პირველ სექტემბერს საქართველოში კორონავირუსის 23 ახალი შემთხვევა დადასტურდა. აქედან 1 ბათუმში, საკონდიტრო „დონას“ ერთ-ერთ თანამშრომელთან იყო დადასტურებული.
გასული დღე-ღამის განმავლობაში აჭარის რეგიონში კორონავირუსის 6 ახალი შემთხვევა დადასტურდა. როგორც საინფორმაციო სააგენტო PIA.GE-ს აჭარის საზოგადოებრივი ჯანდაცვის ცენტრის საზოგადოებასთან ურთიერთობის სამსახურის წარმომადგენელმა განუცხადა, კოვიდ-19 საკონდიტროს ერთ-ერთ მფლობელსაც დაუდასტურდა.
„კორონავირუსის კიდევ ერთი დადასტურებული შემთხვევის შესახებ რამდენიმე საათის წინ გახდა ცნობილი და ის საკონდიტრო „დონას“ ერთ-ერთი მფლობელია“,- აცხადებენ აჭარის საზოგადოებრივი ჯანდაცვის ცენტრში.
ცნობისთვის, ამ ეტაპზე საკონდიტროს თანამშრომლების კონტაქტების ნაწილი დადგენილია. მიმდინარეობს მათზე დაკვირვება სხვადასხვა მეთოდით, ზოგი მათგანი თვითიზოლაციაშია ზოგი კი კარანტინში.