მესტიაში კორონავირუსის 17 შემთხვევა გამოვლინდა
1597044543
მესტიის მუნიციპალიტეტის სოფელ ლენჯერში კორონავირუსის 17 შემთხვევა გამოვლინდა. ამის შესახებ ჟურნალისტებს სამეგრელო-ზემო სვანეთის გუბერნატორის მოადგილემ ნინო ვიბლიანმა განუცხადა.
მისივე თქმით, ვირუსი სავარაუდოდ სვანეთში თბილისიდან ჩასული პირისგან გავრცელდა.
ინფიცირებულებს შორის 7 მესტიის მკვიდრია, 10 კი, სტუმარი.
პაციენტების ნაწილი კლინიკებში ამ წუთებში გადაჰყავთ, ნაწილი კი უკვე მოათავსეს თბილისისა და ქუთაისის კლინიკებში. ეპიდემიოლოგები ლენჯერში დღეს მთელი დღე იმუშავებენ. მიმდინარეობს ღრმა ეპიდკვლევა და ყველა მცხოვრებს ბიოლოგიურ მასალას აუღებენ.
