ორ მეხანძრე-მაშველს კორონავირუსი დაუდასტურდა
1600440253
ბათუმის მეორე და გლდანის განყოფილებების ორ მეხანძრე-მაშველს COVID 19 დაუდასტურდა. ამის შესახებ ინფორმაციას საგანგებო სიტუაციების მართვის სამსახური ავრცელებს.
„მეხანძრე-მაშველების გეგმიური ტესტირების შედეგი 18 სექტემბერს გახდა ცნობილი და იყო დადებითი.
ამ დროისთვის, ისინი შესაბამის დაწესებულებებში არიან გადაყვანილი და მკურნალობა უტარდებათ. მათ ცვლაში მყოფ მეხანძრე-მაშველებს დამატებითი ტესტირება ჩაუტარდათ და გადაყვანილი არიან იზოლაციაში, დაკვირვების ქვეშ“, - ნათქვამია სამსახურის განცხადებაში.
ამავე ცნობით, საგანგებო სიტუაციების მართვის სამსახურის შენობებს სრული დეზინფექცია უკვე ჩაუტარდა.
