პრემიერი: შესაძლოა გამკაცრებაზე გადაწყვეტილება ქვეყნის მასშტაბით მივიღოთ და არა რეგიონების ნაწილში
1586426512
პრემიერ-მინისტრის გიორგი გახარიას განცხადებით, კორონავირუსის გავრცელების პრევენციის მიზნით, კარანტინის რეჟიმი შესაძლოა მთელი ქვეყნის მასშტაბით გამკაცრდეს და არა ცალკეულ რეგიონებში.
"შესამჩნევია უკვე, რომ ქვეყანაში რეგიონული კლასტერები იზრდება. ჩვენ შეიძლება გამკაცრების თაობაზე გადაწყვეტილება მივიღოთ ქვეყნის მასშტაბით და არა ცალკეული რეგიონების ნაწილში, რადგან საკმაოდ სერიოზული კლასტერია ქობულეთში, ახლა ლენტეხი გაჩნდა, სამეგრელოშია ასევე რამდენიმე შემთხვევა, ბათუმში. ვნახოთ დღის ბოლოს რა შედეგები გვექნება", - აღნიშნა გიორგი გახარიამ.
