დღეს საქართველოში კორონავირუსის 8 ახალი შემთხვევა დადასტურდა. თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, ახალი შემთხვევებიდან 3 იმპორტირებულია, რომლებსაც ვირუსი საკარანტინო სივრცეში დაუდასტურდათ, დანარჩენი 5 კი, დადასტურებულ პაციენტებთან კონტაქტია.
დღევანდელი სტატისტიკური მონაცემებით, საქართველოში კორონავირუსი კიდევ 5-მა პაციენტმა დაამარცხა.
ამ ეტაპზე, კოვიდცენტრებში 115 კოვიდინფიცირებული მკურნალობს.
კარანტინის რეჟიმში 4851 ადამიანი იმყოფება, სტაციონარში მეთვალყურეობის ქვეშ კი, 231 პაციენტი.