ბოჭორიშვილის კლინიკაში კორონავირუსის დიაგნოზით 2 წლის ბავშვი შეიყვანეს. ამის შესახებ კლინიკის დირექტორმა კახა იშხნელმა განაცხადა.
"მას დადასტურებული აქვს კორონავირუსი, თუმცა ფაქტობრივად უსიმპტომოა",-აღნიშნა კახა იშხნელმა.
მისი თქმით, ბავშვის ინფიცირების წყარო გამოკვლეულია.
"დადასტურებული კლასტერია, რომლის ოჯახის წევრებიც მკურნალობენ, მშობლები არ არიან დაინფიცირებულები, ამიტომ დედას უწევს ბავშვთან ყოფნა. ამ კლასტერში ყველა კონტაქტი მოძიებულია",- განაცხადა კახა იშხნელმა.
ბავშვი ე.წ. "ვინოტელის" კლასტერიდანაა. კორონავირუსი მის ბებიასა და ბაბუას აქვს დადასტურებული.