ოკუპირებულ აფხაზეთში კორონავირუსით მეორე პაციენტი გარდაიცვალა
1595769615
ოკუპირებული აფხაზეთის რეგიონში კორონავირუსით მეორე პაციენტი გარდაიცვალა. ამის შესახებ ინფორმაციას დე ფაქტო რეჟიმის ოპერატიული შტაბი ავრცელებს.
ინფიცირებულ პირს გულის ქრონიკული დაავადება ჰქონდა. ის გუდაუთას საავადმყოფოში სოხუმიდან 25 ივლისს გადაიყვანეს.
ოკუპირებულ რეგიონში კორონავირუსით ინფიცირების სულ 55 შემთხვევაა დადასტურებული. მათგან 2 გარდაიცვალა, ხოლო 37 გამოჯანმრთელდა.
