ოკუპირებულ აფხაზეთში კორონავირუსის 43 ახალი შემთხვევა დაფიქსირდა. ინფორმაციას გამოცემა sputnik-abkhazia ავრცელებს.
გამოცემის ცნობით, გასული დღე-ღამის განმავლობაში კორონავირუსზე ტესტირება ჩაუტარდა 187 ადამიანს, აქედან 43 პირს კი კორონავირუსი დაუდასტურდა.
ამ დროისთვის გუდაუთის ცენტრალურ რაიონულ საავადმყოფოში 80 ადამიანი იმყოფება, რომელთაგან 8 ადამიანის ჯანმრთელობის მდგომარეობა მძიმეა.
ცნობისთვის, კორონავირუსი პანდემიად მიმდინარე წლის 11 მარტს გამოცხადდა.