვალა.
„ოკუპირებულ აფხაზეთში კორონავირუსის გამოვლენილი შემთხვევების საერთო რაოდენობა 6 400-მდე გაიზარდა, 4 498 პაციენტი განიკურნა, ხოლო 86 გარდაიცვალა“, - აღნიშნულია გამოცემის მიერ გავრცელებულ ინფორმაციაში.
ცნობისთვის, COVID-19 პანდემიად მიმდინარე წლის 11 მარტს გამოცხადდა.