ინდოეთში კოვიდინფიცირებულთა რაოდენობამ 2 მლნ-ს გადააჭარბა. რეკორდული ზრდა 6 აგვისტოს დაფიქსირდა, რა დროსაც ვირუსი 62 170 ადამიანს დაუდასტურდა. ინფიცირებულთა ჯამური რაოდენობით ინდოეთი აშშ-ისა და ბრაზილიის შემდეგ მესამე ადგილს იკავებს, ზრდის ტემპით კი პირველზე.
ინდოეთში ვირუსმა უკვე 41 638 პაციენტი იმსხვერპლა და მათი რაოდენობა ყოველდღიურად 800-900 ადამიანით იზრდება.
მარტსა და აპრილში ფოტოებმა, როგორ უსწორდებოდნენ ინდოეთის ქალაქების ქუჩებში კარანტინის დამრღვევებს, მთელი მსოფლიო მოიარა. დესპოტურმა მეთოდებმა შედეგი არ გამოიღო. ვირუსი მაინც ტოტალურად გავრცელდა. მხოლოდ აგვისტოს 6 დღეში ინფიცირებულთა რაოდენობა 280 000-ით გაიზარდა.
ინდოეთის ეკონომიკური განვითარების დონითა და ჯანდაცვის სისტემის გათვალისწინებით, შესაძლოა ვივარაუდოთ, რომ ინფიცირებულთა რეალური რაოდენობა ოფიციალურზე გაცილებით მეტია.