მსოფლიოში COVID-19-ით ინფიცირების რაოდენობამ 18 მილიონს გადააჭარბა
1596353241
მსოფლიოში კორონავირუსით ინფიცირების რიცხვმა 18 მილიონს გადააჭარბა და 18,026,72-ს მიაღწია. მათ შორის 11,334,985 გამოჯანმრთელებულია, 688,982 გარდაცვლილი.
კორონავირუსით ინფიცირების დადასტურებულ შემთხვევათა რაოდენობით პირველ ადგილს აშშ იკავებს. აშშ-ში კოვიდინფიცირების 4,764,522 შემთხვევაა გამოვლენილი, მათ შორის 2,363,001 გამოჯანმრთელებულია, 157,901 გარდაცვლილი.
მეორე ადგილზეა ბრაზილია 2,708,876 დადასტურებული შემთხვევით. მძიმე ეპიდვითარებაა ინდოეთში, სადაც კორონავირუსის 1,754,117 შემთხვევაა გამოვლენილი.
მეოთხე ადგილს იკავებს რუსეთი 845,443 დადასტურებული შემთხვევით.
ცნობისთვის, მიმდინარე წლის 11 მარტს ჯანდაცვის მსოფლიო ორგანიზაციამ კორონავირუსი პანდემიად გამოაცხადა.
ჯანდაცვის მსოფლიო ორგანიზაციამ საერთაშორისო მასშტაბით საგანგებო მდგომარეობის რეჟიმი 3 თვით გაახანგრძლივა. ჯანმომ შესაბამისი გადაწყვეტილება 1-ელ აგვისტოს მიიღო.
