დიდი ბრიტანეთის პრემიერ-მინისტრი ბორის ჯონსონი თვითიზოლაციაში ხელმეორედ გადავიდა. ამის შესახებ ინფორმაციას BBC-ი ავრცელებს.
გამოცემის ინფორმაციით, პრემიერმა თვითიზოლაციაში გადასვლის გადაწყვეტილება მას შემდეგ მიიღო, რაც ერთ-ერთ პირს კორონავირუსი დაუდგინდა. აღნიშნულ პირთან ჯონსონს შეხება ჰქონდა. BBC-ის ინფორმაციით, პირი პარლამენტის წევრი ლი ანდერსონია.
„არანაირი სიმპტომი არ მაქვს, მაგრამ წესებს ვიცავ და ვიმუშავებ სახლიდან“, - წერს ჯონსონი ტვიტერის პირად გვერდზე.
ინფორმაციისთვის, ბრიტანეთის პრემიერმა ერთხელ უკვე დაამარცხა კოვიდ-19. ჯონსონს კორონავირუსი აპრილში დაუდასტურდა.
ინფორმაციისთვის, დიდ ბრიტანეთში კორონავირუსის დადასტურებულ შემთხვევათა რაოდენობა 1 მლნ-ს აღემატება.