ქუთაისის კლინიკა „ბომონდში“ 38 კვირის კოვიდინფიცირებულ ორსულს საკეისრო კვეთა წარმატებით ჩაუტარდა. ორსული ქალი ქუთაისში ბათუმის სამშობიარო სახლიდან 18 სექტემბერს გადაიყვანეს.
კლინიკის ხელმძღვანელობის განცხადებით, ახალშობილსა და დედას ყველა საჭირო კლინიკურ-ლაბორატორიული კვლევა ჩაუტარდათ. ბავშვის ჯანმრთელობის მდგომარეობა ამ ეტაპზე დამაკმაყოფილებელია.
ინფორმაციისთვის, ბათუმის სამშობიარო სახლში 15 კოვიდინფიცრებული ორსული პაციენტი რჩება. მათი მდგომარეობა სტაბილურია.