პაატა იმნაძე: ახლა პრაქტიკულად ყველა გაციება არის კორონავირუსი
1606306387
„ახლა ყველა დაავადების, რომელიც გაციებით მიმდინარეობს, ასევე, მწვავე რესპირატორული ინფექციების 90% არის კორონავირუსი. ანალიზების შედეგად დაჭერილია მხოლოდ თითო-ოროლა ძველი კორონავირუსი, ასევე, სურდოს გამომწვევი ვირუსები. პრაქტიკულად, ყველა გაციება არის კორონავირუსი“, - ამის შესახებ დაავადებათა კონტროლის ეროვნული ცენტრის დირექტორის მოადგილემ პაატა იმნაძემ ბრიფინგზე განაცხადა.
მისი თქმით, მსოფლიოში კორონავირუსით რეინფიცირების მხოლოდ რამდენიმე ფაქტია დადასტურებული.
„შეიძლება რეინფიცირება ჩვენთანაც მოხდეს, მაგრამ ეს არ არის ტენდენცია. იქიდან მოყოლებული, რაც დაიწყო პანდემია, დადასტურებულია, რომ კორონავირუსი იმუნიტეტს ტოვებს“, - აღნიშნა პაატა იმნაძემ.
👉 საქართველოში კორონავირუსის 114 889 დადასტურებული შემთხვევაა. გამოჯანმრთელებულია 95 581 და გარდაცვლილია 1 085 ადამიანი.
აგრეთვე წაიკითხეთ:
👉 პაატა იმნაძე: შეიძლება ყოველდღიურად 10 000 ინფიცირებული გვყავს
👉 ლევან რატიანი: მომდევნო ორი კვირა მაინც თავი შევიკავოთ დედაშვილური ურთიერთობისგანაც კი
👉 გამყრელიძე: ბევრია ისეთი ადამიანი, ვისაც COVID-19 აქვს და გრიპი ჰგონიათ
