აჭარაში კორონავირუსის 116 შემთხვევა გამოვლინდა
1600499418
აჭარაში კორონავირუსის 116 შემთხვევა გამოვლინდა. ბოლო 24 საათის განმავლობაში რეგიონში 3500-ზე მეტი PCR ტესტი ჩატარდა.
არსებული ინფორმაციით, 24 ადამიანი გამოჯანმრთელდა, ხოლო 4-ის გამოჯანმრთელებას დღეს ელოდებიან.
დღეს არსებული მონაცემებით, სამედიცინო დაწესებულებებში მკურნალობის კურსს 486 პაციენტი გადის.
შეგახსენებთ, საქართველოში კოვიდინფიცირების 187 ახალი შემთხვევა გამოვლინდა.
19 სექტემბერის მდგომარეობით, საქართველოში კოვიდ-19-ის დადასტურებულ შემთხვევათა რაოდენობა 3306-მდე გაიზარდა.
