იმერეთში კორონავირუსის 19 ახალი შემთხვევა დაფიქსირდა, 5 პირი კი გამოჯანმრთელდა.
ქუთაისის ინფექციური კლინიკის სამედიცინო დირექტორის ნოდარ მაღლაფერიძის განცხადებით, ახალი შემთხვევებიდან უმეტესობა ისევ აჭარას უკავშირდება.
„19 ახალი დადასტრურებული შემთხვევაა დღეს ქუთაისში. 5 ჩვენს კლინიკაში გადმოიყვანეს, ასევე 5 პაციენტი გვყავს გამოჯანმრთელებული.
ამ ეტაპზე, კლინიკაში 60 კოვიდდადებითი მკურნალობს. ახალი შემთხვევები ძირითადად აჭარას უკავშირდება",-განაცხადა მაღლაფერიძემ.
ქუთაისის ინფექციურში 60 კოვიდდადებითი, ხოლო კლინიკა „ბომონდში" 79 პაციენტი გადის მკურნალობას.
შეგახსენებთ, საქართველოში ჯამში 3 502 ინფიცირების შემთხვევაა.