ჯანდაცვის მინისტრის მოადგილე: პირველი რიგის სწრაფი ტესტირება მაღალი რისკის ჯგუფებს შეეხება
1585221506
მთავრობის ადმინისტრაციაში საკოორდინაციო საბჭოს მორიგი სხდომა იმართება.
როგორც სხდომის დაწყების წინ ჯანდაცვის მინისტრის მოადგილემ თამარ გაბუნიამ აღნიშნა, პირველი ტესტირება ვირუსზე შეეხება მაღალი რისკის სიმპტომურ პაციენტებს. მისივე განმარტებით, სწრაფ ტესტს მაღალი სანდოობა აქვს.
"სიმპტომების გარეშე ტესტის გამოყენება არ მოხდება, კვლავაც არის ცენტრალიზებული მექანიზმი ხარისხის უზრუნველყოფის ტესტირების და ასე გარკვეული პერიოდი გაგრძელდება. ეს არის PCR ტესტი, რომელსაც აქვს ძალიან მაღალი სარწმუნოობა, ტესტის ტექნოლოგია არის აბსულუტურად იგივე რაც აქამდე ხდებოდა, უბრალოდ ხდება ნაცხის გადატანა იმ აპარატში, რომელიც მუშაობს უფრო სწრაფად", - განაცხადა გაბუნიამ და დასძინა, რომ გარდა მარნეულისა, სწრაფი ტესტების გამოყენება მოხდება ყველა სამიზნე ჯგუფში.
ცნობისთვის, 25 მარტს საქართველომ ჩინეთისგან კორონავირუსისა და სხვა რესპირატორული ვირუსის დასადგენი სწრაფი ტესტი მიიღო. ჯანდაცვის მინისტრმა ეკატერინე ტიკარაძემ განაცხადა, რომ მიუხედავად ტესტების დეფიციტისა, საქართველომ მოახერხა და 200 ათას ტესტზე ხელშეკრულება გააფორმა. მინისტრი ამბობს, რომ 200 ათს სწრაფ ტესტს საქართველო ეტაპობრივად მიიღებს.
ამ დროისთვის, საქართველოში ვირუსით ინფიცირებული 78 ადამიანია.
