გურიაში, ოზურგეთისა და ჩოხატაურის მუნიციპალიტეტებში 3 სკოლა გაურკვეველი ვადით დაიკეტა. ამის შესახებ ახალი ამბების სააგენტო Pia.ge-ს დაავადებათა კონტროლის ეროვნული ცენტრის გურიის წარმომადგენლობის ხელმძღვანელმა არჩილ მჟავანაძემ განუცხადა.
მისივე ინფორმაციით, დღეს კოვიდინფიცირების კიდევ ერთი ახალი შემთხვევა დადასტურდა ლანჩხუთში.
„დღეს დაგვემატა კიდევ 1 კოვიდინფიცირების შემთხვევა. გურიაში 3 სკოლა დაიკეტა. დაიკეტა ოზურგეთის მუნიციპალიტეტის სოფელ ქვედა ბახვის საჯარო სკოლა, ჩოხატაურის მუნიციპალიტეტის სოფელი ჩხაკოურას სკოლა და ასევე ჩოხატაურის მუნიციპალიტეტის სოფელი ზოტის სკოლა. მიმდინარეობს მასიური კვლევა და კონტაქტების მოძიება“, - განაცხადა მჟავიამ.
ინფორმაციისთვის, საქართველოში 14 სექტემბერს კოვიდინფიცირების 165 ახალი შემთხვევა დადასტურდა, ხოლო 1 პაციენტი გამოჯანმრთელდა.