ალექსანდრე ანქვაბის მდგომარეობა დამძიმდა
1610963290
ოკუპირებული აფხაზეთის ე.წ. პრემიერ-მინისტრის ალექსანდრე ანქვაბის ჯანმრთელობის მდგომარეობა დამძიმდა. იგი ფილტვის ხელოვნურ ვენტილაციაზე გადაიყვანეს. ამის შესახებ ადგილობრივი მედია იუწყება.
ჯერჯერობით ალექსანდრე ანქვაბის მდგომარეობა სტაბილურად მძიმე რჩება.
მას კორონავირუსი გასული წლის 30 დეკემბერს დაუდასტურდა. 5 იანვარს იგი გუდაუთას საავადმყოფოში მოათავსეს, მდგომარეობის გართულების შემდეგ კი, 8 იანვარს სამკურნალოდ მოსკოვში გადაიყვანეს.
რუსეთის ფედერალურ სამეცნიერო და კლინიკურ ცენტრში იგი ორმხრივი პნევმონიით, სუნთქვის მწვავე უკმარისობის ნიშნებითა და წამლებით გამოწვეული ჰეპატიტის ნიშნებით მოათავსეს.
ალექსანდრე ანქვაბის მოვალეობას ე.წ. ვიცე-პრემიერი ვლადიმერ დელბა ასრულებს.
