ინფექციური პათოლოგიის ცენტრში კოვიდინფექციაზე ჩატარებული 10 ტესტირებიდან არცერთ შემთხვევაში ვირუსი არ გამოვლინდა.
აღნიშნულის შესახებ ინფექციური საავადმყოფოს სამედიცინო დირექტორმა მარინა ეზუგბაიამ განაცხადა.
"დღეს დილით 10 ადამიანს ჩაუტარდა კორონავირუსზე ტესტირება. ათივესთან მიღებულ იქნა უარყოფითი პასუხი. ჩვენთან ტესტირებულ პაციენტებს არცერთს არ დაუდასტურდა კორონავირუსი", - განაცხადა მარინა ეზუგბაია.
ცნობისთვის, ამ ეტაპზე საქართველოში კოვიდ-19-ის 218 შემთხვევაა გამოვლენილი.