მსოფლიოში კოვიდისგან გამოჯანმრთელებულთა რიცხვმა 14 მილიონს გადააჭარბა
1597428015
მსოფლიოში კორონავირუსისგან გამოჯანმრთელებულთა რიცხვმა 14 მილიონს გადააჭარბა და 14,030,709-ს მიაღწია.
worldometers.info-ს სტატისტიკური მონაცემებით, მსოფლიოში კოვიდინფიცირების 21,218,269 შემთხვევაა დადასტურებული, მათ შორის 760,108 გარდაცვლილია.
კორონავირუსის გავრცელების მასშტაბის მიხედვით პირველ ადგილს ისევ აშშ იკავებს, 5,438,450 დადასტურებული შემთხვევით. მეორე ადგილზეა ბრაზილია, სადაც კორონავირუსის 3,238,216 შემთხვევაა გამოვლენილი. მძიმე ეპიდვითარებაა ინდოეთში. ქვეყანაში კორონავირუსის 2,525,144 შემთხვევაა დადასტურებული. მეოთხე ადგილზეა რუსეთი, 912,823 დადასტურებული შემთხვევით.
რაც შეეხება საქართველოს, ქვეყანაში კორონავირუსის 1306 შემთხვევაა დადასტურებული, მათ შორის 1085 გამოჯანმრთელებულია, 17 გარდაცვლილი.
