ოკუპირებული აფხაზეთიდან კორონავირუსის ნიშნებით ქალი ზუგდიდში გადმოიყვანეს
1585513091
ზუგდიდში აფხაზეთიდან კორონავირუსის ნიშნებით ქალი გადმოიყვანეს. ზუგდიდის ინფექციურ საავადმყოფოში covid 19-ის ნიშნებით შუახნის ქალი გადმოიყვანეს. მას ცხელება და ხველა აღენიშნება.
ამჟამად პაციენტი უკვე მოთავსებულია ბოქსირებულ პალატაში და მისი მდგომარეობა არის ამ დროისთვის სტაბილური.
სავარაუდოდ ანალიზები ხვალ ლუგარის ლაბორატორიაში გადაიგზავნება და პასუხი ცნობილი დღის ბოლომდე გახდება.
ცნობისთვის, კორონავირუსთან ბრძოლაში, ზუგდიდის ინფექციური საავადმყოფოს შემდეგ, რუხის მრავალპროფილური კლინიკაც ერთვება, - სამედიცინო დაწესებულების აღჭურვის პროცესს საქართველოს პრემიერ-მინისტრი გიორგი გახარია 28 მარტს გაეცნო.
როგორც საქართველოს მთავრობის მეთაურმა აღნიშნა საოკუპაციო ხაზის ორივე მხარეს მცხოვრები საქართველოს მოქალაქეების ჯანმრთელობის დასაცავად ხელისუფლება ყველაფეს გააკეთებს.
ცნობისთვის, ამ დროისთვის საქართველოში 91 ადამიანია კორონავირუსით ინფიცირებული.
